ថ្មីៗនេះ ក្រុមហ៊ុនផលិតរថយន្ដល្បីឈ្មោះជប៉ុន Honda បានប្រកាសថានឹងនាំយក concept រថយន្ដ supercar ដំបូងបង្អស់របស់ខ្លួន ដែលស្ងាត់បាត់សម្លេង មិនមានអ្នករំឭកជាង ៤០ ឆ្នាំ មកធ្វើទំនើបកម្មឡើងវិញ ត្រៀមបង្ហាញរាងក្នុងកម្មវិធីពិពរណ៌រថយន្ដ Pebble Beach Concours d’Elegance នៅពាក់កណ្ដាលខែសីហានេះ។ 

Concept រថយន្ដនេះមានឈ្មោះថា Honda HP-X ដែលជា Concept រថយន្ដ supercar មុខស្រួច (មុខច្បូច) ដំបូងបំផុតរបស់ Honda មុនពេលចេញ legendary supercar Honda NSX របស់ខ្លួន​។ Concept រថយន្ដ HP-X នេះ ត្រូវបានរចនាដោយ Pininfarina នឹងបានចេញបង្ហាញមុខដំបូងនៅក្នុងកម្មវិធី Turin Motor Show ឆ្នាំ ១៩៨៤​ ជាប្រភេទ Ultra aerodynamic sports car ដែលទទួលបានការចាប់អារម្មណ៍យ៉ាងខ្លាំងក្នុងកំឡុងពេលនោះ។ 

Concept HP-X នេះ ត្រូវបានបំពាក់ជាមួយម៉ាស៊ីន 2.0 litre V6 ជាបងប្អុននឹងម៉ាស៊ីនដែលប្រើនៅក្នុង Honda Formula 2។ រីឯតួខ្លួនរបស់វាធ្វើឡើងពី Kevlar និង Carbon Fiber ដែលធ្វើឲ្យមានទម្ងន់ស្រាលសក្ដិសមនឹងរថយន្ដប្រភេទ Supercar​​ ព្រមជាមួយនឹងការធ្វើទ្រង់ទ្រាយប្រើប្រាស់ស្ថាបត្យកម្ម ground effect អមជាមួយនឹង driver controlled air brake ផងដែរ។ 

ខណៈទទួលបានការចាប់អារម្មណ៍ច្រើននៅពេលនោះ​ Concept ​HP-X មិនត្រូវបាន Honda អភិវឌ្ឍន៍បន្ដនោះទេ តែបានបញ្ចេញ NSX មកជំនួសវិញក្នុងរយៈពេលប្រមាណ ៥ ឆ្នាំក្រោយ ហើយចាប់ពីពេលនោះមក HP-X ក៏មិនត្រូវបានគេនិយាយពីវារហូតមកបដល់ពេលថ្មីៗនេះដែល Honda លើកយក Concept រថយន្ដ HP-X មកឡើងវិញ  ជាមួយនឹងគម្រោងមកធ្វើទំនើបកម្មថ្មី សម្រាប់កម្មវិធី Pebble Beach Concours d’Elegance ឆ្នាំនេះ ដែលនឹងប្រព្រឹត្តទៅនៅថ្ងៃទី ១៨ ខែ សីហា ខាងមុខ ក្នុងក្រុម Wedge-Shaped Concept and Prototypes Class។ 

សម្រាប់ការរៀបចំឡើងវិញនេះ Honda បានសម្រេចរក្សាទ្រង់ទ្រាយ និងការរចនាដើមដូច concept HP-X Original ឆ្នាំ ១៩៨៤ ដដែល ជាមួយនឹងពណ៌ខាងក្រៅដូចគ្នា ដែលជា ​ពណ៌ស លាយខៀវ​ ជាមួយឆ្នូតក្រហម។ ចំណែកឯផ្នែកខាងក្នុវិញ ក៏ត្រូវបានតុបតែងលាយពណ៌ ស និងក្រហមទាក់ភ្នែក ហើយ​តែអ្វីដែលប្លែកនោះគឺ រថយន្ដនេះ មិនមានទ្វារបើកចំហៀងដូចរថយន្ដធម្មតានោះទេ តែប្រើប្រាស់ទ្វារបើកពីលើដូច fighter jet (យន្ដហោះចម្បាំង) ដូច្នោះ​ដែរ។

សម្រាប់ការធ្វើទំនើបកម្មលើបច្ចេកវិទ្យាប្រើប្រាស់ផ្សេងៗនៅក្នុងរថយន្ដនេះ Honda នៅមិនទាន់បានឲ្យដឹងនៅឡើយទេ ដោយមានតែចាំមើលនៅថ្ងៃរថយន្ដនេះតាំងពិពរណ៌នៅក្នុងកម្មវិធី ​Pebble Beach Concours d’Elegance ថ្ងៃទី ១៨ ខែ សីហា ខាងមុខនេះ។ 

អត្ថបទ៖ Andra 

ប្រភព៖ Motor 1 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!