ពេលមេផលិតរថយន្ដ និងមេគ្រឿងអេឡិចត្រូនិចរបស់ជប៉ុន Honda និង Sony ប្រកាសចាប់ដៃផលិតរថយន្ដអគ្គិសនីរួមគ្នា កាលពីដើមឆ្នាំ ២០២២ កន្លងទៅ មានអ្នកគាំទ្រជាច្រើនរងចាំមើលថា ក្រុមហ៊ុនទាំងពីរនេះ នឹងនាំអ្វីប្លែកមកបង្ហាញ ការទន្ទឹង រង់ចាំនេះ បានមកដល់ទីបញ្ចប់ហើយ ដោយ គម្រូរថយន្ដអគ្គិសនីថ្មីនេះ បានប្រកាសបង្ហាញមុខជាផ្លូវការ ជាមួយរូបរាង សង្ហា បច្ចេកវិទ្យាខ្ពស់ ត្រៀមចេញលក់ឆ្នាំ ២០២៥ នេះ។
តាមការចុះផ្សាយពី engadget បានឲ្យដឹងថា រថយន្ដអគ្គិសនីរួមគ្នារបស់ Sony និង Honda នេះ ពីមុនមានឈ្មោះថា Vision S 02 ត្រូវបានកែប្រែមកឈ្មោះ Afeela ត្រូវបានបង្ហាញជាផ្លូវការនៅលើឆាកបង្ហាញរថយន្ដ CES (Consumer Electronic Show) ឆ្នាំ ២០២៣ ផលិតដោយក្រុមហ៊ុន Sony Honda Mobility ដោយ Honda ទទួលបន្ទុកផ្នែកធ្វើរថយន្ដ និង Sony ទទួលបន្ទុកខាងគ្រឿងអេឡិចត្រូនិច។
ដោយនៅក្នុងបទបង្ហាញបានឲ្យដឹងថា Afeela នេះ មានបំពាក់កាមេរ៉ា សុវត្ថិភាពដល់ទៅ ៤៥ ជាមួយនឹងប្រព័ន្ធ Sensor ទាំងក្នុងនិងក្រៅមួយពេញចិត្តតែម្ដង ព្រមជាមួយនឹងការប្រើប្រាស់ប្រព័ន្ធ software កម្រិតខ្ពស់ Snapdragon Digital Chassis ពី Qualcomm Technologies សម្រាប់ ADAS និងប្រព័ន្ធកម្សាន្ដពី Epic Games ផងដែរ។
ក្នុងនោះសម្រាប់ limited edition នឹងមានផ្ដល់ជូននូវប្រព័ន្ធបើកបរស្វ័យប្រវត្តិកម្រិត ៣ និង ប្រព័ន្ធជំនួយការបើកបររថយន្ដកម្រិត ២ សម្រាប់ម៉ូដែលទូទៅ ជាពិសេស ផ្នែកខាងក្រៅត្រូវបានរចនាជាមួយនឹង “Media Bar” ដែលអាចធ្វើទំនាក់ទំនងជាមួយនឹងមនុស្សបានដោយបញ្ចេញភ្លើង។
តាមការឲ្យដឹងពី SHM (Sony Honda Mobility) ថា Afeela នឹងបើកទទួលកក់ចាប់ពី ពាក់កណ្ដាលឆ្នាំ ២០២៥ ទៅ ហើយនិងផលិតចេញលក់ផ្លូវការនៅឆ្នាំ ២០២៦។
អត្ថបទ៖ Andra
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ