👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ពីមួយឆ្នាំទៅមួយឆ្នាំម៉ូឌែល Toyota RAV4 គឺជារថយន្ត SUV ដែលលក់ដាច់បំផុតនៅលើទីផ្សារជាមួយម៉ូឌែលមួយនេះវាមានកេរ្តិ៍ឈ្មោះតាំងពីយូរណាស់មកហើយ។

ថ្មីៗនេះក្រុមហ៊ុន Toyota បានបញ្ចេញម៉ូឌែល RAV4 ស៊េរីឆ្នាំ ២០២៣  ហើយវាទំនង់ជាមានការអាប់ដេតមួយចំនួនទៀតផងដែរ ។

Toyota RAV4 ស៊េរីឆ្នាំ ២០២៣ បាននាំមកជាមួយកម្រិត Option ចំនួនប្រាំមួយមានដូចជា LE, XLE, XLE Premium, Adventure, TRD Off-Road និង Limited ហើយ Option នីមួយៗបំពាក់មកជាមួយម៉ាស៊ីន ៤ ស៊ីឡាំងចំណុះ ២.៥ លីត្រ អាចផលិតកម្លាំងបាន ២០៣ សេះ និងកម្លាំងរមួល ១៨៤ ផោនហ្វីត ដោយធ្វើការបញ្ជូនចលនាដោយប្រអប់លេខស្វ័យប្រវត្ដិ ៨ វគ្គដែលវាដំណើរការដោយកង់ខាងមុខ និងដំណើរការដោយកង់ទាំងបួនដែលហៅថា​ (​AWD) គឺ​មាន​សម្រាប់​តែ Option TRD Off-road ប៉ុណ្ណោះ។ បើយោងតាមការប៉ាន់ស្មានកម្រិតស៊ីសាំង (EPA) ពី Toyota ផ្ទាល់បានបញ្ជាក់ថាម៉ូឌែល Rav4 នេះអាចរបើកបរចង្ងាយ ១០០ គីឡូម៉ែត្រស៊ីសាំង ៥ លីត្រសម្រាប់ផ្លូវក្នុងក្រុង និងសម្រាប់ផ្លូវហាយវេរវាអាចបើកបរចង្ងាយ ១០០ គីឡូមែត្រស៊ីសាំង ៦ លីត្រ។

អិតិថិជនក៏ផ្ដោតសំខាន់ទៅលើប្រព័ន្ធសុវត្តិភាពផងដែរ ដូចច្នោះហើយ Toyota RAV4 បានបំពាក់មកជាមួយកញ្ចប់សុវត្ដិភាព Toyota Safety Sense 2.0 ដែលរួមមានប្រព័ន្ធត្រួតពិនិត្យសម្ពាធខ្យល់សំបកកង់​ប្រព័ន្ធការពារការប៉ះទង្កិចនៅពេលមានឧបស័គ្គនៅខាងមុខ និងជួយជាន់ហ្វ្រាំងដោយស្វ័យប្រវត្តិ ប្រព័ន្ធគ្រប់គ្រងឡានចំកណ្តាលគន្លងផ្លូវ ប្រព័ន្ធគ្រប់គ្រង់ល្បឿនស្វ័យប្រវត្តិ (Full Speed Range Adaptive Cruise Control) ជាពិសេសវាបានបន្ថែមជាមួយមុខងារសុវត្ថិភាពការពារការប៉ះទង្គិចផ្លូវប្រសព្វ ជំនួយលើកការទប់ចង្កូតពេលមានអាសន្ន និងប្រព័ន្ធចាប់សញ្ញាចររាចរណ៍ជាដើម។

ជាមួយគ្នានេះដែរកាប៊ីនខាងក្នុងមានភាពទូលាយកៅអីទាំងអស់ស្រោបដោយកម្រាលពូកស្បែក ដែលកៅអីនីមួយៗមានមុខងារកម្តៅងាយស្រួលក្នុងការធ្វើដំណើររួមទាំងបំពាក់មកជាមួយអេក្រង់កំសាន្ដ Touch screen ទំហំ ១០ អ៊ីញ និងកុងទ័រវាស់ល្បឿនឌីជីថលទំហំ ១២.៣ អ៊ីញបំពាក់មកជាមួយប្រព័ន្ធ Speaker JBL ១៦ គ្រាប់ អាចភ្ជាប់ជាមួយ Apple CarPlay/Android Auto និងការសាកថ្មទូរស័ព្ទឥតខ្សែហើយវាក៏មានប្រព័ន្ធកាមេរ៉ាអាចមើលជុំវិញរថយន្ដ អមមកជាមួយដំបូលប្រភេទ Panoramic មើលទៅក្រៅបាន រួមទាំងដៃចង្កូតដែលមានកម្តៅហើយលក្ខណៈពិសេសថ្មីនោះវាបានបន្ថែមរន្ធ HDMI និងរន្ធ USB-C ទៀតផង។ គួរបញ្ជាក់ផងដែរថាទាក់ទងជាមួយព័ត៌មានតម្លៃនៃម៉ូឌែល RAV4 ស៊េរីឆ្នាំ ២០២៣ ក្រុមហ៊ុន Toyota នៅប្រទេសជប៉ុននឹងត្រូវបានបង្ហាញនៅចន្លោះខែសីហា និងខែកញ្ញា ឆ្នាំ ២០២២ នេះ។

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto