Starray 2025 ជាប្រភេទឡានថ្មីស្រឡាងសម្រាប់ទីផ្សារស្រុកខ្មែរ ប៉ុន្ដែរមានវ័យចំណាស់ដែរហើយសម្រាប់ទីផ្សារក្រៅស្រុក ដែលផលិតដំបូងនៅឆ្នាំ 2016 ក្នុងនាមជាឡាន Crossover SUV ដ៏ពេញនិយម នឹងទំនើបមួយរបស់ Geely ។
ចំពោះការឌីស្សាញ Starray ផ្ដោតលើទម្រង់បែបអនាគត នឹង Aerodynamic មើលទៅរាងស្លីម ទាក់ភ្នែក ជាមួយភាពរសរវើក ដែលបង្កប់នូវទស្សនវិជ្ជានៃការរចនាដ៏ទំនើបនៃ Concept Vision Starburst ដែលរួមបញ្ចូលគ្នានូវសោភ័ណភាពនាពេលអនាគតយ៉ាងរលូនជាមួយនឹងបច្ចេកវិទ្យាឌីជីថលកម្រិតខ្ពស់ចុងក្រោយរបស់ Geely ផងដែរ។
ក្រឡេកមើលផ្នែកខាងមុខ បំពាក់ជាមួយសំណាញ់ផុសបែប 3D រំលិចដោយភ្លើង Full LED អូសកាត់ផ្នៃខាងមុខ ចំណែកស្ដុបក្រោយ ក៏ត្រូវបានប្រើជាភ្លើង Full LED បែបឌីជីថល គួមផ្សំជាមួយ Spoiler នៅផ្នែកខាងក្រោយ មើលទៅស្ព័រហើយ Luxury នឹងងាកទៅរកទម្រង់រថយន្ដ បែបអនាគតច្រើន។
បើនិយាយពីទំហំវិញ Starray 2025 មានប្រវែង 4670 ម.ម ទទឹង 1900 ម.ម កម្ពស់ 1705 ម.ម ជាមួយ 1745 គីឡូក្រាម។
ផ្នែកខាងក្នុងបំពាក់កៅអីស្បែកប្រណិត 2 ជួរធំទូលាយ អាចជិះបាន 5នាក់ នឹងសល់ឃ្លុបក្រោយដាក់អីវ៉ានបានច្រើនគួរសមផងដែរ។
Starray ភ្ជាប់មកជាមួយចង្កូតស្បែកបែបស្ព័រ កុងទ័រឌីជិថល 10អ៉ីង អេក្រង់ថាច់ 13.2អ៉ីង មានមុខងារ Apple CarPlay & Android Auto ការមេរ៉ា 360 ឌឺក្រេ ដំបូលខ្មៅប្រភេទ Panoramic ប្រើ Speaker ប្រភេទ HARMANTM INFINITY 9គ្រាប់ នឹង 2គ្រាប់នៅជាប់អីកៅអ្នកបើកបរតែម្ដង ។
មិនតែប៉ុណ្ណោះក៏មានរំលិចដោយភ្លើង Ambient Light ផុសបែប 3D ជាមួយ Head Up-Display ស្លាយកុងទ័រ នឹងផ្ទៃខាងក្នុងស្ទើទាំងស្រុងស្រោមដោយស្បែកផងដែរ។
ចំពោះភាពទំនើប ក៏ដូចជាបច្ចេកវិទ្យាសុវត្ថិភាពជំនួយពេលបើកបរវិញ Starray 2025 ទទួលបានដូចជា៖
1/ ប្រព័ន្ធកំណត់ល្បឿនតាមរថយន្តខាងមុខ Adaptive Cruise Control
2/ ប្រព័ន្ធចាប់ហ្រ្វាំងដោយស្វ័យប្រវត្តិពេលមានឧបសគ្គខាងមុខ Automatic Emergency Bracking
3/ ប្រព័ន្ធរក្សាគន្លងពេលបើកបរ Lane Keeping Assist
4/ ជាមួយនឹងប្រព័ន្ធជំនួយពេលបើកបរផ្លូវហាយវេ Highway Driving Assist ជាដើម។
សម្រាប់តម្លៃវិញ ខាងក្រុមហ៊ុន Geely Cambodia បានដាក់លក់ 36,900ដុល្លារ ខណៈតម្លៃពេញ 42,900ដុល្លារ ឯណោះ។
សម្រាប់បងប្អូនវិញយល់យ៉ាងណាដែរចំពោះ Geely Starray 2025 មួយនេះ? ចំពោះតម្លៃ ក៏ដូចជាព័ត៍មានទូទៅរបស់រថយន្ដ បងប្អូនអាចទាក់ទងជាមួយក្រុមហ៊ុន ដើម្បីសួរនាំបន្ថែមបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Nissan Sentra 2025 ចេញលក់នៅទីផ្សារអាមេរិក ក្នុងតម្លៃខ្ទង់ 2ម៉ឺនដុល្លារជាងប៉ុណ្ណោះ
Hyundai Elantra 2025 តម្លៃត្រឹម 2ម៉ឺនដុល្លារស្ដើង កំពុងស្ថិតក្នុងប្រភេទឡានថ្មី ដែលមានតម្លៃធូរ
រោងចក្រដំឡើងរថយន្ត Ford ទទួលបានវិញ្ញាបនបត្រស្តង់ដារអន្តរជាតិកម្រិត ISO 9001:2015 និង ISO 14001:2015 ដំបូងគេបង្អស់នៅប្រទេសកម្ពុជា!
ក្រុមហ៊ុន 𝐑𝐌𝐀 𝐂𝐚𝐦𝐛𝐨𝐝𝐢𝐚 បានសម្ពោធរថយន្តអគ្គិសនី𝐂𝐇𝐀𝐍𝐆𝐀𝐍ពីរម៉ូដែលគឺ𝐃𝐄𝐄𝐏𝐀𝐋 𝐋𝟎𝟕 និង 𝐒𝟎𝟕បានដោយជោគជ័យ
កត្តាអ្វីដែលធ្វើអោយរថយន្ត MG RX5 ជាជម្រើសដ៏ល្អសម្រាប់ការធ្វើដំណើរនារដូវភ្លៀង?
ក្រុមហ៊ុនតាន់ចុង ម៉ូធ័រ ខេមបូឌា កម្មវិធីសម្ពោធ រថយន្តនីសាន់ ណាវ៉ារ៉ាស៊េរីថ្មី (THE NEW NISSAN NAVARA)
Hyundai បោះលុយ ២៨ លានដុល្លារ ធ្វើរោងចក្រផ្គុំ និងដំឡើងរថយន្ដនៅថៃ គ្រោងដំណើរការឆ្នាំ ២០២៦ នេះ