Tracker ជាឡានចំណូលថ្មីមួយរបស់ Chevrolet ដែលជាក្រុមហ៊ុនអាមេរិក ហើយក៏ជាឡានថ្មីខ្លាញ់គោតម្លៃ ២ម៉ឺនដុល្លារជាង ក្នុងប្រភេទជាឡាន Compact SUV មួយដែលមានតម្លៃធូរសមរម្យនៅស្រុកខ្មែរ។
Tracker ឃើញមានវត្តមាននៅស្រុកខ្មែរចាប់ពីស៊េរីឆ្នាំ ២០២២ បន្ទាប់ពីទទួលបានការចាប់អារម្មណ៌ខ្លាំង ក៏ឃើញស៊េរីថ្មីក្រោយៗចេញមកជាហូហែរ ហើយក៏ឃើញចរាចរណ៍លើដងផ្លូវមិនសូវដាច់ភ្នែកឡើយ។
ការឌីស្សាញរចនាឡើង ជាប្រភេទឡាន ទ្វា៥ មិនតូចពេក ក៏មិនធំពេក ជាមួយភិនភាគប្រវែង ៤២៧០ម.ម ទទឹង ១៧៩១ម.ម កម្ពស់ ១៦២៧ម.ម ពីដីមកបាតឡាន ១៦២ម.ម ជាមួយទម្ងន់ ១.៣តោន។
សម្រាប់ខាងក្នុង Tracker បំពាក់កៅអីស្បែក ២ជួរ ជំនួយដោយអេឡិចត្រនិចខាងអ្នកបើកបរ ទូលាយល្មមអាចជិះគ្នា៥នាក់ ចំណែកឃ្លុបក្រោយអាចដាក់អីវ៉ាន់បានច្រើនគួរសម និងផ្នែកជាច្រើនទៀត ស្រោបដោយស្បែករំលិចដោយថ្នេរក្រហមជាដើម។
ក្រៅពីនឹងក៏មាន Speaker ៦គ្រាប់, កញ្ចក់អូតូសង់ខាង ប្រើជាមួយ Smart Key, តេឡេអាចបញ្ជាទម្លាក់កញ្ចក់ពីចម្ងាយបាន, ជាមួយនឹងមុខងារជាច្រើនបញ្ជាលើដៃចង្កូតផងដែរ។ អ្វីដែលប្លែកសម្រាប់នោះគឺ ដំបូលបើក ២តង អេក្រង់ទំហំ ៨អ៉ីងមានភ្ជាប់មុខងារ Apple Car play & Android Auto, ហ្វ្រាំងដៃអេឡិចត្រនិចផងដែរ។
ផ្នែកប្លុកម៉ាស៊ីនវិញ Compact SUV របស់អាមេរិកមួយនេះ ប្រើម៉ាស៊ីនសាំងទំហំ ៣ស៊ីឡាំង ១.០លីត្រ ជំនួយដោយ Turbo អាចផលិតកម្លាំងបាន ១១៦សេះ កម្លាំងរមួល ១៧០ញ៉ូតុនម៉ែត្រ រត់ដោយប្រអប់លេខ ៦វគ្គអូតូ បង្វិលកង់ដោយប៉ុងមុខ FWD ដែលអាចរត់បានលឿនបំផុត ១៨០គីឡូម៉ែត្រ/ម៉ោង ជាមួយកម្រិតស៊ីសាំងជាមធ្យមត្រឹម ៦លីត្រជាងប៉ុណ្ណោះក្នុង១០០គីឡូម៉ែត្រ។
សម្រាប់តម្លៃវិញ ស៊េរីឆ្នាំ២០២៤ កាលចេញដំបូងឃើញដាក់លក់ ក្នុងតម្លៃ ២៩,៩៩៩ដុល្លារ ប៉ុន្ដែបច្ចុប្បន្នបញ្ចុះមកត្រឹម ២៦,៥០០ដុល្លារប៉ុណ្ណោះ អាចនិយាយបានថា ធូរថ្លៃល្មមពិចារណាបាន សម្រាប់ប្រភេទឡានថ្មីខ្លាញ់គោមួយនេះ។
ចំពោះបងប្អូនវិញយល់យ៉ាងណាដែរទៅលើ Chevrolet Tracker 2024 មួយនេះ? សម្រាប់មតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Highlander ទីផ្សារនៅល្អគួរសម ក្នុងរដូវកាលភ្ជុំបិណ្ឌនេះ ចង់ជិះត្រឹមស៊េរីឆ្នាំ2001 ដល់ 2003 គួរកាន់ប៉ុន្មាន?
GR Supra 2025 បង្ហាញខ្លួនជាមួយកម្លាំងក្បែរ 400 សេះជាន់មួយជើងពី 0-100/km ចាយពេលត្រឹម 3.9វិនាទី ជាមួយតម្លៃខ្ទង់ 5ម៉ឺនដុល្លារជាង
Mustang ជាឡាន Sport Car ដែលមានតម្លៃធូរ តែរូបរាងអំណាច កម្លាំងខ្លាំង បើចេះលេងថែមថយទៀត មិនចាញ់ Super Car ទេ
Chevrolet Tracker 2024 បញ្ចុះតម្លៃ 3,500ដុល្លារសល់ 2ម៉ឺនដុល្លារជាង ក្លាយជាឡានថ្មីខ្លាញ់គោតម្លៃធូរ ក្នុងចំណោមឡានថ្មីផ្សេងទៀត
GR Supra 2025 បង្ហាញខ្លួនជាមួយកម្លាំងក្បែរ 400 សេះជាន់មួយជើងពី 0-100/km ចាយពេលត្រឹម 3.9វិនាទី ជាមួយតម្លៃខ្ទង់ 5ម៉ឺនដុល្លារជាង
BYD M6 បង្ហាញវត្តមាននៅក្នុងទីផ្សារថៃ ថ្មីៗនេះ ជាមួយតម្លៃចាប់ផ្ដើមពី ២៤ ០០០ ដុល្លារទៅ
Ford XL 2024 ជាឡាន Pick Up ថ្មីខ្លាញ់គោតម្លៃ 3ម៉ឺនដុល្លារជាង បន្ថែម ២ចំណុចពិសេសប្លែកជាងស៊េរីឆ្នាំមុន
ក្រុមហ៊ុន 𝐑𝐌𝐀 𝐂𝐚𝐦𝐛𝐨𝐝𝐢𝐚 បានសម្ពោធរថយន្តអគ្គិសនី𝐂𝐇𝐀𝐍𝐆𝐀𝐍ពីរម៉ូដែលគឺ𝐃𝐄𝐄𝐏𝐀𝐋 𝐋𝟎𝟕 និង 𝐒𝟎𝟕បានដោយជោគជ័យ