លោកមហាសេដ្ឋី Dan O’Dowd ស្ថាបនិកក្រុមហ៊ុនបច្ចេកវិទ្យា Green Hills Sofware ដែលល្បីជាថាជាអ្នករិះគន់រថយន្ដ Tesla ធំជាងគេ ជាពិសេសលើមុខងារបើកបរស្វ័យប្រវត្តិរបស់រថយន្ដនេះ ដែលគាត់មានទាំង project មួយឈ្មោះថា Dawn Project ទុកសម្រាប់រិះគន់ Tesla Full Self-Driving តែម្ដងបានធ្វើរឿងភ្ញាក់ផ្អើលមួយដែលនៅសុខៗគាត់ស្រាប់តែចាយលុយរាប់សែនដុល្លារទៅទិញរថយន្ដ Tesla ចាស់ឆ្នាំ ៣ គ្រឿងដែលបាត់ខ្លួនគរទុកចោលនៅផែចិនជាង ១២ ឆ្នាំ មកស្ដុកលេង។
បើតាម Electrek បានឲ្យដឹងថា Tesla Roadster ទាំង ៣ គ្រឿងនេះ ត្រូវបានក្រុមហ៊ុនចិនមួយទិញយកកាលពីឆ្នាំ ២០១១ ក្នុងបំណងកែទម្រង់របស់វាឡើងវិញ (reverse eningeerig) ក៏ប៉ុន្ដែការដឹកជញ្ជូនត្រូវបានគាំងនៅគយចិន ហើយក៏ជាប់ស្ដុកនៅក្នុងឡាំងទំនិញនៅផែចិនរហូតមក ដែលទើបរកឃើញនៅឆ្នាំមុន (២០២៣) និងដឹកត្រឡប់មកសហរដ្ឋអាមេរិក ហើយក៏ត្រូវបានដាក់ដេញថ្លៃលក់ម្ដងទៀតដោយ Gruber និងទិញយកដោយលោក Dan កាលពីពេលថ្មីៗនេះ ទាំង ៣ តែម្ដង ក្នុងតម្លៃសរុប ៨០០ ០០០ ដុល្លារ ដែលគិតទៅ ប្រមាណ ២៦៦ ០០០ ដុល្លារមួយគ្រឿង។
តាមការឲ្យដឹងបន្ថែមទៀតថា លោក Dan តាមពិតទៅក៏ជាអ្នកគាំទ្ររថយន្ដ Tesla មួយរូបដែរ ដែលគាត់មានរថយន្ដ Tesla ជាច្រើនគ្រឿងរួចមកហើយ គាត់គ្រាន់តែមិនចូលចិត្ត និងមិនគាំទ្របច្ចេកវិទ្យាបើកបរស្វ័យប្រវត្តិ (FDS Beta:: Full Self-Driving Beta) និង Autopilot របស់ Tesla តែប៉ុណ្ណោះ ហើយរថយន្ដ roadster ទាំង ៣ គ្រឿងនេះគឺមិនមានបំពាក់នូវប្រព័ន្ធបច្ចេកវិទ្យាទាំងអស់នេះទេ។
គួរឲ្យដឹងថា រថយន្ដ Tesla roadster នេះត្រូវបានក្រុមហ៊ុន Tesla ផលិតមកក្នុងចំនួនកំណត់តែ ២០០០ គ្រឿងប៉ុណ្ណោះ ក្នុងរង្វង់ឆ្នាំ ២០០៨ ទៅ ២០១១ ដូច្នេះហើយរថយន្ដនេះ អាចថាធ្លាក់ចូលក្នុងក្រុមរថយន្ដកម្រនឹងមាន ហើយតម្លៃជិត ៣ សែនដុល្លារមួយគ្រឿងនេះ ទុកថាជាតម្លៃថ្លៃមួយសម្រាប់រថយន្ដកម្រ និងយូរឆ្នាំមួយនេះ។
អត្ថបទ៖ Andra
ប្រភព៖ Electrek
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ