ភាគច្រើននៃអ្នកទិញរថយន្តសម្រេចចិត្តទៅលើ ផាសុកភាព,ភាពងាយស្រួល,និងការភ្ជាប់គ្នានៃផ្នែកខាងក្នុងនៃរថយន្ត ប៉ុន្តែប្រហែលជាពួកគេបានមើលរំលងអំពីពណ៌នៃផ្នែកខាងក្នុង។ ពណ៌ខាងក្នុងរថយន្តក៏ជាផ្នែកមួយបង្ហាញអំពីឥរិយាបថនិងស្ទីលផ្ទាល់ខ្លួនរបស់អ្នក។ ដូច្នេះ អ្នកទិញត្រូវការគិតទៅលើចំណុចទាំងពីរ ទាំងពណ៌នៃផ្នែកខាងក្នុងរថយន្ត និងលក្ខណះពិសេសដ៏ងាយស្រួល ដែលធ្វើឱ្យការបើកបររបស់អ្នកមានភាពល្អឥតខ្ចោះ ហើយរថយន្តទាំង៤ម៉ូឌែលខាងក្រោមនេះ នឹងផ្តល់ជម្រើសកាន់តែច្រើនដល់អ្នកទិញក្នុងការសម្រេចចិត្តលើរថយន្តដ៏ត្រឹមត្រូវមួយ។

១. រថយន្តម៉ាក MG HS Trophy

ផ្នែកខាងក្នុងដ៏ល្អឥតខ្ចោះ និងទាន់សម័យដោយមានការរចនាស្របតាមស្តង់ដារខ្ពស់ដែលនាំឱ្យរថយន្តម៉ាក MG HS Trophy ទទួលបាននូវប្រជាប្រិយភាពកាន់តែខ្លាំងនៅក្នុងប្រទេសកម្ពុជា។ ដៃចង្កូតត្រូវបានគ្របដណ្ដប់ដោយស្បែកសុទ្ធ ហើយផ្នែកខាងក្នុងស្ទើរតែទាំងអស់ត្រូវបានបំពាក់ជាមួយពូកស្បែកប្រណិតទាំងតាបឡូ និងទ្វារ។

ចំណែកកៅអីវិញត្រូវបានតុបតែងយ៉ាងទាន់សម័យបែបកៅអីស្ព័រ ដែលពិតជាស័ក្តសមសម្រាប់ការធ្វើដំណើរទៅទីឆ្ងាយយ៉ាងងាយស្រួល ឬដំណើរកំសាន្តពោរពេញទៅដោយភាពសប្បាយរីករាយ។ រថយន្ត MG HS Trophy ក៏បានបំពាក់នូវដំបូលកញ្ចក់លើបែប Panoramic Sunroof អាចបើកយកខ្យល់បរិសុទ្ធពីខាងក្រៅចូលក្នុងកាបីន ។ តម្លៃរថយន្ត MG HS Trophy ត្រឹមតែ $39,990 សម្រាប់ម៉ូឌែលឆ្នាំ២០២២ ហើយវាសាកសមនឹងស្ទីលជាច្រើនរបស់អ្នកប្រើប្រាស់ក៏ដូចជាតារាល្បីៗ, ការប្រើប្រាស់ជាលក្ខណះគ្រួសារ, គូស្នេហ៏ថ្មី, ឬក៏សហគ្រិនវ័យក្មេងនៅក្នុងប្រទេសកម្ពុជាផងដែរ។

២. រថយន្តម៉ាក Kia Sonet

មានប្រភេទស្ទីលខុសៗគ្នាជាច្រើននៃផ្នែកខាងក្នុងសម្រាប់រថយន្តម៉ាក Kia Sonet ដែលនាំអោយលោកអ្នកទទួលបាននូវបទពិសោធន៍ថ្មីនៃការធ្វើដំណើរ ហើយពូកស្បែកក៏បានបំពាក់លើកៅអីអង្គុយផងដែរ។ រថយន្តនេះបាននាំចូលនូវផ្នែកខាងក្នុងពណ៌ប្រផេះ ហើយពណ៌នេះគឺជាជម្រើសដ៏ល្អសម្រាប់អ្នកដែលចង់បិទបាំងស្នាមប្រឡាក់ និងមានពន្លឺស្រាលៗនៅផ្នែកខាងក្នងដែលមានដំណើការយ៉ាងល្អជាមួយនឹងការរចនានៃរូបរាងខាងក្រៅគីស៊ីគ្នាតែម្តង, ដែលនេះហើយជាមូលហេតុធ្វើឱ្យរថយន្តម៉ាក Kia Sonet ក្លាយជា រសជាតិថ្មីសម្រាប់អ្នកប្រើប្រាស់។

ស្ទីលថ្មីនៃការរចនាផ្នែកខាងក្នុងជាមួយនឹងរន្ធម៉ាស៊ីនត្រជាក់ធំៗពីរនៅចំកណ្ដាល និងមានប៊ូតុងចុចសម្រាប់ការគ្រប់គ្រងពត៌មានទៅលើផ្ទាំងអេក្រង់សម្រាប់រថយន្តម៉ាក Kia Sonet គឺគួរឱ្យចាប់អារម្មណ៍។

៣. រថយន្តម៉ាក Mazda CX5

ផ្នែកខាងក្នុងមានទំហំធំទូលាយសម្រាប់ការធ្វើដំណើរដែលបង្កើតឱ្យគ្រួសាររបស់អ្នកទទួលបាននូវការសម្រាកលំហែបានយ៉ាងល្អក្នុងកំឡុងពេលធ្វើដំណើរកំសាន្ត ក៏ប៉ុន្តែកន្លែងដាក់ជើងគឺមានចំណុះត្រឹមតែ506 លីត្រប៉ុណ្ណោះ។ ទោះបីជាយ៉ាងណាក៏ដោយ ក៏រថយន្តម៉ាក Mazda CX5 បាននាំមកនូវកាប៊ីនពណ៌ខ្មៅ និងកៅអីពូកស្បែកដែរ។

នៅផ្នែកខាងក្នុងរថយន្តគឺមានលក្ខណះទំនើបនិងទាន់សម័យជាមួយនឹងគុណភាពល្អ។ ប៉ុន្តែ Mazda CX5 ខ្វះចន្លោះត្រង់កន្លែងផ្ទុកសម្ភារៈខាងក្រោយតូចជាង បើសិនប្រៀបធៀបទៅនឹងដៃគូប្រគួតប្រជែងជាច្រើនទៀត ហើយរថយន្ត Mazda CX5 គឺមានតម្លៃត្រឹមតែ $54,900 នាពេលបច្ចុប្បន្ននេះ ។

៤. រថយន្តម៉ាក Toyota Hilux Revo Rally

ផ្នែកខាងក្នុងពណ៌ខ្មៅដែលផ្ដល់នូវរចនាបទបែបស៊ីវិល័យ និងបង្កើនភាពងាយស្រួលទៅដល់ម្ចាស់រថយន្តក្នុងការសម្អាតនៅខាងក្នុងរថយន្ត។ ពណ៌ខ្មៅនៅផ្នែកខាងក្នុងជាជម្រើសល្អមួយសម្រាប់អ្នកប្រើប្រាស់ដែលរវល់ច្រើនជាមួយអាជីវកម្មរបស់ពួកគេ។

បន្ថែមពីនេះទៅទៀតគឺមានការរចនាជាមួយនឹងដៃចង្កូតស្បែកនិងមានភាពធំទូលាយ។ ប្រសិនបើលោកអ្នកកំពុងធ្វើការស្វែងរករថយន្តប្រភេទភីកអាប់សម្រាប់សម្រួលដល់អាជីវកម្មរបស់អ្នកជាមួយកាប៊ីនដែលងាយស្រួលសម្អាត នោះរថយន្តម៉ាក Toyota Hilux ប្រហែលជាជម្រើសរបស់អ្នកជាមួយនឹងតម្លៃ $53,400។

លោកអ្នកអាចស្វែងយល់អំពីការរចនាបែបថ្មីនៃប្រភេទរថយន្តខាងលើ ជាមួយនឹងភាពល្អឥតខ្ចោះនៃផ្នែកខាងក្នុងសម្រាប់ធ្វើការសម្រេចចិត្ត, ប្រសិនបើអ្នកកំពុងស្វែងរករថយន្តថ្មីសម្រាប់ប្រើប្រាស់។ នៅក្នុងប្រទេសកម្ពុជាឥឡូវនេះ អ្នកទិញរថយន្តមានជម្រើសច្រើន ប៉ុន្តែអ្វីដែលពួកគេអាចទទួលបានគឺជាការសម្រេចចិត្តដ៏ត្រឹមត្រូវក្នុងការពិចារណាទៅលើពណ៌នៃផ្នែកខាងក្នុង ជាមួយតម្លៃសមរម្យ។ ប្រសិនបើលោកអ្នកកំពុងចង់ទិញរថយន្តប្រភេទ SUV បែបស្ព័រដែលផ្ដល់នូវគុណតម្លៃល្អៗនិងមានតម្លៃសមរម្យ នោះរថយន្តម៉ាក MG HS Trophy គឺពិតជាផ្ដល់នូវអត្ថប្រយោជន៍ជាច្រើនសម្រាប់អ្នក។ ប៉ុន្តែប្រសិនបើអ្នកកំពុងធ្វើការស្វែងរកផ្នែកខាងក្នុងដ៏ល្អជាមួយនឹងពណ៌ខ្មៅសម្រាប់រថយន្តភីកអាប់ និង SUV នោះ Toyota Hilux Revo និង Mazda CX5 ជាជម្រើសល្អរបស់អ្នក ហើយបើអ្នកចង់បានការរចនារូបរាងខាងក្នុងបែបស្រាលភ្លឺៗ នោះរថយន្តម៉ាក Kia Sonet គឺជាជម្រើសដ៏ល្អ និងស័ក្តសមសម្រាប់អ្នកទិញដែលជាវ័យចំណាស់។