ម៉ូឌែល Wildtrak គឺជាប្រភេទឡាន Pick Up ដ៏ពេញនិយមរបស់ Ford ដែលគេហៅថាជាប្រភេទ Full Option ហើយក៏ជាបងធំរបស់ត្រកូល Ranger ដូចជា៖ Ranger XLT, XLS និង XL ជាដើម។

សម្រាប់ស៊េរីឆ្នាំ ២០២៣ គឺជា Next-Generation ថ្មីមួយរបស់ Ford ដែលទទួលបានជោគជ័យខ្លាំង សម្រាប់បច្ចុប្បន្ននេះវិញ ស៊េរីឆ្នាំ២០២៤ ក៏ចូលមកដល់ ជាមួយការបំពាក់បន្ថែមតិចតួចផងដែរ។

សម្រាប់តម្លៃវិញ Ford Ranger Wildtrak 2023 កាលចេញដំបូងតម្លៃ ៥៥,៩០០ដុល្លារ ហើយក៏លេចឮដំណឹងថា ក្រុមហ៊ុន Ford កំពុងធ្វើការប្រូមូសិនពិសេសបញ្ចុះតម្លៃដល់ទៅ ៣,០០០ដុល្លារ មកត្រឹម ៥២,៩០០ដុល្លារប៉ុណ្ណោះ ហើយចំនួនក៏មានកំណត់ផងដែរ។

ចំណែកស៊េរីឆ្នាំ២០២៤ វិញដាក់លក់តម្លៃដើមដូចឆ្នាំ២០២៣ ដែរគឺ ៥៥,៩០០ដុល្លារ ជាមួយការបំពាក់បន្ថែមថ្មីតែ ១ចំណុចប៉ុណ្ណោះគឺ កៅអីចុចអេឡិចត្រនិច ខាងដំណើរជួរមុខ ដែលអាចសារ៉េលៃតម្រូវបានដល់ទៅ ៨របៀបឯណោះ ក្រៅពីនឹងគឺដូចស៊េរីឆ្នាំ២០២៣ ដដែល។

សម្រាប់បងប្អូនវិញយល់យ៉ាងណាដែរចំពោះ Ford Ranger Wildtrak 2023 និង 2024 មួយនេះ? ចំពោះបងប្អូនដែលមានចំណាប់អារម្មណ៌ ឬកំពុងស្វែររក អាចធ្វើការទំនាក់ទំនងបន្ថែមទៅកាន់ ក្រុមហ៊ុន ឬសាខាលក់រថយន្ដ របស់ Ford Cambodia បាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!