ថ្មីៗនេះ Ford បានត្រៀបបញ្ចេញម៉ូឌែល Ranger របស់ខ្លួននៅឆ្នាំ២០២៥ ជាមួយការបន្ថែមរសជាតិ Version ថ្មីគឹប្រភេទ Plug-in Hybrid ដែលមិនធ្លាប់មានពីមុនមកនៅលើ Pick Up ត្រកូល Ranger ឡើយ ជាមួយការសាកមួយពេញអាចជិះបាន ៤៥គីឡូម៉ែត្រ ឬស្មើនឹង ២៨មាយ។

Ranger Plug-in មួយនេះមិនបង្ហាញពីកម្លាំងម៉ាស៊ីន ឲ្យជាក់លាក់នៅឡើយទេ ប៉ុន្តែ Ford បានបញ្ជាក់ថាប្រព័ន្ធ Plug-in Hybrid របស់ខ្លួនអាចមាន កម្លាំងរមួលលើសពី ៦០០ Nm ច្រើនជាងរថយន្ត Ranger ផ្សេងទៀត ដែលបំពាក់ម៉ាស៊ីន ៦ស៊ីឡាំង ៣.០លីត្រ Turbo ឯណោះ។

ទោះបីជាមិនទាន់ដឹងច្បាស់លាស់ថា Ford និងញាប់គ្រឿងផ្សំអ្វីខ្លះ តែក្រុមអ្នកជំនាញបានវាយតម្លៃថា Ranger Plug-in Hybrid ស៊េរីឆ្នាំ២០២៥ អាចនឹងប្រើជាមួយម៉ាស៊ីន Ecoboost ៤ស៊ីឡាំង ២.៣លីត្រ ជំនួយដោយ Turbo។ 
ការបន្ថែមដ៏សំខាន់មួយទៀតទៅលើបរិក្ខារគឺប្រព័ន្ធ Pro Power Onboard ដែលមានព្រីភ្លើងជាច្រើននៅ ទ្រុងក្រោយ និងនៅខាងក្នុងកាប៊ីន។

ក្រុមហ៊ុនអះអាងថា ថ្មរបស់ PHEV អាចផ្តល់ថាមពលដល់ ជាឧបករណ៍ ផ្គត់ផ្គន់អគ្គិសនីនៅកន្លែងធ្វើការ ឬកន្លែងបោះតង់ Adventure ប្រកបដោយប្រសិទ្ធភាពក្នុងការប្រើប្រាស់ផ្សេងៗ។ លក្ខណៈ​ពិសេស​នៃ​កំណែ​ផ្សេង​ទៀត​រួម​មាន​អក្សរ PHEV នៅ​ផ្នែក​ចំហៀង លើរបាំងភុកជាកន្លែងសាកថ្ម  ទ្រុងក្រោយមានរន្ធបំលែងថាមពលសម្រាប់ប្រើប្រាស់ និង​ការ​រចនា​ថ្មី​សម្រាប់​យ៉ាន់កង់​ទំហំ ១៨ អ៊ីញជាដើម។

ក្រៅពីនឹងរូបរាងគឺមិនខុសពី Ranger ស៊េរីឆ្នាំ២០២៣ឡើយ ចំណែកខាងក្នុងមានការប្រែប្រួលយ៉ាងណាខ្លះនោះ Ford មិនទាន់បញ្ជាក់នៅឡើយទេ។

ប៉ុន្ដែរបើតាមលោក Chris Rushton ដែលជាផ្នែកទីផ្សារពាណិជ្ជកម្មប្រចាំតំបន់អ៉ឺរ៉ុប បានបង្ហើបថា ទម្រង់ដ៏ពេញនិយមផ្នែកខាងក្នុង អាចនឹងឌីស្សាញងាកទៅរកចំណូលចិត្តបែបអតិថិជនក្នុងតំបន់អ៉ឺរ៉ុបច្រើនជាង។ 

គួរបញ្ជាក់ដែរថា Ranger Plug-in អាចនឹងចាប់ផ្ដើមការផលិតក្នុងឆ្នាំ២០២៤ ជាមួយការចាប់យកទីផ្សារចំនួន ៣ប៉ុណ្ណោះក្នុងឆ្នាំ២០២៥ ដូចជា៖ តំបន់អ៉ឺរ៉ុប អូស្ដ្រាលី និង អង់គ្លេស ជាដើម៕

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!