កង្វះខាតនៃការផលិតបន្ទះឈីបរថយន្ដ (semiconductor chips) និងបរិក្ខារសម្រាប់តំឡើងរថយន្ដ បានធ្វើឲ្យដំណើរការផលិតឡានថ្មីធ្លាក់ចុះ និងឡានមួយទឹកបន្ដឡើងថ្លៃឥតឈប់ឈរដែលបណ្ដាលឲ្យ ក្រុមហ៊ុនផលិតរថយន្ដធំៗដូចជា Ford, General Motor, Nissan និងក្រុមហ៊ុនដទៃទៀតត្រូវបង្ខំចិត្ត ផ្អាកដំណើរការផលិតនៅតាមរោងចក្រមួយចំនួនរបស់ខ្លួន ព្រមទាំងត្រូវខាតបង់ទឹកប្រាក់ជាង ១១០ ពាន់លានដុល្លារ នេះបើយោងតាមការរាយការណ៍ពីក្រុមហ៊ុនពិគ្រោះយោបល់ AlixPartners. 

លោក Ernie Garcia អគ្គនាយករបស់ក្រុមហ៊ុន Carvana ដែលជាវេបសាយលក់ឡានមួយទឹកធំមួយនៅអាមេរិកបានឲ្យដឹងថាសម្រាប់ត្រីមាសទីពីរនៃឆ្នាំ ២០២១ នេះតម្លៃឡានមួយទឹកជាមធ្យមគឺ  $25,410 នឹងបន្ដកើនឡើងជាង ២១% ជារៀងរាល់ឆ្នាំបើសិនជាស្ថានការពុំមានភាពស្រាកស្រាន្ដ។

លោក Jeff Dyke អគ្គនាយកក្រុមហ៊ុនគ្រឿងអេឡិចត្រូនិច Sonic បានប្រាប់មកកាន់ CNBC លោករំពឹងថាស្ថានការណ៍នឹងប្រែមកប្រសើរឡើងវិញនៅបំណាច់ឆ្នាំនេះ ព្រោះមានក្រុមហ៊ុនជាច្រើនកំពុងតែចាប់ដំណើរការផលិតឡើងវិញជាបណ្ដើរៗហើយ។

.............................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto