មិនធម្មតាទេ! Lexus ចេញមុខឡានអគ្គិសនីស្ព័រផ្លូវការ ស្ទុះខ្លាំង សាកមួយពេញជិះបាន ៧០០ គីឡូម៉ែត្រឯណោះ

ចំនួនអ្នកទស្សនា

អ្នកទស្សនា

1784

2021-12-Lexus_ចេញមុខឡានអគ្គិសនីស្ព័រ.jpg

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

តាមរយៈសន្និសីទ តាំងបង្ហាញរថយន្ដអគ្គិសនីទ្រង់ទ្រាយធំរបស់ក្រុមហ៊ុនផលិតឡានជប៉ុន Toyota កាលពីពលថ្មីៗនេះ Toyota បានបើកបង្ហាញមុខនូវគម្រូរថយន្ដអគ្គិសនីសុទ្ធរបស់ខ្លួនទាំង ៣០ម៉ូដែល ព្រមជាមួយនឹងការសន្យាថានឹងបញ្ចេញមុខម៉ូដែលទាំងអស់នៅលើទីផ្សារត្រឹមឆ្នាំ ២០៣០។

រូបភាព៖ គម្រូឡានអគ្គិសនី Toyota ត្រៀមចេញក្នុងឆ្នាំ ២០៣០ (Source: Just Auto)

ស្របពេលជាមួយគ្នានោះដែរ Toyota បាននាំយកភាពភ្ញាក់ផ្អើលមួយនៅចុងកម្មវិធីដោយបង្ហាញមុខ គម្រូរថយន្ថមួយទៀតរបស់ Lexus ដែលមានលក្ខណៈជាឡានស្ព័រ ប្រើប្រាស់អគ្គិសនី នោះគឺ Lexus Electrified Sport Concept ដែលយកគម្រូរចនាមកពីឡាន Lexus supercar សេរីមុនដែលមានឈ្មោះថា LFA។

រីឯរូបរាងរបស់វាវិញមានលក្ខណៈជា hypercar បណ្ដោយខ្លួនទ្រវែង នឹងការរចនាមើលទៅស្រដៀងនឹង Audi E-Tron GT។

រូបភាព៖ Lexus Electricfied Sport Concept (Source: Motor 1)

សម្រាប់ព័ត៌មានលម្អិតផ្សេងៗ និងរូបរាងផ្នែកខាងក្នុងរបស់ឡានអគ្គិសនីស្ព័រ Lexus នេះ Toyota និង Lexus សុំរក្សាជាការសម្ងាត់សិន មិនទាន់បង្ហាញនៅឡើយទេ ប៉ុន្ដែ Toyota ក៏បានបង្ហើបពីសមត្ថភាពខ្លះរបស់វាផងដែរ ដោយវានឹងត្រូវបំពាក់ជាមួយអាគុយ solid-state-battery, អាចជាន់បានល្បឿនពី ០ ទៅ ១០០ គីឡូម៉ែត្រក្នុងមួយម៉ោងដោយប្រើពេលត្រឹមតែ ២វិនាទី ជាមួយការព្យាករណ៍ចម្ងាយធ្វើដំណើរបាន ៤៣៥ ម៉ាលយ៍ ឬ ៧០០ គីឡូម៉ែត្រ រាល់ពេលសាកពេញម្ដងៗ។