BT50 ក្រោយពីសម្ងំលាក់ខ្លួនអស់ ៣ឆ្នាំ ចាប់តាំងពីឆ្នាំ២០២២ មកពេលនេះ  All New BT50 2025 បានចេញមកអង្រួនទីផ្សារជាថ្មី ជាមួយតម្លៃពិសេស ៣៩,៩៩៩ដុល្លារ ដែលកាលពីមុនខ្ទង់ ៤២,៩៩៩ដុល្លារ។

បើទោះបីជាមិនទាន់មានកែផ្លាស់ប្ដូររូបរាងថ្មីទាំងស្រុងក្ដី ប៉ុន្ដែឃើញមានការកែប្រែមួយចំនួនដែលមើលទៅ រាងអំណាច់ នឹងស្ព័រជាងមុន។ ដូចជាផ្ទៃខាងមុខបំពាក់បាណាថ្មីរំលេចគ្រាប់រាងជា Octagons ជាមួយ Logo ដ៏ធំមួយរបស់ Mazda ហើយអ្វីដែលប្លែកមួយទៀតគឺ ចង្កៀងថ្មី LED អមដោយភ្លើង DRL កាន់តែប្លែកជាងមុន។

មិនតែប៉ុណ្ណោះ ស្ដុបក្រោយក៏ពាក់ជា LED បែបថ្មី នឹងផ្នែកជាច្រើនទៀត ជាមួយគ្រឿងតុបតែងផ្នែកខាងក្រៅ ភាគច្រើនបំពាក់ថ្មីរំលិចដោយពណ៌ ខ្មៅរលោង ដែលមើលទៅកាន់តែស្ព័រជាងមុន។

New BT-50 ប្រើម៉ាស៊ីនម៉ាស៊ូតចំណុះ 3.0 លីត្រ turbo ផលិតកម្លាំង ១៨៨សេះ និងកម្លាំងរមួល ៣៣២ ផោនហ្វីត បង្វិលកង់ដោយប៉ុង២ 4WD ជំនួយដោយប្រព័ន្ធកាប់ពីតាស់ ជាមួយកម្រិតស៊ីប្រេងជាមធ្យមខ្ទង់ ៩លីត្រក្នុង ១០០គីឡូម៉ែត្រ ឬអាចលើសខ្វះតិចតួចអាស្រ័យលើស្ថានភាពជាក់ស្ដែង។ 

ចំពោះផ្ទៃខាងក្នុងវិញ បំពាក់កៅអីស្បែក ២ជួរជិះបាន ៥នាក់ ក្រៅពីនឹងក៏ឃើញបំពាក់ Smart Key ប៉ូតុង Power អេក្រង់កុងទ័រឌីជីថល អេក្រង់កម្សាន្ដ ៩អ៉ីង អាចភ្ជាប់ជាមួយ Apple CarPlay & Android Auto និងកាម៉េរាក្រោយ ជំនួយដោយសេនស័រចូលផងដែរ។

ក្រៅពីនឹងក៏មានមុខងារអាចបញ្ជាឆេះពីចម្ងាយ ក្ដោបកញ្ចក់អូតូ មុខងារ Blind Sport Monitor រន្ធម៉ាស៊ីនត្រជាក់ក្រោយ Speaker ៨គ្រាប់ ប្រភេទ Surround Sound នឹងពោងសុវត្ថិភាព ៦គ្រាប់ ជាដើម។

សម្រាប់បងប្អូនវិញយល់យ៉ាងណាដែរចំពោះ New Mazda BT50 2025 មួយនេះ? រូបរាងថ្មីអំណាចជាងមុន ជាមួយតម្លៃក្រោម ៤ម៉ឺនដុល្លារប៉ុណ្ណឹងល្មមពិចារណាបាននៅ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕ 

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!