ថ្មីៗនេះ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានប្រកាសសេចក្ដីជូនដំណឹងស្ដីពី ការប្រមូលពន្ធ លើមធ្យោបាយដឹកជញ្ជូន និងយានជំនិះគ្រប់ប្រភេទ សម្រាប់ឆ្នាំ ២០២៣ នឹងចាប់ផ្ដើមដំណើរការពីថ្ងៃទី ១ ខែ មិថុនា ឆ្នាំ ២០២៣ នេះ រហូតដល់ថ្ងៃទី ៣០ ខែ វិច្ឆិកា ឆ្នាំ ២០២៣ នេះ។
យោងតាមសេចក្ដីជូនដំណឹងក៏បានបញ្ជាក់ដែរថា សម្រាប់យានយន្ដដែលធ្លាប់ចុះបញ្ជីក្នុងប្រព័ន្ធគ្រប់គ្រងពន្ធ មធ្យោបាយដឹកជញ្ជូនកន្លងមក តែមិនមានបណ្ណ័សម្គាល់ការបង់ពន្ធ (កាត) ត្រូវបានអនុញ្ញាតឲ្យបង់ពន្ធនេះ ដោយមិនតម្រូវឲ្យបំពេញលិខិតប្រកាសបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទនោះទេ ដោយគ្រាន់តែបង្ហាញ ឬភ្ជាប់ឯកសារដែលអាចបញ្ជាក់អត្តសញ្ញាណយានយន្ដណាមួយ ដូចជា បណ្ណសម្គាល់សម្គាល់យានយន្ដ ឬបង្កាន់ដៃទទួលប្រាក់ពន្ធ ឬលតាបត្របង់ពន្ធឆ្នាំចាស់សម្រាប់ឲ្យមន្ដ្រីពន្ធដារ ឬបុគ្គលិកធនាគារធ្វើការផ្ទៀងផ្ទាត់ទិន្នន័យ។
រីឯសម្រាប់យានយន្ដថ្មិដែលត្រូវចុះបញ្ចីលើកដំបូង ម្ចាស់យានយន្ដត្រូវដាក់លិខិតប្រកាសបង់ពន្ធ ២ សន្លឹក តាមទម្រង់ចេញដោយអគ្គនាយកដ្ឋានពន្ធដារ ភ្ចាប់ជាមួយឯកសារផ្សេងៗទៀតដូចជា បណ្ណ័សម្គាល់យានយន្ដ អត្តសញ្ញាណបណ្ណ័របស់កម្មសិទ្ធិករ និងវិញ្ញាបនបត្រត្រួតពិនិត្យលក្ខណៈបច្ចេកទេសយានយន្ដ (ឆៀក)។
សូមជម្រាបជូនថា ម្ចាស់យានយន្ដអាចធ្វើការបង់ពន្ធបាននៅអគ្គនាយកដ្ឋានពន្ធដារផ្ទាល់ ឬនៅសាខាពន្ធដារខណ្ឌ-ខេត្ត ឬបង់តាមធនាគារដែលជាដៃគូរបស់ក្រសួងសេដ្ឋកិច្ច និងហិរញ្ញវត្ថុដូចជា កាណាឌីយ៉ា, អេស៊ីលីដា, វឌ្ឍនៈ, កម្ពុជាសាធារណៈ, ជេត្រាស់, ស្ថាបនា, ប្រៃសណីយ៍, វឌ្ឍនៈអាស៊ីចំកាត់, ធនាគារពាណិជ្ជកម្មក្រៅប្រទេស និងធនាគារវីង ជាដើម។ ហើយ កាន់តែងាយស្រួលជាងនេះទៅទៀត ម្ចាស់យានយន្ដក៏អាចប្រកាសពន្ធ បានតាមទូរសព្ឌដៃផងដែរ ដោយប្រើប្រាស់កម្មវិធី GDT Taxpayer App ដែលអាច Download បានពី App store (iOS) និង Play store (Android) សម្រាប់យានយន្ដដែលធ្លាប់ប្រកាសពន្ធលើមធ្យោបាយដឹកជញ្ជូនកន្លងមក។
គួរបញ្ជាក់ផងដែរថា ម្ចាស់យានជំនិះទាំងអស់ អាចបង់ពន្ធមធ្យោបាយដឹកជញ្ជូន និងយានជំនិះ ឆ្នាំ ២០២៣ បានលុះត្រាតែ បានបំពេញកាតព្វកិច្ចពន្ធ និងអាករនាំចូលស្របច្បាប់ ព្រមទាំងបានចុះបញ្ជីយានយន្ដនៅក្រសួងសាធារណការ និងដឹកជញ្ជូន ជាមុនសិន។ ក្នុងករណី ម្ចាស់យានយន្ដខកខាន បង់ពន្ធមិនទាន់ អគ្គនាយកដ្ឋានពន្ធដារ និងអាជ្ញាធរ មានសមត្ថកិច្ច នគរបាលចរាចរណ៍ និងចុះត្រួតពិនិត្យ ប្រមូលពន្ធនៅតាមដងផ្លូវ បន្ទាប់ពីថ្ងៃបិទបញ្ចប់ការបង់ពន្ធទៅ។
ប្រភព៖ អគ្គនាយកដ្ឋានពន្ធដារ
អត្ថបទ៖ Andra
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
នេះបានហៅថាបាឡែន! Toyota Previa ប្រើម៉ាស៊ីនបាឡែនរាងស្រដៀងត្រីបាឡែនជាឡាន Minivan ៧កៅអី នៅខ្មែរមានប្រើមួយៗដែរ
កាន់ 3ម៉ឺនដុល្លារស្ដើងចង់បានឡាន SUV កៅអី3ជួរអាចមើល Ford Everest នេះបានធ្លាប់ជាអតិតខ្លាញ់គោស្រុកខ្មែរ
មុនចូលឆ្នាំនេះ Camry LE, XLE ស្លាកលេខកំពុងត្រូវប៉ាន់ នឹងមានទីផ្សារល្អ ខណៈប្រភេទក្រដាសពន្ធស្ទើតែគ្មានសោះ
នៅស្រុកខ្មែរឡាន ៧កៅអីរបស់ Honda ម៉ូឌែល Odyssey ទោះបីមិនសម្បូរ នឹងទីផ្សារមិនសូវល្អក៏មានគេប្រើធម្មតា
នោះ! Ford XL, XLT នឹង Wildtrak 2025 ផលិតនៅខ្មែរធូរថ្លៃជាងមុនរាប់ពាន់ដុល្លារ បើធៀបនឹងតម្លៃស៊េរីឆ្នាំ 2024
មកដឹងពីលក្ខខណ្ឌធានារយះពេលពេញមួយជីវិត របស់រថយន្តអគ្គីសនី AION នៅកម្ពុជា
មិនធម្មតា 𝗗𝗘𝗘𝗣𝗔𝗟 𝗦𝟬𝟳 រថយន្តអគ្គិសនីដែលសុវត្ថិភាពខ្ពស់កម្រិតស្តង់ដា ទទួលបានការវាយពិន្ទុផ្កាយ 5 ក្នុងការធ្វើតេស្តសុវត្តិភាពដោយស្តង់ដា ពីប្រទេសអូស្រ្តាលី ANCAP
ម៉ូតូស៊េរីទំនើបបំផុត ROYAL ENFIELD GUERRILLA 450 ត្រូវបានដាក់លក់ជាផ្លូវការនៅកម្ពុជាហើយ!