ស្របពេលតម្រូវការឡានកាន់តែច្រើន រោងចក្រដំណើរការផលិតមិនទាន់ បញ្ហាកង្វះខាតគ្រឿងបង្គុំ បន្ទះឈីបនៅតែបន្ដ ធ្វើឲ្យទីផ្សារលក់ឡានមួយទឹកកើនប្រជាប្រិយភាព ហើយឡើងថ្លៃកប់ពពក ថ្លៃជាងឡានទើបបកកេះ លាបខ្លាញ់ចេញពីរោងចក្រកាលពីឆ្នាំមុនៗទៅទៀត ។
ចាប់តាំងពីដើមឆ្នាំ ២០២០មក តម្លៃឡានមួយទឹកកាន់តែកើនឡើងឥតឈប់ឈរ ជាក់ស្ដែងគិតមកដល់ឆ្នាំនេះ ដំណើរការផលិតឡានថ្មីនៅសហរដ្ឋអាមេរិកធ្លាក់ចុះដល់ទៅ ៣១% រីឯទីផ្សារឡានមួយទឹកកើនឡើងជាគំហុកដល់ ៣៩.៨% និង ទីផ្សារឡានថ្មីឡើងជាង ៨.៩% នេះបើតាមរបាយការណ៍ពីការិយាល័យវិភាគស្ថិតិការងារ និងសន្ទស្សន៍តម្លៃទំនិញរបស់អាមេរិក BLS (U.S. Bureau of Labor Statistics’ Consumer Price Index បង្ហាញក្នុងពេលថ្មីៗនេះ។
តាមសម្ដីលោក Jim Lyski នាយកប្រតិបត្ដិផ្នែកទីផ្សារប្រចាំវេបសាយទិញលក់ឡាន CarMax បានឲ្យដឹងថា តម្លៃឡានមួយទឹកនៅតែបន្ដកើនឡើង ដោយក្នុងរយៈពេលប៉ុន្មានសប្ដាហ៍ក្រោយនេះ តម្លៃឡានប្រើហើយនៅអាមេរិកឡើងជាមធ្យមពី $100 ទៅ $200 ក្នុងមួយសប្ដាហ៍។
លោក Mike Jackson អគ្គនាយកប្រចាំវេបសាយទិញលក់ឡាន AutoNation មានប្រសាសន៍ថា បញ្ហានេះនឹងនៅបន្ដដល់ឆ្នាំក្រោយ ឆ្នាំ ២០២២ទៀត លុះណាតែរោងចក្រផលិតរថយន្ដគ្រប់ទីកន្លែងរស់រានមានជីវិតឡើងវិញ មានការផ្គត់ផ្គង់គ្រឿងបង្គុំបរិបូណ៌ដូចដើម ទើបទីផ្សារទាំងឡានថ្មី និងមួយទឹកវិលមកប្រសើរវិញ។
ប្រភព៖ Fortune អត្ថបទ៖ Andra
…………………………………………………………………..
ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖
Follow Page : 👉 Advan Auto
Subscribe Channel : 👉Advan Auto
Follow TikTok : 👉Advan Auto
Follow Instagram : 👉Advan Auto
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
Odyssey 2025 បានប្រកាសតម្លៃនៅលើទីផ្សារចាប់ពី 4 ម៉ឺនដុល្លារជាង ក្នុងនាមជាឡាន Minivan របស់ Honda
កំពូលរថយន្ត Ford Ranger Raptor បានទទួលជ័យជំនះសារជាថ្មីម្តងទៀតហើយ!
ZEEKR Cambodia នាំចូលរថយន្ដអគ្គិសនីជាច្រើនម៉ូឌែល ស្របពេលស្រុកខ្មែរចាប់ផ្ដើម និយមឡាន EV បណ្ដើរៗ
ឈ្វេងយល់ចំណុចពិសេសអគារតាំងបង្ហាញរថយន្ត ឡិច ស៊ឺស ជាទីកន្លែងដ៏ប្រណិតផ្ដល់ជូនបទពិសោធន៍លើសពីការរំពឹងទុក