ថ្មីៗនេះ ក្រុមហ៊ុនផលិតឡានល្បីឈ្មោះរបស់ជប៉ុន Honda បានប្រកាសថាឡានអគ្គិសនីម៉ូដែលថ្មីរបស់ខ្លួនដែលចេញក្នុងឆ្នាំ ២០២៥ នេះ នឹងប្រើប្រាស់ឌុយឆ្នាំងសាកស្ដង់ដាររួមជាមួយ Tesla ដែរ ក្រោយពីបានពិភាក្សាដាក់ហ៊ុនគ្នា បន្ទាប់ពី Tesla បានសម្រេចដាក់ទុនធ្វើស្ថានីយ៍សាកឡានអគ្គិសនីប្រើប្រាស់ស្ដង់ដាតែមួយនេះជាមួយ Ford និង GM កាលពីពេលថ្មីៗនេះ។ 

យោងតាមខ្លឹមសារសេចក្ដីប្រកាសរបស់ Honda បានឲ្យដឹងថា Honda Motor Co នឹងប្រើប្រាស់ឆ្នាំងសាកល្បឿនលឿនរបស់ Tesla (Tesla’s Fast Charging Port) សម្រាប់រថយន្ដអគ្គិសនីសេរីថ្មីរបស់ខ្លួនដែលចេញពីឆ្នាំ ២០២៥ ទៅ ចាប់ផ្ដើមពី ទីផ្សារអាមេរិកខាងជើងមុនគេ។ 

ប្រព័ន្ធនេះមានឈ្មោះថា Tesla’s North American Charging Standard (NACS) ជាការធ្វើស្ថានីយ៍សាករថយន្ដអគ្គិសនីប្រើប្រាស់ស្ដង់ដាររួមតែមួយ ដោយទទួលបានការសហការពីក្រុមហ៊ុនធំៗដូចជា​ Ford និង GM

ក៏ប៉ុន្ដែបើយោងតាមការឲ្យដឹងពី The Verge  ថា NACS នឹងត្រូវប្រកួតប្រជែងជាមួយនឹងប្រព័ន្ធសាកឡានអគ្គិសនីជើងចាស់ CCS (Combined Charging Systems) ដោយស្ថានីយ៍នេះមានឆ្នាំងសាកសម្រាប់គ្រប់ប្រភេទរថយន្ដអគ្គិសនីទាំងអស់ (លើកលែង Tesla) តែទោះជាយ៉ាង បើតាមមតិពីអ្នកប្រើប្រាស់ជាច្រើន និងអ្នកវិភាគផ្សេងៗបានប៉ាន់ស្មានថា NACS នេះ នឹងអាចសម្រេចជោគជ័យលើការប្រកួតប្រជែង ដោយរាប់តែស្ថានីយ៍សាករថយន្ដរបស់ Tesla បានគ្របដណ្ដប់ជាង  ១៧០០០ កន្លែង​ (ក្នុងចំណោម ៥៤០០០ ស្ថានីយ៍) ក្នុងទឹកដីមេរិករួចទៅហើយ។ 

លើសពីនេះ ក្រុមហ៊ុនផលិតរថយន្ដល្បីៗជាច្រើនផ្សេងទៀត ដូចជា BMW, Hyundai, Kia, Mercedes Benz, និង​ Stellantis ក៏ទើបតែបានសម្រេចការចរចារសាងសង់ស្ថានីយសាកឡានអគ្គិសនីប្រើប្រព័ន្ធ NACS របស់ Tesla នេះដូចគ្នានឹង Ford, GM និង Honda ដែរ ចំនួន ៣០ ០០០ កន្លែងង​ក្នុងទឹកដីអាមេរិកនៅរង្វង់ដើមឆមាសទី ២ នៃឆ្នាំ ២០២៤ ហើយនឹងបន្ដទៅកាណាដា ព្រមទាំងប្រទេសផ្សេងៗទៀតនៅឆ្នាំជាបន្ដបន្ទាប់។ 

ប្រភព៖ AP News 

អត្ថបទ៖ Andra 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!