• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ស្វាគមន៍ខួប ៥០ឆ្នាំ, BMW បង្ហាញមុខ BMW SUV ខ្នាតធំថ្មី ជាមួយកម្លាំងខ្លាំង រូបរាងសង្ហា ប្រណិត បច្ចេកវិទ្យាទំនើប បូករួមនឹងការដេគ័រផ្នែកខាងក្នុងទាក់ភ្នែក បំពាក់សុទ្ធតែកៅអីស្ដេច។ 

BMW សេរីថ្មីនេះមានឈ្មោះថា BMW XM ដែលជាម៉ូដែលថ្មីបំផុតរបស់ BMW សម្រាប់ឆ្នាំ ២០២២ នេះ ប្រើប្រាស់ដោយមុខងារ Plug-in Hybrid បំពាក់ជាមួយម៉ាស៊ីនសាំងផង និងម៉ូទ័រអគ្គិសនីផង ផលិតកម្លាំងបាន ៧៥០ សេះ និងមានសមត្ថភាពជិះដោយប្រើអគ្គិសនីសុទ្ធបានចម្ងាយ ៥០គីឡូម៉ែត្រ។ 

ការឌីហ្សាញ BMW XM ជាការលាយបញ្ជូលគ្នារវាង BMW iX និង BMW M performance។ 

សម្រាប់រូបរាងខាងក្រៅរបស់វាត្រូវបានគេរចនាទាក់ភ្នែក ខាងមុខមានបំពាក់ដោយចង្កៀង LED បន្ថែមជាមួយចង្កៀង Daytime Running Light និង Glow LED dimming លម្អប៉ាណាមុខ, មានកញ្ចក់មើលក្រោយផលិតពី Carbon Fiber, យ៉ាន់កង់ធំដល់ទៅ ២៣ អ៊ីញ, Flush Door Handle, និងម៉ូឌដំបូលក្រោយផតចូលក្នុងទៀតផង។ 

នៅខាងក្នុង វាបំពាក់កៅអីក្រោយតែ ២ ប៉ុណ្ណោះដែលហៅថា King Chair ឬកៅអីស្ដេច មានមាឌធំ ប្រកបដោយផាសុខភាព ស៊ីជាមួយភ្លើងព្រឹមៗនៅលើដំបូល, ខាងមុខមាន អេក្រង់លាតធំ ដៃចង្កូតស្ព័រ កៅអីស្ព័រ ឬកៅអី M Sport, និងរក្សាម៉ូដចាស់នៅលើ console កណ្ដាលដដែល។ 

BMW XM នឹងចូលក្នុងខ្សែសង្វាក់ផលិតកម្មនៅឆ្នាំ ២០២២ ខាងមុខ ព្រមទាំងចេញលក់លើទីផ្សារនៅឆ្នាំ​ ២០២៣ នេះហើយ រីឯតម្លៃវិញ BMW នៅមិនទាន់បង្ហើបនៅឡើយទេ។ 

ប្រភព៖ Car and Driver អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto