Odyssey អាចនិយាយបានថាជាឡាន Minivan របស់ Honda ដែលទទួលបានការគាំទ្រ នឹងពេញនិយមគួរសម ខណៈបន្តការផលិតរបស់ខ្លួនជាបន្ដបន្ទាប់ ដែលផលិតដំបូងនៅឆ្នាំ១៩៩៤ ជាជំនាន់ទី១ រហូតដល់ស៊េរីឆ្នាំ ២០២៥ Odyssey ដំណើរការផលិតបាន ៥ជំនាន់ទៅហើយ។

សម្រាប់ឆ្នាំ២០២៥ បើមើលឲ្យមែនតែនទៅ ហាក់មិនមានអ្វីផ្លាស់ប្ដូរប្រែប្រួលធំនោះទេក្នុងរយៈពេលជិត ២០ឆ្នាំមកនោះ បើរាប់ពីឆ្នាំ២០១៤ ចាប់តាំងពីជំនាន់ទី ៥មក។ អ្វីដែលប្លែកសម្រាប់រូបរាងខាងក្រៅគឺ បាណាមុខ ជាមួយចង្កៀងមុខស្ដុបក្រោយ គួរសមដែរ។ 

Odyssey 2025 មានតម្លៃចាប់ផ្ដើមខ្ទង់ ៤២,២២០ដុល្លារ ប្រើម៉ាស៊ីនតែមួយជម្រើសប៉ុណ្ណោះគឺម៉ាស៊ីន ៦ស៊ីឡាំង ៣.៥លីត្រ ផលិតកម្លាំងបាន ២៨០សេះ កម្លាំងរមួល ២៦២ផោនហ្វីត រត់ដោយប្រអប់លេខ ១០វគ្គអូតូ បង្វិលកង់ដោយប៉ុងមុខ FWD ជាមួយកម្រិតស៊ីសាំងខ្ទង់ ៩លីត្រ ទៅ ១២លីត្រក្នុង ១០០គីឡូម៉ែត្រ ។

ចំពោះភាពទំនើប នឹងការបំពាកបរិក្ខាផ្នែកខាងក្នុង សម្រាប់ពពួកឡានឆ្នាំ ២០២៥ អាចនិយាយបានថាមិនសាមញ្ញទៀតឡើយ បើទោះបីជាមិនមានអ្វីប្លែកច្រើនក៏ដោយ។

Odyssey ជាប្រភេទឡាន Minivan កៅអី ៣ជួរ អាចជិះបានគ្នា ៧នាក់ ទូលាយគ្រាន់បើ ដោយផ្ទៃខាងមុខភ្ចាប់ជាមួយអេក្រង់ថាច់ទំហំ ៩អ៊ីញ ជាមួយនឹងកុងទ័រឌីជីចល ៧អ៉ីងផងដែរ ចំណែគកៅអីខាងក្រោយបំពាក់អេក្រង់ទំហំអេក្រង់កម្សាន្ដ ១២.៨អ៊ីញផងដែរ។

ក្រៅអីនឹងក៏មានរន្ធ USB-C ច្រើនកន្លែង ប្រព័ន្ធសាកថ្ម Wireless Charge ជាមួយមុខងារ នឹងភាពទំនើបជាច្រើនមួយចំនួនទៀតផងដែរ៕

ប្រភព៖ Autoblog

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!