នៅទីផ្សាអាមេរិក Ford Escape 2025 ប្រភេទ Plug-in Hybrid តម្លៃធ្លាក់ចុះដែលធូរថ្លៃជាងមុនដល់ទៅ 2,100 ដុល្លារឯណោះ។ មិនតែប៉ុណ្ណោះ ក្រុមហ៊ុន Ford ក៏​បាន​កាត់​បន្ថយ​តម្លៃទាំងអស់តែម្ដងនៃត្រកូល Escape ស៊េរីឆ្នាំ 2025 គ្រប់ជម្រើសម៉ាស៊ីន នឹងគ្រប់ជម្រើស Trim/Option ផងដែរ។

ជាធម្មតា រថយន្តថ្មីតែងមានតម្លៃថ្លៃជាងជារៀងរាល់ឆ្នាំមិនថា បើទោះបីជាមិនមានការផ្លាស់ប្ដូរអ្វីប្លែកច្រើនក៏ដោយ ដូចករណី Ford Escape ឆ្នាំ 2025 ដែលទទួលបានការបញ្ចុះតម្លៃគួរឱ្យកត់សម្គាល់ដល់ទៅរាប់ពាន់ដុល្លារឯណោះ។ រថយន្ត SUV ខ្នាតតូចមួយនេះបានធ្លាក់ថ្លៃចន្លោះពី 845ដុល្លារ ទៅ 2,115ដុល្លារ ដែលធូរជាងពីឆ្នាំមុន អាស្រ័យលើកម្រិត Trim និងប្រភេទម៉ាស៊ីនជាដើម។

Escape បន្តផ្តល់ជូននូវជម្រើសម៉ាស៊ីន ចំនួនបីដូចជា៖ 

ម៉ាស៊ីនសាំងសុទ្ធ ៤ស៊ីឡាំង ១.៥ លីត្រ Turbo ផលិតកម្លាំងបាន ១៨១សេះ ដែលភ្ជាប់ជាមួយប្រអប់លេខស្វ័យប្រវត្តិ 8 វគ្គអូតូ អមជាមួយជម្រើសរត់ដោយប៉ុង១ FWD នឹងប៉ុង២ AWD។ 

ចំណែកប្រភេទ Hybrid វិញបំពាក់ម៉ាស៊ីន ៤ស៊ីឡាំង ២.៥លីត្រ ជំនួយដោយម៉ូទ័រអេឡិចត្រនិច ២គ្រាប់ ផលិតកម្លាំងបាន ១៩២សេះ។ ខណៈប្រភេទ plug-in-hybrid ជំនួយដោយម៉ូទ័រ ២គ្រាប់ខ្លាំងជាងធម្មតា នឹងបន្ថែមជាមួយថាមពលថ្ម ទំហំ ១០.៧- kWh ផលិតកម្លាំងបាន ២១០សេះ ជាមួយសមត្ថភាពសាកថ្មមួយពេញអាចរត់បាន ៣៧ ម៉ាយ ឬប្រមាណជា ៦០គីឡូម៉ែត្រ។

ចំពោះតម្លៃវិញ ប្រភេទម៉ាស៊ីនសាំងសុទ្ធចាប់ផ្ដើមពី 29,645ដុល្លារ ដែលជាធូរថ្លៃជាងមុន 1,345ដុល្លារ សម្រាប់ប្រភេទរតដោយប៉ុង១ នឹងប៉ុង២ ធូរថ្លៃជាងមុនដល់ទៅ 2115ដុល្លារ។

ចំណែកប្រភេទ Hybrid ចាប់ពី 34,140ដុល្លារ ដែលធូរថ្លៃជាងមុនដល់ទៅ 845ដុល្លារសម្រាប់ប៉ុង១ នឹងប៉ុង២ 1,500ដុល្លារ។ ឮ

ខណៈប្រភេទ Plug-In តម្លៃ 39,895ដុល្លារ ដែលធូរថ្លៃជាងមុនដល់ទៅ 2,100ដុល្លារឯណោះ៕

ដោយ៖ Bunsak

ប្រភព៖ Caranddriver

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!