ណ័រវេស ក្លាយជាប្រទេសដំបូង ដែលមានកន្លែងសាកអាគុយឡានអគ្គិសនី Wireless នៅក្រោមផ្លូវ

ចំនួនអ្នកទស្សនា

អ្នកទស្សនា

766

2021-11-ណ័រវេស_ក្លាយជាប្រទេសដំបូង_ដែលមានកន្លែងសាកអាគុយឡានអគ្គិសនី_Wireless-2.jpg

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ប្រទេសណ័រវេស ដែលគេស្គាល់ថាជាប្រទេសមានប្រជាជនប្រើប្រាស់ឡានអគ្គិសនីច្រើនជាងគេលើពិភពលោក គ្រោងនឹងបញ្ចប់ការនាំចូល និងលក់ឡានដែលប្រើថាមពលឥន្ទៈ គ្រប់ប្រភេទ ដោយជំនួសមកវិញនូវឡានអគ្គិសនីសុទ្ធ ដើម្បីបំពេញគោលការណ៍ការបំពុលស្មើសូន្យលឿនបំផុតត្រឹមឆ្នាំ ២០២៣។

ជាមួយគ្នានេះណ័រវ៉េស កំពុងតែដាក់នូវផែនការថ្មីមួយទៀតរបស់ខ្លួន គឺការបង្កើតស្ថានីយ៍សាកអាគុយឡានអគ្គិសនីឥតខ្សែដំបូងគេ ដោយនឹងចាប់ផ្ដើមអនុវត្តន៍នៅលើឡានតាក់ស៊ីមុនគេ។

គោលបំណងគឺដើម្បីផ្ដល់ភាពងាយស្រួល ចំណេញពេលវេលា និងចំណាយតិច ដោយឡានអាចសាកបានពេលដែលកំពុងចតចាំអ្នកជិះ ជាមួយនឹងការប្រើប្រាស់បច្ចេកវិទ្យាដែលមានឈ្មោះថា Induction Technology ដែលដំណើរការដោយប្រព័ន្ធបញ្ជូលភ្លើងត្រូវបានបង្កប់ទៅក្នុងដី ហើយបញ្ជេញ បន្ទះសាកនៅផ្ទៃខាងលើ រីឯបន្ទះសាកមួយទៀតនៅភ្ជាប់នៅបាតឡាន ។ ពេលត្រូវការសាកអាគុយ ឡានគ្រាន់តែ បើកតម្រង់ឲ្យចំពីលើបន្ទះសាកជាការស្រេច ។ កន្លែងសាកអាគុយ Wireless នេះអាចផ្តល់កម្លាំងសាកបានលើសពី 75kW។

ទីក្រុង Oslo នឹងក្លាយជាទីក្រុងដំបូងគេដែលអនុវត្តន៍គម្រោងនេះមានឈ្មោះថា ElectriCity ដោយចាប់ផ្ដើមពីឆ្នាំ ២០២៣តទៅ។ គួរបញ្ជាក់ផងដែរថា ប្រទេសណ័រវ៉េសសម្បូរស្ថានីយ៍ផលិតអគ្គិសនី ដើរដោយចរន្ថខ្យល់ ព្រមទាំងមានចំនួនប្រជាជនមិនសូវច្រើនដែលនឹងធ្វើឲ្យដំណើរការកែប្រែនេះមានភាពងាយស្រួលជាងបណ្ដាប្រទេសផ្សេងៗ។