Chevrolet Equinox ជាប្រភេទឡាន Crossover SUV ដ៏ពេញនិយមរបស់អាមេរិក ដែលទទួលបានជោគជ័យគន្លងមក។ ពេលនេះ Equinox 2025 ទទួលបានការផ្លាស់ប្ដូររាងថ្មីមួយជុំ ប៉ុន្ដែតម្លៃក៏ថ្លៃជាងមុនផងដែរ ដល់ទៅ ២,០០០ដុល្លារប៉ុណ្ណោះ។

Equinox 2025 ភ្ជាប់មកជាមួយជម្រើស Trim/Option ចំនួន ៣ LS, RS, Active នឹងប្រភេទរត់ដោយប៉ុង១ FWD និងប៉ុង២ AWD ជាមួយតម្លៃចាប់ផ្ដើម ២៩,៩៩៥ដុល្លារ ដល់ ៣៦,៣៩៥ដុល្លារ ។

Equinox 2025 ផ្នែកខាងផ្លាស់ប្ដូរថ្មីទាំងចង្កៀងមុខស្ដុបក្រោយដែល Chevrolet ហៅថា dynamic eye-catching មើលទៅទាក់ភ្នែក នឹងប្លែកគួរសម។

ខាងក្នុងធំទូលាយ ទំនើប នឹង Luxury មិនធម្មតាឡើយ ជាមួយកៅអីស្បែកបែបស្ព័រ បំពាក់អេក្រង់ថាច់ ១១,៣អ៉ីងភ្ជាប់ជាមួយកុងទ័រឌីជីថល ទំហំ ១១អ៉ីង ដែលលាតកាត់ផ្ទៃខាងមុខ ជាមួយភាពទំនើបដ៏សម្បូរបែបរបស់ Chevrolet ផងដែរ។

សម្រាប់ផ្នែកប្លុកម៉ាស៊ីន អាចនិយាយបានថាជាប្រភេទឡានដែល សន្សំសំចៃគួរសមដោយ Equinox 2025 ភ្ជាប់មកជាមួយម៉ាស៊ីន Turbo ១.៥លីត្រ ៤ស៊ីឡាំង ផលិតកម្លាំងបាន ១៧៥សេះ កម្លាំងរមួល ១៨៤ផោនហ្វីត រត់ដោយប្រអប់លេខ CVT ជាមួយជម្រើសប៉ុង១ FWD នឹងប៉ុង២ AWD បំពាក់យាន់កង់ទំហំ ១៧អ៉ីង ដល់ ១៩អ៉ីង Alloy Wheel ចំណែកកម្រិតស៊ីសាំង យ៉ាងណានោះ Chevrolet នៅមិនទាន់បញ្ជាក់នៅឡើយទេ៕

ដោយ៖ Bunsak 

ប្រភព៖ Caranddriver

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!