All-New Veloz 2024 ជាប្រភេទឡានចំណូលថ្មីរបស់ Toyota ដែលមានវត្តមាននៅស្រុកខ្មែរក្នុងនាមជាឡាន MPV 7 កៅអី ជាមួយលក្ខណៈពិសេសមួយចំនួន ហើយតម្លៃវិញក៏ធូរគ្រាន់បើដែរ។

Veloz មានប្រវែងសរុប 4,475 ម.ម ទទឹង 1,750 ម.ម កម្ពស់ 1,700 ម.ម ពីដីមកបាតឡាន 190ម.ម ជាមួយទម្ងន់ 1,185គីឡូក្រាម និងអាចផ្ទុកទម្ងន់បានដល់ទៅ 600គីឡូក្រាមជាងបន្ថែមទៀត។

ចំពោះការឌីស្សាញ រូបរាងខាងក្រៅទាក់ភ្នែក នឹងអំណាចគ្រាន់បើ ជាមួយសំណាញ់ក្រឡា អមដោយចង្កៀង Full LED ប្រភេទ Auto Bi-Beam មើលទៅ Luxury ។ មិនតែប៉ុណ្ណោះ Veloz បំពាក់យាន់កង់ដល់ទៅ 17 អ៉ីងបែបស្ដ័រ បើផ្នែកខាងក្រោយវិញ ភ្លើង LED Light Bar អូសកាត់គូទក្រោយ Premium ប្លែកភ្នែកតែម្ដង។

ផ្នែកខាងក្នុងឡាន MPV 7 កៅអីមួយនេះ ទូលាយគួរសម បំពាក់កៅអី 3 ជួរ អាចជិះបាន 7-8 នាក់ នឹងសល់ឃ្លុបក្រោយដាក់អីវ៉ានបានច្រើនបន្ថែមទៀត។

ក្រៅពីនឹងក៏មានប្រព័ន្ធ Smart Key អេក្រង់កុងទ័រឌីជីថល់ 7អ៉ីង អេក្រង់ថាច់ 9អ៉ីង ភ្ជាប់មុខងារ Apple CarPlay & Android Auto នឹងកាមេរា 360ឌឺក្រមួយជុំរថយន្ដ ប្រព័ន្ធសាកថ្មឥតខ្សែ Wireless Charge កញ្ចក់ចំហៀងក្ដោបអូតូ ហ្វ្រាំងដៃអេឡិចត្រនិច មុខងារ Auto Hold ជាមួយភ្លើង Ambient Light នឹងពោងសុវត្ថិភាព 6គ្រាប់ ជាដើម។ 

បើនិយាយពីប្រព័ន្ធបច្ចេកវិទ្យាសុវត្ថិភាពជំនួយពេលបើកបរវិញ Veloz ភ្ជាប់មកជាមួយដូចជា៖ 

• ប្រព័ន្ធជំនួយពេលឡើយ នឹងចុះចំណោត ជាមួយប្រព័ន្ធទប់លំនឹង
• ប្រព័ន្ធជំនួយពេលឡានចេញពីចំណត
• ប្រព័ន្ធជូនដំណឹងពេលរថយន្ដខាងមុខចេញដំណើរ 
• ប្រព័ន្ធភ្លើងហ្វាកូតឡើងចុះស្វ័យប្រវត្តិ 
• ប្រព័ន្ធចាប់ហ្វ្រាំងដោយស្វ័យប្រវត្តិ
• ប្រព័ន្ធជូនដំណឹងការពារប៉ះទង្គិច
• ប្រព័ន្ធផ្ដល់សញ្ញាពេលមានវ៉ាជែង ជាមួយសេនស័រមួយជុំរថយន្ដជាដើម។

គួរបញ្ជាក់ដែរថា៖ Veloz ប្រើម៉ាស៊ីន 4ស៊ីឡាំង 1.5លីត្រ ផលិតកម្លាំងបាន 105សេះ កម្លាំងរមួល 138ញ៉ូតុនម៉ែត្រ ប្រើប្រអប់លេខ CVT 7វគ្គ ជំនួយដោយ Drive Mode បើកបរដូចជា៖ Eco និង Power Mode ចំពោះកម្រិតស៊ីសាំងសន្សំសំចៃណាស់ចន្លោះពី 5លីត្រ ទៅ 6លីត្រជាងប៉ុណ្ណោះ ក្នុង 100គីឡូម៉ែត្រ ជាមួយតម្លៃ Veloz 2024 ថ្មីខ្លាញ់គោ 35,900 ដុល្លារ។

សម្រាប់បងប្អូនវិញយល់យ៉ាងណាដែរចំពោះ All-New Veloz 2024 ថ្មីខ្លាញ់គោ 7 កៅអីមួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!