កាលពីពេលថ្មីៗនេះ ក្រុមហ៊ុម Ford បានបើកសម្ភោធស្វាគមន៍ជាផ្លូវការនៅសមិទ្ធិផលថ្មីក្នុងស្រុក ដែលកន្លងមករថយន្ដរបស់ខ្លួនធ្លាប់តែនាំចូលពីខាងក្រៅមកលក់នៅទីផ្សារស្រុកខ្មែរ។ ប៉ុន្ដែពេលនេះ Ford បានឈរជើងនឹង នឹងបានបោះជំហ៊ានមួយទៀតគឺ ផលិតរថយន្ដរបស់ខ្លួននៅលើ ទឹកដីកម្ពុជា ដោយប្រជាជនកម្ពុជា ដែលមានការទទួលស្គាល់ជាលក្ខណៈអន្តរជាតិផងដែរ។

មិនត្រឹមតែកាត់បន្ថយតម្លៃនៃរថយន្ដនីមួយៗធូរថ្លៃជាងមុននោះទេ ប៉ុន្ដែបានជួយសម្រួលដល់ផ្នែកសេដ្ខកិច្ចកម្ពុជា បង្កើនការងារក្នុងស្រុកដល់ប្រជាជនកម្ពុជា ហើយក៏ជាមុខមាត់ នឹងជាសមិទ្ធិផលថ្មីមួយរបស់កម្ពុជាផងដែរ។

ហើយរថយន្ដដែល Ford បានផលិតដោយដៃប្រជាជនកម្ពុជា លើទឹកដីកម្ពុជា មានដូចជា៖ Ford Ranger XL, XLT, Wildtrak, Everest នឹង Territory​ ។

បើនិយាយដល់រថយន្ដ Ford ស្រុកខ្មែរតែងនឹកដល់រថយន្ដ Pick Up មុនគេតែម្ដងពិសេសគឺត្រកូល Ranger ។ ហើយសម្រាប់ Ranger ឆ្នាំ២០២៥ នេះផងដែរ កំពុងទទួលបានការចាប់អារម្មណ៌ជាមួយតារាងតម្លៃថ្មី ថាតើផលិតផលក្នុងស្រុកខ្មែរបែបនេះ តម្លៃវិញយ៉ាងណាដែរ? ធូរថ្លៃជាងមុនដែរឬអត់? 

ជាការពិតណាស់ Ford បានលក់ធូរថ្លៃជាងមុនច្រើនគួរសម បើធៀបនឹងពពួកស៊េរីឆ្នាំ ២០២៤ សម្រាប់ត្រកូល Ranger 2025 ដូចជា៖

Ranger Wildtrak 2025 តម្លៃ ៥៣,៩០០ដុល្លារ (2024 តម្លៃ ៥៥,៩០០ដុល្លារ) ធូរជាងមុន ២,០០០ដុល្លារ។  

Ranger XLT​ 2025 តម្លៃ ៤៤,៩០០ដុល្លារ (2024 តម្លៃ ៤៦,៥០០ដុល្លារ) ធូរជាងមុន ១,៦០០ដុល្លារ។

Ranger XL 2025 តម្លៃ ៣៧,៩០០ដុល្លារ (2024 តម្លៃ ៣៩,៩០០ដុល្លារ) ធូរថ្លៃជាងមុន ២,០០០ដុល្លារ។

សម្រាប់បងប្អូនវិញយល់យ៉ាងណាដែរចំពោះ តម្លៃថ្មីរបស់ Ford Ranger 2025 មួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!