ក្រុមអ្នកពន្លត់អគ្គីភ័យកំពុងធ្វើការឈូសឆាយរថយន្តចេញពីផ្លូវក្នុងតំបន់ភ្លើងឆេះ Palisades រថយន្តដែលគេបោះបង់ចោលដែលមានជម្រៅ ៣០០ ហ្វីត ឬប្រមាណជា ៩០ម៉ែត្រពីទីតាំងភ្លើងឆេះ។ 

រដ្ឋកាលីហ្វ័រញ៉ា ដែលល្បីថាមានរគ្រោះរញ្ជួយ នឹងវិបត្តិគ្រោះធម្មតាជាញឹកញាប់ ប៉ុន្តែពេលនេះបញ្ហាភ្លើងឆេះព្រៃ គឺជាក្តីបារម្ភដ៏ធំបំផុតរបស់សហរដ្ខអាមេរិក ចំពោះរដ្ឋមួយនេះ។

កាលពីឆ្នាំ២០២៤ CALFIRE បានរាយការណ៍ថា មានករណីភ្លើងឆេះព្រៃចំនួន ៣៥លើក ប៉ុន្ដែនៅដើមឆ្នាំ២០២៥ បញ្ហាភ្លើងឆេះព្រៃបានកំពុងចាប់ផ្តើមទៅហើយ។ ខណៈពេលដែលមនុស្សម្នាប្រញាប់ប្រញាល់ដើម្បីជម្លៀសចេញ បានបន្សល់ទុករថយន្ដជាច្រើនគ្រឿង ដែលត្រូវបានបោះបង់ចោលកំពុងបណ្តាលឱ្យមានការពន្យារពេលដល់ក្រុមពន្លត់អគ្គីភ័យ។

ករណី​ភ្លើង​ឆេះ​ព្រៃ​នេះ ​បាន​ចាប់​ផ្តើម​នៅ​ព្រឹក​ថ្ងៃ​ទី​៧ មករា រហូត​កើន​ឡើង​ក្នុង​កម្រិត​គួរ​ឲ្យ​ភ័យ​ខ្លាច ដោយសារ​ខ្យល់​បក់​ខ្លាំង ដែលពិបាកក្នុងការទប់ស្កាត់ ។

នៅពេលក្រុមសមត្ថកិច្ចចាប់ផ្ដើមជម្លៀសមនុស្ស ហើយប្រជាជនជាច្រើនបានជ្រើសរើសចាកចេញពីរថយន្ត ដោយគេចចេញពីតំបន់នោះដោយមធ្យោបាយថ្មើរជើង។ ទោះបីជាមានការស្នើសុំពីអ្នកពន្លត់អគ្គីភ័យថា រថយន្តត្រូវរើទៅចំហៀង ឬទុកសោរដើម្បីងាយស្រួលចេញចូលក៏ដោយ ប៉ុន្ដែរថយន្តជាច្រើនត្រូវបានទុកចោល ដោយមិនមានផ្លូវសម្រាប់បុគ្គលិកសង្គ្រោះបន្ទាន់ដើម្បីចូលទៅកាន់តំបន់នោះឡើយ។ 

ដោយមិនមានជម្រើសផ្សេង រថយន្តពន្លត់អគ្គីភ័យ ត្រូវប្រើគ្រឿងចក្រធុនធំ ឈូសឆាយរថយន្តដែលទុកចោលនៅតាមផ្លូវ ដើម្បីបើកផ្លូវសម្រាប់រថយន្តសង្គ្រោះបន្ទាន់។ បើតាមការរាយការណ៌ពីសមត្ថកិច្ចនៅទីនោះបានឲ្យដឹងថា រថយន្ដដែលត្រូវបាន ឈួសឆាយនៅតំបន់នោះមានប្រហែល ២០០គ្រឿង ដើម្បីបើកផ្លូវចូលទៅកាន់តំបន់ភ្លើងឆេះព្រៃនោះ៕

ដោយ៖ Bunsak

ប្រភព៖ Caranddriver

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!