👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

បច្ចុប្បន្ននេះទីផ្សាររថយន្ដអគ្គិសនីមានការកើនឡើងជាខ្លាំងដូចច្នេះហើយក្រុមហ៊ុនជាច្រើនកំពុងព្យាយាមផលិតនៅម៉ូឌែលផ្សេងៗគ្នាដើម្បីប្រកួតប្រជែងលើទីផ្សារ ក្នុងនោះដែរថយន្ដអគ្គិសនីដែលមានឈ្មោះល្បីនឹងមានអតិថិជនស្គាល់ច្រើនមិនថានៅលើពិភពលោកឬនៅទីផ្សារកម្ពុជា នោះគឺរថយន្ដ Tesla ដែលមាន Model S ជាម៉ូឌែលឈានមុខគេ ។

ខណះពេលនេះដែរក្រុមហ៊ុនផលិតរថយន្ដរបស់ប្រទេសចិនឈានមុខទាំងបីមានដូចជាក្រុមហ៊ុន BYD, XPENG និង NIO ក៏កំពុងតែព្យាយាមទម្លាក់នូវរថយន្ដប្រើប្រាស់អគ្គិសនីផ្សេងៗគ្នាដើម្បីយកមកប្រកួតប្រជែងលើទីផ្សារជាមួយក្រុមហ៊ុន Tesla ។ ដោយហេតុនេះយើងនឹងលើកយកឡានអគ្គិសនីចិន ៣ ម៉ូឌែលរួមមាន BYD HAN EV, XPEND P7, NIO ET7 មកធ្វើបទបង្ហាញ ។

ចំពោះ Tesla Model S វាជារថយន្ដអគ្គិសនីដែលមានអ្នកស្គាល់ច្រើន ភ្ជាប់មកជាមួយអាគុយទំហំ ១០០-kWh មកជាមួយម៉ូទ័រអគ្គិសនីចំនួន ៣ មានពីរនៅខាងក្រោយ និងមួយទៀតនៅនៅអ័ក្សខាងមុខ ។ ដោយវាសាកថ្មមួយពេញអាចរត់បានចម្ងាយ ៦៥០ គីឡូម៉ែត្រ ដែលផលិតកម្លាំងបាន ៦៧០ សេះ អាចជាន់ស្ទុះពី ០-១០០ គីឡូម៉ែត្រក្នុងមួយម៉ោងដោយប្រើពេលតែ ៣.១​​ វិនាទី។ 

NIO ET7

រថយន្ដអគ្គិសនីម៉ូឌែល NIO ET7 បំពាក់អាគុយថាមពល ៧០ kWh មានម៉ូទ័រអេឡិត្រូនិកចំនួនពីរ ដែលមួយនៅខាងមុខ និងខាងក្រោយរបស់រថយន្ត ដែលផលិតកម្លាំងបាន ៦៤៤ សេះ និងកម្លាំងរមួល ៨៥០ Nm ។ អាចបង្កើនល្បឿនពី ០ ទៅ ១០០ គីឡូម៉ែត្រក្នុងមួយម៉ោងក្នុងរយៈពេល ៣.៨ វិនាទី។ ថែមទាំងបានបំពាក់នូវបច្ចេកវិទ្យាបើកស្វ័យប្រវត្តិ NAD (NIO Autonomous Driving) ។ ក្នុងនោះដែរ NIO វាអាចបង្កើតសមត្ថភាពបើកបរស្វ័យប្រវត្តិបានយ៉ាងល្អ អ្វីដែលកាន់តែពិសេសនោះនៅពេលដែលថាមពលអាគុយអស់យើងមិនចាំបាច់ចំណាយពេលយូរសាកវាទេ ដោយយើងអាចដោះដូរដាក់អាគុយថ្មីតែម្តងតាមរយៈស្ថានីយ៍ដូរអាគុយរបស់ NIO (Battery Swapping Station) ចំណាយពេលប្រមាណ ២ នាទី ។

BYD HAN EV BYD

BYD ជាប្រភពផ្គង់ផ្គង់អាគុយធំមួយឲ្យទៅ Tesla ហើយក៏ជាគូប្រកួតធំជាមួយ Tesla ផងដែរ ។ ម៉ូឌែលកំពូលរបស់ BYD គឺ HAN EV ដែលប្រើប្រាស់កញ្ចប់ថ្មដែលមានសមត្ថភាពសរុប ៨៥.៤ kWh ផលិតកម្លាំងបាន ៥២៧ សេះ និងកម្លាំងរមួល ៧០០ NM ដែលដំណើរការដោយកង់ទាំងបួន វាអាចបង្កើនល្បឿនពី ០ ទៅ ១០០ គីឡូម៉ែត្រក្នុងមួយម៉ោងចំណាយពេល ៣.៩ វិនាទី ជាមួយការសាកថ្មមួយពេញម្ដងអាចបើកបរបានអាចចម្ងាយ ៦១០ គីឡូម៉ែត្រ។ 

XPENG P7 

ជាមួយគ្នានេះដែលមូ៉ឌែលចុងក្រោយគេនោះគឺ XPENG P7 ដែលវាក៏កំពុងវាយលុកនៅលើទីផ្សារផងដែលដោយវាបានបំពាក់ថាមពលថ្ម ៨២ kWh ប្រើប្រាស់ម៉ូទ័រ២ ដែលផលិតកម្លាំងបាន ៤៣០ សេះ និងកម្លាំងរមួល ៦៥៤ NM អាចជាន់ស្ទុះពី ០-១០០ គីឡូម៉ែត្រក្នុងមួយម៉ោងក្នុងរយៈពេល ៤.៤ វិនាទី។

គួរបញ្ជាក់ថា Xpeng ក៏ជាបងធំមួយដែលនៅក្នុងទីផ្សារឡានអគ្គិសនីចិន ខណៈដែលក្រុមហ៊ុនទទួលបានការវិនិយោគច្រើនពីមហាសេដ្ឋីលំដាប់ពិភពលោក ដូចជាក់ស្តែងបិតាវិនិយោគ Warren Buffett ធ្វើឲ្យមហាជនយល់ថា Xpeng ជាក្រុមហ៊ុនឡានអគ្គិសនីមួយដែលមានសក្តានុពល ។

ជារួមមក ដោយសារតែទីផ្សាររថយន្ដអគ្គិសនីមានការពេញនិយមខ្លាំងទើបធ្វើអោយក្រុមហ៊ុនទាំងបួននេះមានការប្រកួតប្រជែង តាមរយៈការទម្លាក់ម៉ូឌែលនីមួយៗមានលក្ខណៈស្រដៀងគ្នា ជាមួយនឹងលក្ខណៈពិសេសរៀងៗខ្លួន ។