Trax អាចនិយាយបានថាជាឡានចំណូលថ្មីមួយរបស់ Chevrolet ប្រភេទ Crossover SUV មួយផងដែរ។ Chevrolet Trax 2024 ផ្លាស់ប្ដូររាងថ្មីមើលទៅទាក់ភ្នែក ទម្រង់ជា D-Sport នឹងស្ព័រគួរសមដែរ ជាមួយទំហំសរុបប្រវែង ៤៥៣៧ម.ម ទទឹង ១៨២៣ម.ម កម្ពស់ ១៥៦៤ម.ម ពីដីមកបាត់ឡាន ២២០ម.ម ដែលងាយស្រួលបើកបរផ្លូវស្រុកខ្មែរ ហើយមិនបារម្ភរឿងចុះខេត្តចូលភូមិឡើយ។

អ្វីដែលគួរឲ្យចាប់អារម្មណ៌នោះគឺ មាឌធំគ្រាន់បើតែបំពាក់ម៉ាស៊ីនតូចល្មមត្រឹមទំហំ 3ស៊ីឡាំង 1.2លីត្រប៉ុណ្ណោះ ប៉ុន្ដែមានជំនួយដោយ Turbo អាចផលិតកម្លាំងបាន 137សេះ កម្លាំងរមួល 220ញូតុនម៉ែត្រ ប្រើប្រអប់លេខ ៦វគ្គអូតូ បង្វិលកង់ដោយប៉ុងមុខ ជំនួយដោយប្រព័ន្ធ Eco-Friendly Tech ដែលជួយបង្កើនសន្ទុះ និងសន្សំសំចៃខ្លាំងធ្វើឲ្យកម្រិតស៊ីសាំងខ្ទង់ ៦លីត្រទៅ ៧លីត្រ ប៉ុណ្ណោះក្នុង១០០គីឡូម៉ែត្រ។ 

សម្រាប់ភាពទំនើបនឹងបរិក្ខារដែលបំពាក់មក អាចខុសប្លែកគ្នា អាស្រ័យលើ Trim/Opiotn ចំនួន ២ដូចជា ប្រភេទ Trax Standard តម្លៃបច្ចុប្បន្នខ្ទង់ ៣៤,៥០០ដុល្លារ នឹង Trax RS តម្លៃ ៣៥,៥០០ដុល្លារ។

ចំពោះផ្ទៃខាងក្នុងទូលាយគ្រាន់បើ បំពាក់កៅអី ២ជួរ អាចជិះបាន ៥នាក់ នឹងសល់ឃ្លុបក្រោយដាក់ឥវ៉ានបានច្រើនគួសម។

និយាយរួមបើជាប្រភេទ RS វិញឃើញមានបំពាក់កៅអីស្បែកអេឡិចត្រនិច រំលិចដោយថ្នេរក្រហម កុងទ័រឌីជិថល ៨អ៉ីញ ជាមួយអេក្រងកម្សាន្ដ ១១អ៉ីង ភ្ជាប់មុខងារ Apple CarPlay & Android Auto កាមេរ៉ាក្រោយជំនួយដោយសេនស័រចូលចត ដំបូលបើក ប្រព័ន្ធសាកថ្មឥតខ្សែរ រន្ធម៉ាស៊ីនត្រជាក់ក្រោយ នឹងទ្វាគូទក្រោយបិតបើកអូតូជាដើម។

ក្រៅពីនឹងក៏មានប្រព័ន្ធសុវត្ថិភាពជំនួយពេលបើកបរមួយកញ្ចប់ផងដែរដូចជា៖

-ប្រព័ន្ធចាប់ហ្រ្វាំងស្វ័យប្រវត្តិ 𝐀𝐮𝐭𝐨𝐦𝐚𝐭𝐢𝐜 𝐄𝐦𝐞𝐫𝐠𝐞𝐧𝐜𝐲 𝐁𝐫𝐚𝐤𝐢𝐧𝐠

⁃ ប្រព័ន្ធរក្សាគន្លងផ្លូវសុវត្ថិភាព 𝐋𝐚𝐧𝐞 𝐊𝐞𝐞𝐩𝐢𝐧𝐠 𝐀𝐬𝐬𝐢𝐬𝐭

⁃ ប្រព័ន្ធផ្ដល់ដំណឹងពេលមានឧបសគ្គផ្នែកខាងមុខ 𝐅𝐚𝐫𝐰𝐚𝐫𝐝 𝐂𝐨𝐥𝐥𝐢𝐬𝐢𝐨𝐧 𝐀𝐥𝐞𝐫𝐭

⁃ មុខងាររក្សាគម្លាតសុវត្ថិភាពពីរថយន្តខាងមុខ 𝐅𝐨𝐥𝐥𝐨𝐰𝐢𝐧𝐠 𝐃𝐢𝐬𝐭𝐚𝐧𝐜𝐞

⁃ ចង្កៀងអំពូលគុជ 𝐅𝐮𝐥𝐥 𝐋𝐄𝐃 𝐏𝐫𝐨𝐣𝐞𝐜𝐭𝐨𝐫 ឡើងចុះបាន 𝟒កម្រិត នឹងប្រព័ន្ធចង្កៀងគុជឆ្លាតវៃ ទម្លាក់ និងតម្លើងហ្វាកូដ ដោយស្វ័យប្រវត្តិជាដើម។

សម្រាប់បងប្អូនវិញយល់យ៉ាងណាដែរចំពោះ Chevrolet Trax 2024 មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!