មហា​ព្រឹត្តិការណ៍ដ៏ធំសម្បើមប្រចាំឆ្នាំ២០២៤ ដែលនឹងប្រព្រឹត្តិទៅនៅថ្ងៃទី២៤ ខែកុម្ភៈ នៅប្រទេសថៃ ខេត្តបុរីរាំ ចូលរួមដោយ Supercar ទំនើបៗជាពិសេសចូលរួមដោយរថយន្ត Supercar ទំនើបរបស់លោកឧកញ៉ា លាង ពៅ (ភីធើរ) អ្នកបង្កើតមហា​ព្រឹត្តិការណ៍ RevUp Beyond Supercar Cambodia ដោយផ្ទាល់​​ និង  ឯកឧត្តម ទៀ ស្យាម ស្ថាបនិក Cambodia Car Cultures ។

សហព័ន្ធយានយន្ត Cambodia Car Cultures នឹងដឹកនាំក្រុមចូលរួមក្នុងព្រឹត្តិការណ៍ដ៏អស្ចារ្យមួយ " Nexzter Rest Club Track Days " អន្តរជាតិ នៅឯ Chang International Circuit, Buriram ប្រទេសថៃ។

ឯកឧត្តម ទៀ ស្យាម ស្ថាបនិក Cambodia Car Cultures លោកមានប្រសាសន៍ថា " នេះមិនត្រឹមតែជាដំណើរកំសាន្តឆ្លងប្រទេសនោះទេ លោកមានគោលបំនងចង់ឲ Drivers ពីប្រទេសកម្ពុជាទទួលបាននូវបទពិសោធន៍នៃការបើកបរក្នុងទីលានអន្តរជាតិ ដើម្បីជាកិច្ចចូលរួមការអភិវឌ្ឍវិស័យមួយនេះក្នុងប្រទេសយើងនាពេលអនាគត " បន្ថែមពីនេះ Chang International Circuit គឺជាទីលានដំបូង និង ធំជាងគេបង្អស់ ដែលទទួលបាន FIA Grade 1 នឹង FIM Grade A នៅក្នុងប្រទេសថៃ។

ដំណើរកំសាន្តនេះគ្រោងចេញដំណើរនៅថ្ងៃ ២៣ កុម្ភៈ ២០២៤ ធ្វើដំណើរពីទីក្រុងភ្នំពេញ, ប្រទេសកម្ពុជា តាមខេត្ត សៀមរាប ឆ្ពោះទៅខេត្ត បុរីរម្យ, ប្រទេសថៃផ្ទាល់តែម្តង ។

រូបភាពផ្សេងៗ

ប្រភពពត៏មាន : Rev Up Cambodia