👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពរថយន្ដ

………………………………………………………………………………….

កាលពីពេលថ្មីៗនេះ នាយកដ្ឋានសុវត្ថិភាពចរាចរណ៍ផ្លូវគោក បានបង្ហោះវីដេអូចំណេះដឹងថ្មីមួយ ស្ដីពីការប្រតិបត្តិច្បាប់ចរាចរណ៍ ៣ ប្រការ លើ ករណីយានយន្ដចង់បត់ស្ដាំ ពេលមានភ្លើងសញ្ញាចរាចរណ៍ពណ៌ក្រហម យ៉ាងក្បោះក្បាយ ដើម្បីកុំឲ្យប្រជាពលរដ្ឋយល់ច្រឡំ បត់ខុស ត្រូវប៉ូលីសផាកពិន័យ។ 

តាមរយៈការបកស្រាយពីសំណាក់ ឯកឧត្ដម ព្រាប ចាន់វិបុល ទីប្រឹក្សាក្រសួង សាធារណការ និងដឹកជញ្ជូន បានឲ្យដឹងថា "ចំពោះភ្លើងសញ្ញាចរាចរណ៍ពណ៌ក្រហម យានយន្តនៅខាងស្តាំដៃបង្អស់អាចបត់ស្តាំបាន" ក៏ប៉ុន្តែត្រូវឲ្យភ្លើងសញ្ញាប្ដូរទិសទៅខាងស្ដាំ (ស៊ីញ៉ូស្តាំ) យ៉ាងហោចណាស់ ២០ ម៉ែត្រ  មុនដល់ចំណុចប្រសព្វ (មុនដល់ផ្លូវបត់) និងបើកបរប្រកាន់គន្លងខាងស្ដាំជាប់នឹងចិញ្ជើមផ្លូវ ព្រមទាំងអនុវត្តន៍តាម គោលការណ៍ ៣ ចំណុច ៖ 

ទីមួយ ​អ្នកបើកបរយានយន្ដមិនត្រូវបត់ស្ដាំកាត់មុខ យានយន្ដដែលមកពីទិសខាងឆ្វេង ហើយជិតដល់ចំណុចប្រសព្វ ឬដល់ចំណុចប្រសព្វនោះទេ ព្រោះវាអាចនាំឲ្យមានការរំខាន និងស្ទះចរាចរណ៍ ។

ទីពីរ ពេលភ្លើងសញ្ញាពណ៌ក្រហម អ្នកបើកបរយានយន្ដ ត្រូវឈប់នៅមុខគំនូសបន្ទាត់ឈប់ កាត់ទទឹងទ្រូងផ្លូវ ដើម្បីប្រាកដថា គ្មានយានយន្ដធ្វើចរាចរណ៍មកពីទិសខាងឆ្វេង ហើយករណីដែលគ្មានគំនូសបន្ទាត់ឈប់ ត្រូវឈប់នៅមុខផ្លូវប្រសព្វ។ 

ទីបី ករណីផ្លូវមិនទំនេរ ឬ មានយានយន្ដធ្វើចរាចរណ៍ពីទិសខាងឆ្វេងមមាញឹកច្រើន ដែលជិតមកដល់ ឬដល់ផ្លូវប្រសព្វ អ្នកបើកបរដែលចង់បត់ស្ដាំនោះ ត្រូវឈប់ហើយ ផ្ដល់អាទិភាពឲ្យយានយន្ដនោះទៅឲ្យផុតសិន ទើបអនុញ្ញាតឲ្យបត់ស្ដាំបានដោយប្រុងប្រយត្ន័។ 

គួររំឭកផងដែរថា រាជរដ្ឋាភិបាល តែងតែធ្វើការដាស់តឿន និងអំពាវនាវជារឿយៗ ដល់ប្រជាពលរដ្ឋ អ្នកធ្វើដំណើរគ្រប់រូប ឲ្យមានអធ្យាស្រ័យយោគយល់គ្នាទៅវិញទៅមក ក្នុងពេលបើកបរ និងព្យាយាមគោរពច្បាប់ចរាចរណ៍ឲ្យបានខ្ជាប់ខ្ជួន ឲ្យស្របទៅតាម ពាក្យស្លោកថា ថ្ងៃនេះ ថ្ងៃស្អែកកុំឲ្យមានគ្រោះថ្នាក់ចរាចរណ៍។ 

ទស្សនាវីដេអូបកស្រាយពីនាយកដ្ឋានសុវត្ថិភាពចរាចរណ៍ផ្លូវគោក ៖

អត្ថបទ៖ Andra  AdvanAuto 

 …………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto