រដ្ឋបាលខេត្តកំពង់ចាមបង្ហាញគម្រូផែនទីថ្មី ផ្លូវល្បឿនលឿន ភ្នំពេញ-សៀមរាប គ្រោងបញ្ចប់ការសិក្សានៅចុងខែ ឧសភានេះ

ចំនួនអ្នកទស្សនា

អ្នកទស្សនា

429

ក្នុងកិច្ចប្រជុំស្តីពីការចូលរួមផ្តល់ព័ត៌មានបច្ចេកទេសលើគម្រោងសិក្សាផ្លូវល្បឿនលឿនរាជធានីភ្នំពេញ-ខេត្តសៀមរាប រវាងក្រុមហ៊ុន CRBC និង ឯកឧត្តម ហេង វណ្ណនី អភិបាលរងខេត្តកំពង់ចាម កាលពីពេលថ្មីៗនេះ រដ្ឋបាលខេត្តកំពង់ចាមបានបង្ហាញគម្រូផែនទីថ្មីនៃផ្លូវល្បឿនលឿន ភ្នំពេញ-សៀមរាប ដែលឆ្លងកាត់ខេត្ត ៥ គ្រោងបញ្ចប់ការសិក្សានៅចុងខែ ឧសភា ឆ្នាំ ២០២៣ នេះ។

បើតាមគម្រោងប្លង់សិក្សាថ្មីនេះ គឺខុសប្លែកពីប្លង់ដំបូងដោយប្ដូរពីការធ្វើកាត់បឹងទន្លេសាប ទម្លុះត្រង់ទៅសៀមរាប មកជាការធ្វើកាត់រាជធានីខេត្ត ៥ វិញ ដូចជា រាជធានីភ្នំពេញ, កណ្ដាល, កំពង់ចាម, កំពង់ធំ, សៀមរាប ជាមួយប្រវែងសរុបប្រមាណ ២៧២ គម សិក្សា និងសាងសង់ដោយក្រុមសាជីវកម្មស្ពានថ្នល់ចិន CRBC ដែលធ្លាប់បានសម្រេចធ្វើផ្លូវល្បឿនលឿនភ្នំពេញ-ព្រះសីហនុ។

<i>ប្លង់គម្រូដំបូង </i> — *ប្លង់គម្រូដំបូង*

<i>ប្លង់គម្រូថ្មី</i> — *ប្លង់គម្រូថ្មី*

គួរបញ្ជាក់ថា ផ្លូវល្បឿនលឿនភ្នំពេញ-សៀមរាប នេះជាគម្រោងផ្លូវល្បឿនលឿនទី ៣ ហើយរបស់កម្ពុជា បន្ទាប់ពីផ្លូវល្បឿនលឿនទី ១ ភ្នំពេញ-ព្រះសីហនុ បានដាក់ដំណើរការជោគជ័យ និងផ្លូវល្បឿនលឿនទី ២ ភ្នំពេញ-បាវិត នឹងចាប់ផ្ដើមការដ្ឋានសាងសង់ថ្ងៃទី ៧ មិថុនា ខាងមុខនេះ ដែលជាសមិទ្ធផលដ៏មានមោទនភាពគួរឲ្យកត់សម្គាល់មួយ របស់កម្ពុជា។

ប្រភព៖ រដ្ឋបាលខេត្តកំពង់ចាម

អត្ថបទ៖ Andra