👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

កាលពីពេលថ្មីៗនេះ អគ្គនាយកដ្ឋានពន្ធដារបានប្រារព្ធពិធីសិក្ខាសាលាបើកដំណើរការជាផ្លូវការនូវកម្មវិធីវិក្កយបត្រនាំសំណាង ឬ GDT Lucky Draw Application ឲ្យប្រជាពលរដ្ឋប្រើប្រាស់ និងផ្សងសំណាងដោយមានរង្វាន់ជាច្រើន ដោយក្នុងនោះរង្វាន់ធំជាងគេនោះ គឺរថយន្ដ Mazda សេរីទំនើប ដល់ទៅ ២គ្រឿង ដោយគ្រាន់តែថតវិក្កយបត្រទិញទំនិញដាក់ចូល App ។

រូបភាព៖ កម្មវិធី វិក្កយបត្រនាំសំណាង (អគ្គនាយកដ្ខានពន្ធដារ)

តាមប្រសាសន៍របស់ឯកឧត្តម គង់ វិបុល ប្រធានប្រតិភូគណៈអធិបតីទទួលបន្ទុកឲ្យអគ្គនាយកដ្ឋានពន្ធដារ បានឲ្យដឹងថា គោលបំណងនៃការបង្កើតកម្មវិធីនេះគឺ ដើម្បីជាការពង្រឹងកាតព្វកិច្ចសារពើពន្ធ ស្របទៅតាមអនុលោមនៃតម្លាភាព ជៀសផុតពីការគេចពន្ធនានា ស្របទៅតាមយុទ្ធសាស្រ្ដកៀងគរចំណូល និងកំណែទម្រង់ប្រព័ន្ធហិរញ្ញវត្ថុសាធារណៈ ។

ក្នុងនោះដែរ ពេលបច្ចុប្បន្ននេះ រដ្ឋាភិបាលមិនមានគោលនយោបាយតម្លើងពន្ធទេ ហើយក៏មិនមានការបង្កើតពន្ធថ្មីដែរ ថែមទាំងបានអនុវត្តការអនុគ្រោះពន្ធច្រើនទៀតផង ជាក់ស្ដែងក្នុងដំណាក់កាលការផ្ទុះជម្ងឺកូវីដ ១៩ នេះ ជាពិសេសបណ្ដាក្រុមហ៊ុនក្នុងវិស័យទេសចរណ៍ ហេតុនេះហើយបានជា រដ្ឋាភិបាល ដាក់ស្នើឲ្យអគ្គនាយកដ្ឋានពន្ធដារ ធ្វើយ៉ាងណារក្សាតម្លាភាពពេលប្រមូលពន្ធ និងធ្វើឲ្យអស់ពីលទ្ធភាព ហើយកម្មវិធីនេះដែរ នឹងដើរតួជាកត្ដាមួយជម្រុញឲ្យ ដំណើរការប្រមូលពន្ធនេះកាន់តែរហ័ស និងងាយស្រួល ដោយសារតែប្រព័ន្ធប្រតិបត្តិការទាំងអស់ត្រូវធ្វើឡើងតាមប្រព័ន្ធឌីជីថល ឯកសារទៀតសោតនឹងរក្សាទុកដោយសុវត្ថិភាព។  

រូបភាព៖ ការប្រើប្រាស់កម្មវិធី វិក្កយបត្រនាំសំណាង (អគ្គនាយកដ្ខានពន្ធដារ)

ឯកឧត្តមបានបន្ថែមទៀតថា សម្រាប់របៀបប្រើប្រាស់កម្មវិធីនេះដែរ អ្នកប្រើប្រាស់ត្រូវរក្សាទុកវិក្កយបត្រទិញទំនិញ (ដែលបញ្ជាក់ការបង់ពន្ធ) និងបង្ហោះចូលឲ្យបានច្រើន ដោយអ្នកសន្សំ ហើយបង្ហោះបានច្រើន ឪកាសឈ្នះក៏មានច្រើនដូចគ្នា ។ 

៉ខ្ញុំអំពាវនាវឲ្យប្រជាពលរដ្ឋទាំងអស់គ្នារួមចំណែក ទិញតែទូរទឹកកក ១​ អី ១ ថតមក” នេះជាការលើកឡើងរបស់ឯកឧត្តម គង់ វិបុល ។

សម្រាប់រង្វាន់នៅក្នុងកម្មវិធីនេះ មានដូចជា ទូរទស្សន៍ម៉ាក LG ២០គ្រឿង ម៉ូតូហុងដា Dream សេរីទំនើប ១០ គ្រឿង ទូរសព្ទ​ Iphone 13 ១០ រង្វាន់ និងជាពិសេស គឺរង្វាន់ធំ រថយន្ដ Mazda Pick Up សេរីថ្មី ២រង្វាន់ផងដែរ។

សម្រាប់លក្ខខណ្ឌចូលរួម បងប្អូនប្រជាពលរដ្ឋគ្រាន់តែថតរូបវិក័យបត្រ ដែលបានសម្រេចពន្ធ ហើយបង្ហោះចូលក្នុងកម្មវិធីទូរសព្ទរបស់អគ្គនាយកដ្ឋានពន្ធដារជាការស្រេច រីឯការចាប់រង្វាន់ នឹងប្រព្រឹត្តទៅជារៀងរាល់ ៦ ខែម្ដង តាមរយៈការផ្សាយផ្ទាល់លើកញ្ចក់ទូរទស្សន៍ហង្សមាសផងដែរ។​ 

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto