👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

Bugatti ដែលត្រូវបានស្គាល់ថាជាម៉ាករថយន្ដប្រណិតស្ដង់ដារបារាំង ជាមួយនឹងតម្លៃកប់ពពក ថ្មីៗនេះ បានប្រកាសរករថយន្ដលំដាប់ Bugatti Chiron សេរីថ្មីរបស់ខ្លួន មកទទួលការត្រួតពិនិត្យ ឡើងវិញ ព្រោះសង្ស័យមានបញ្ហារលុងខ្ចៅ នេះបើតាមការចុះផ្សាយពីសារព័ត៌មាន Bloomberg។ 

Bugatti បានបង្ហាញពីការព្រួយបារម្មណ៍របស់ខ្លួនលើរថយន្ដទំនើបមួយនេះ ដោយ បានជូនដំណឹង ដល់មន្ដ្រីសុវត្ថិភាពចរាចរណ៍ថា រថយន្ដម៉ាក Bugatti Chiron មួយគ្រឿង ត្រូវបានលក់ចេញដោយមានបញ្ហា រលុងវីសដែលតោងស៊ុមការពារផ្នែកខាងមុខ អាចបណ្ដាលឲ្យបាត់បង់របាំងការពារ បង្កឲ្យអត្រាគ្រោះថ្នាក់ ដល់អ្នកជិះខ្លាំងពេលជួបឧបត្តហេតុ ដូច្នេះហើយ ទើបក្រុមហ៊ុនប្រកាសអូសយករថយន្ដនេះ មកទទួលការត្រួតពិនិត្យ ឡើងវិញដោយឥតគិតថ្លៃ។ 

គួរឲ្យដឹងថាបញ្ហាស្រដៀងគ្នានេះក៏ធ្លាប់មានកើតឡើងជាមួយនឹងក្រុមហ៊ុនផលិតឡានលំដាប់ល្បីៗមួយចំនួនផ្សេងទៀតដូចជារថយន្ដ Aventador SVJ Roadster ២០២១ របស់ Lamborghini និងរថយន្ដផ្សេងទៀតរបស់ Jaguar, Land Rover និង​ Mercedes Benz ជាដើម។

បើតាមការឲ្យដឹងពីមន្ដ្រីស្ថាប័នសុវត្ថិភាពចរាចណ៍ផ្លូវគោកថា រថយន្ដ Bugatti Chiron នេះកាលពីឆ្នាំ ២០២១ ធ្លាប់មានបញ្ហាម្ដងរួចមកហើយ ទាក់ទងនឹងកង់ក្រោយ ដែលអាចបង្កគ្រោះថ្នាក់បន្ទាប់ពីបើកបានក្នុងចម្ងាយ ៤០ ២៣ គម ដូចនេះហើយ Bugatti បានហៅម្ចាស់ឡាន Bugatti ដែលបានលក់ចេញទាំង ៩គ្រឿង មកទទួល ការត្រួតពិនិត្យ និងប្ដូរកង់ក្រោយឲ្យរៀងរាល់ ៣០១៧ គមម្ដង ដោយឥតគិតថ្លៃផងដែរ។  

គួរបញ្ចាក់ថា Bugatti Chiron សេរីថ្មីនេះមួយគ្រឿងមានតម្លៃដល់ទៅ ៣លានដុល្លារឯណោះ​ ហើយ Bugatti ចេញលក់ក្នុងមួយឆ្នាំប្រមាណ ៧០គ្រឿង និងគ្រោងផលិតត្រឹមតែ ៥០០ គ្រឿងប៉ុណ្ណោះ ដែលគិតមកដល់ឆ្នាំ ២០១៧ វាត្រូវបានលក់ចេញអស់ជាងពាក់កណ្ដាលទៅហើយ។ 

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto