កាលពីម្សិលមិញ ក្រុមហ៊ុន Honda បានទម្លាយរូបភាពប៉ុន្មានសន្លឹករបស់ម៉ូឌែល Civic Hybrid 2025 អមជាមួយពាក្យមួយឃ្លាថា Hybrid Fun Arrive Summer 2024 ។

អ្វីដែលគួរឲ្យគត់សម្គាល់ Civic 2025 បានកែសម្រួលសំណាញ់ផ្នែកខាងមុខត្រូវបានលាតធំជាងមុន បែបសំបុកឃ្មុំ អមជាមួយយាន់កង់ទម្រង់បែបថ្មី សមនឹង Trim/Option ដែលរំលេចនៅជាប់គូទក្រោយថា Sport Touring កាន់តែទាក់ភ្នែកជាងមុន ប៉ុន្ដែនៅរក្សាទម្រង់ដូចឆ្នាំមុនដដែល។

ក្រៅពីរូបភាពប៉ុន្មានសន្លឹកនេះ Honda មិនទាន់បញ្ជាក់ឲ្យដឹងនៅឡើយទេ ទាក់ទងនឹងរូបភាពខាងក្នុង កម្លាំងម៉ាស៊ីន សមត្ថភាពរត់លើដងផ្លូវ ជាមួយភាពទំនើប នឹងព័ត៍មានទូទៅ តែត្រូវបានគេរំពឹងថា មុខងារប្រព័ន្ធ Hybrid របស់ Civic 2025 អាចនឹងដូចគ្នាទៅនឹងម៉ូឌែល CRV នឹង Honda Accord ស៊េរីឆ្នាំ២០២៤ដែរ។

គួរបញ្ចាក់ផងដែរថា៖ Honda Civic Hybrid ស៊េរីឆ្នាំមុនៗបំពាក់ម៉ាស៊ីន ៤ស៊ីឡាំង ចំណុះ ២.០លីត្រ ប្រភេទ Atkinson-cycle ជំនាន់ថ្មី ជំនួយដោយម៉ូទ័រអេឡិចត្រិចតូចពីរគ្រាប់ ផលិតកម្លាំងបាន ១៨១សេះ កម្លាំងរមួល ២៣២ផោនហ្វីត រត់ដោយប្រអប់លេខ e-CVT ជំនួយដល់ការរត់ល្បឿន នឹងចូលលេខបានលឿនល្អ៕

ដោយ៖ Bunsak

តោះ! ចូលរួមការងារជាមួយ Advan Auto ប្រសិនបើអ្នកស្រឡាញ់វិស័យរថយន្ត មិនចាំបាច់មានបទពិសោធន៍ក៏បាន អ្នកអាចមករៀនសូត្រពីការងារជាមួយពួកយើងឥឡូវនេះ ។

អ្នកផលិតមាតិកា/សរសេរអត្ថបទព័ត៌មាន - Content Creator/Writer (Intern)

អ្នកកាត់តវីដេអូ - Video Editor (Intern)

ដាក់ពាក្យមកកាន់ Telegram: https://t.me/advanauto_contact    

ទាញយកព័ត៌មានលម្អិត (Job Description) : https://shorturl.at/izBIW