ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ការកាត់ឈ្មោះយានយន្តពីម្ចាស់ដើមទៅកាន់អ្នកទិញនៅតែជាចម្ងល់របស់ប្រជាពលរដ្ឋមួយចំនួនធំ ដោយមិនទាន់យល់ច្បាស់ពីដំណើរការនេះ។ តើការកាត់ឈ្មោះឡានត្រូវការឯកសារអ្វីខ្លះ? ចំណាយពេលប៉ុន្មានថ្ងៃទើបបាន?

យោងទៅតាមគេហទំព័រផ្លូវការរបស់ក្រសួងសាធារណការនិងដឹកជញ្ចូនក្នុងការផ្ទេរកម្មសិទ្ធិឡានមានម្ចាស់ដើម អ្នកតម្រូវអោយមានឯកសារដូចជា៖

- ពាក្យសុំផ្ទេរកម្មសិទ្ធិមួយច្បាប់

- លិខិតទិញលក់២ច្បាប់ បំពេញរួច រងចាំផ្តិតមេដៃនៅចំពោះមុខមន្រ្តីទាំងម្ចាស់ដើមនិងម្ចាស់ចុងក្រោយ

- អត្តសញ្ញាណប័ណ្ណរបស់ម្ចាស់ដើមនិងម្ចាស់និងក្រោយ ត្រូវថតចម្លងរួចបញ្ជាក់ពីច្រកចេញចូលតែមួយ។

(សម្រាប់ក្រុមហ៊ុនត្រូវមានបណ្ណប៉ាតង់ដែលមានបោះត្រាក្រុមហ៊ុន),

-  កាតគ្រី

- កាល់លេខតួរលេខម៉ាស៊ីន

- ពន្ធផ្លូវ

- ឆៀក

- គល់ម្ញែត ឬបង្កាន់ដៃពន្ធនាំចូល។

ចំណែកការផ្ទេរកម្មសិទ្ធិអត់មានម្ចាស់ដើម តម្រូវឲ្យមានឯកសារដូចជា៖

- ពាក្យសុំផ្ទេរកម្មសិទ្ធិមួយច្បាប់

- កិច្ចសន្យាធានាចំនួន២ ត្រូវបំពេញរួចយកទៅបញ្ជាក់ពីបុស្តី៍នគរបាលដែរម្ចាស់ចុងក្រោយស្នាក់នៅ

- អត្តសញ្ញាណបណ្ណរបស់ម្ចាស់ដើម

- អត្តសញ្ញាណបណ្ណរបស់ម្ចាស់ចុងក្រោយ ត្រូវថតចម្លងរួចបញ្ជាក់ពីច្រកចេញចូលតែមួយ។(សម្រាប់ក្រុមហ៊ុនត្រូវមានបណ្ណប៉ាតង់ដែលមានបោះត្រាក្រុមហ៊ុន)

- កាល់លេខតួរលេខម៉ាស៊ីន

- ពន្ធផ្លូវ

- ឆៀក

- គល់ម្ញែត

- កាតគ្រី

- លិខិតទិញលក់។

សម្រាប់រយៈពេលនៃដំណើរការនេះវិញ ប្រសិនបើប្រជាពលរដ្ឋមានឯកសារគ្រប់គ្រាន់នោះ គឺប្រើរយៈ ពេលត្រឹមតែមួយថ្ងៃប៉ុណ្ណោះ នេះបើយោងទៅតាម ឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ចូនផ្លូវគោក ក្រសួងសាធារណការ និងដឹកជញ្ចូន។ 

ក្នុងនោះដែរប្រជាពលរដ្ឋក៏តម្រូវអោយបង់កម្រៃការផ្ទេរកម្មសិទ្ធិរថយន្តធុនតូច ឬធុនស្រាលដោយក្នុងរាជធានី-ខេត្ត (៤៨.០០០៛) ប្រសិនបើឆ្លងរាជធានី-ខេត្ត កម្រៃសេវា (១០១.០០០៛)។ សម្រាប់កម្រៃការផ្ទេរកម្មសិទ្ធិរថយន្តធុនធំ ឬធុនធ្ងន់ ក្នុងរាជធានី-ខេត្ត (៦៧.០០០៛) បើឆ្លងរាជធានី-ខេត្ត​ កម្រៃ (១២៥.០០០៛)។ សូមបញ្ជាក់ថាតម្លៃនេះ មិនរួមបញ្ជូលនឹងពន្ធប្រថាប់ត្រា ៤% របស់អគ្គនាយកដ្ឋានពន្ធដារឡើយ។

គួរបញ្ជាក់ថា ទីតាំងសម្រាប់ការផ្ទេរកម្មសិទ្ធិរថយន្តនៅភ្នំពេញមាន៖ ក្រសួងសាធារណនិងដឹកជញ្ជូន ឬផ្សារទំនើបជីបម៉ុងណូរ៉ូម៉ល និងនៅមន្ទីសាធារណការ   និងដឹកជញ្ជូនតាមបណ្តាខេត្តនៃអាសយដ្ឋានអ្នកទិញនិងអ្នកទិញដើម្បីធ្វើបែបបទ ផ្ទេរកម្មសិទ្ធិ។

អត្ថបទដោយ៖  មុីស៊ាង

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto