វត្តមានរបស់ម៉ូតូស្កូតឺ (Scooter) នៅក្នុងទីក្រុងភ្នំពេញ បានបង្ហាញថាម៉ូតូនេះលើសពីមធ្យោបាយធ្វើដំណើរ ដោយសារគ្រប់ពេលដែលយើងឃើញការចរាចរណ៍របស់ម៉ូតូនេះ វាហាក់បីដូចជាបានបង្ហាញនូវ រចនាប័ទ្ម សេរីភាព និងភាពទំនើបនៃទីក្រុង ខណៈអ្នកជិះម៉ូតូសព្វថ្ងៃនេះ និយមជ្រើសរើសម៉ូតូដែលត្រូវនឹងបុគ្គលិកលក្ខណៈ  របៀបរស់នៅ និងរសនិយមរបស់ពួកគេ បន្ថែមពីលើការមើលទៅលើសន្ទុះល្បឿន និងភាពងាយស្រួលក្នុងការបើកបរ។

ដូច្នេះថ្ងៃនេះ យើងនឹងបង្ហាញនូវម៉ូតូដ៏លេចធ្លោ ៣ម៉ូឌែល ដែលកំពុងតែពេញនិយមនៅកម្ពុជា ជាមួយនឹងតម្លៃចន្លោះពី 3,000 ដុល្លារ ទៅ 5,000 ដុល្លារ ហើយម៉ូតូនីមួយៗ តំណាងឱ្យកេរដំណែលនៃការរចនា ដំណើរការល្អ និងរួមបញ្ចូលវប្បធម៌ល្បីៗ ក្នុងនោះមាន Peugeot Django 150, Vespa Sprint Tech 150 និង Lambretta V200 Special។ អ៉ីចឹងក្នុងចំណោម ៣ម៉ូឌែលនេះ តើមួយណាដែលស័ក្កិសមទៅនឹងអ្នកទាំងអស់គ្នា?

1.កេរ្តិ៍ដំណែលនៃរចនាប័ទ្ម៖ កេរ្តិ៍ដំណែលម៉ាក និងទស្សនវិជ្ជានៃការរចនា

នៅក្នុងពិភពនៃម៉ូតូស្កូតឺទំនើប បេតិកភណ្ឌមានសារៈសំខាន់ណាស់។ ទាំងនេះមិនមែនគ្រាន់តែជាម៉ូតូដំណើរការដោយម៉ាស៊ីនប៉ុណ្ណោះទេ ប៉ុន្តែម៉ូតូទាំងនេះកំពុងបង្ហាញ និងរំលឹករឿងរ៉ាវនានា ,បង្ហាញនូវការវិវត្តន៍ដ៏ទំនើប ,សិល្បៈហត្ថកម្ម និងវប្បធម៌ជាច្រើនទសវត្សរ៍។

Vespa: តំណាងអោយសេរីភាពរបស់អ៊ីតាលី

ចាប់តាំងពីបង្ហាញខ្លួនក្នុង​ឆ្នាំ 1946 Vespa បានក្លាយជានិមិត្តសញ្ញាដ៏ទាក់ទាញរបស់ប្រទេសអ៊ីតាលី ដោយបង្ហាញនូវសេរីភាពក្រោយសង្គ្រាម និងការបះបោររបស់យុវវ័យ។ Vespa Sprint Tech 150 បានបន្តកេរ្តិ៍ដំណែលរបស់ខ្លួនជាមួយនឹងស្មារតីក្លាហាន និងកីឡា ដោយម៉ូតូនេះនៅតែរក្សាទម្រង់កោងមូលរបស់ខ្លួន គ្រាន់តែក្រលេកឆាច់ឃើញទម្រង់ម៉ូតូក៏ដឹងថាជាម៉ូតូ Vespa ជាមួយនឹងភាពទំនើបជាច្រើនដែលត្រូវបានកែលម្អដូចជា៖ អំពូល LED ពេញអេក្រង់ ,អេក្រង់ឌីជីថល TFT ទំហំ 5 អ៊ីញ និងពណ៌ថ្នាំរលោងស្រិលដូចជា Grey Entusiasta និង Black Convinto ជាដើម។ លើសពីនេះការលាយបញ្ចូលគ្នាដ៏ល្អឥតខ្ចោះនៃការរចនាតាមសម័យកាល និងការកែលម្អបច្ចេកវិទ្យាខ្ពស់ សម្រាប់ការរស់នៅលំដាប់ខ្ពស់ និងមានគុណភាព កាន់តែធ្វើឱ្យ Vespa មានភាពទាក់ទាញ ហើយលើសពីម៉ូតូសម្រាប់ជិះធម្មតា ព្រោះថារាល់ពេលជិះម៉ូតូ Vespa ដូចកំពុងបង្ហាញពីស្ទីលផ្ទាល់ខ្លួនរបស់យើង។

Lambretta: តំណាងអោយអ្នកបះបោរមកពី Milan

Lambretta ត្រូវបានបង្កើតឡើងក្រោយឆ្នាំ1947 និងមានដើមកំណើតមកពី Milan ជាការរចនា និងឌីហ្សាញម៉ូតូ scooter ពិត ច្បាស់ៗ។ ដោយសារតែ អតីតកាលដ៏អស្ចារ្យ បច្ចុប្បន្ន Lambretta V200 Special កំពុងពេញនិយមខ្លាំងមែនទែននៅក្នុងទីក្រុងសម័យទំនើប ។ ជាក់ស្ដែងដូចជា ការចនាដែលរួមបញ្ចូលពីគ្រឿងបង្គុំសំខាន់ៗពីប្រវត្តិរបស់ស៊េរី Li រួមទាំងការរចនាផ្ទាល់ខ្លួននូវរបាំងខាងមុខម៉ូតូជាលក្ខណៈសំណាញ់ ដែលឥលូវនេះត្រូវបានអាប់ឌែតបន្ថែមឱ្យត្រូវនឹងសម័យកាល និងស័ក្កិសមជាមួយទីក្រុងទំនើប។ លើសពីនេះទៅទៀត ម៉ូតូ scooter មួយនេះ មានច្រើនពណ៌សម្រាប់ជ្រើសរើសដូចជា Grotta Blue, Siciliano Yellow, និង Perla White ហើយ V200 ពីស៊េរីមួយទៅស៊េរីមួយ មានភាពលេចធ្លោខ្លាំង និងមើលទៅកាន់តែមានអំណាច។ អ្នកជិះ Lambretta ជារឿយៗត្រូវបានគេមើលឃើញថាមានទំនុកចិត្ត និងមានភាពទាក់ទាញ ដោយរួមបញ្ចូលគ្នានូវរចនាប័ទ្ម old-school ជាមួយនឹងពិភពលោកសម័យថ្មី។

Peugeot Django: ម៉ូតូដែលរួមបញ្ចូលនូវភាពទំនើបរបស់បារាំងជាមួយ Café Racer Spirit

ម៉ូតូ Peugeot Django នឹងផ្ដល់ឱ្យអ្នកជិះនូវអារម្មណ៍ថ្មីប្លែកហាក់បីដូចជាពិភពផ្សេងខុសពីម៉ូឌែល ២ខាងលើ ដោយសារតែម៉ូតូនេះ បញ្ចូលនូវមរតកយានយន្ដរបស់បារាំងយ៉ាងច្រើនតែម្ដង រួមជាមួយបែបផែននៃទីក្រុងប៉ារីស និងវប្បធម៌អ្នកប្រណាំងម៉ូតូប្រភេទ café racer។ ដោយមានឫសគល់ត្រលប់ទៅឆ្នាំ 1898 ម៉ូតូ Peugeot គឺជាម៉ាកម៉ូតូស្កូតឺដែលមានវ័យចំណាស់បំផុតនៅលើទីផ្សារម៉ូតូស្កូតឺ ហើយនៅឆ្នាំ 2023 វាបានប្រារព្ធខួបលើកទី 125 នៃឧត្តមភាពម៉ូតូប្រកបដោយមោទនភាព។ លើសពីនេះ ម៉ូដែលនេះ ខុសពីគូប្រជែងរបស់ខ្លួន ដោយការរចនារបស់ Django ត្រូវបានដកស្រង់ចេញពីពីវប្បធម៌អ្នកប្រណាំងហាងកាហ្វេអ៊ឺរ៉ុបនៃទសវត្សរ៍ឆ្នាំ 1950 ហើយចំពោះល្បឿន និងភាពល្អប្រណិតគឺល្អបំផុត។

Django Café Racer 150 ជាម៉ូតូដែលតំណាងដល់យុគ្គសម័យមាស ដែលបំពាក់កែបធំសំប៉ែត ធុងដាក់ឥវ៉ាន់ក្រោមកែបធំទូលាយ និងពណ៌ស្រគត់ស្រគុំស្អាតមែនទែន ដូចជា ពណ៌ Lichen Grey និង Flash Silver ។ ជាមួយគ្នានេះ ក្បាំងខាងមុខត្រូវបានឌីហ្សាញដោយយកលំនាំតាមត្រចៀកតោ និងទង់ជាតិប្រណាំងម៉ូតូរបស់ប្រទេសបារាំងបង្ហាញពី DNA របស់ម៉ូតូនេះ ខណៈរូមរាងម៉ូតូទាំងមូលមើលទៅសាមញ្ញ តែតាមពិតទាក់ទាញណាស់។ ដូច្នេះមិនថា អ្នកចូលចិត្តបែប Sport, Heritage, ឬ Racing edition ទេ Django ផ្តល់នូវភាពទាន់សម័យច្រើនជាងមុន ដែលអនុញ្ញាតឱ្យអ្នកជិះទទួលបានអារម្មណ៍នូវអ្វីដែលជាខ្លួនឯង។

ខណៈពេលដែល Vespa និង Lambretta វិវត្តន៍ចេញពីប្រពៃណីរបស់ម៉ូតូស្កូតឺ ,DNA របស់ Peugeot Django កើតចេញពីកេរដំណែលរថយន្ត ដូច្នេះហើយទើបម៉ាស៊ីនដំណើរល្អ ខ្លាំង និងមានតុល្យភាពនៅលើដងផ្លូវ។

2. ការអនុវត្ត និងបច្ចេកវិទ្យា៖ បង្កើតឡើងសម្រាប់ទីក្រុងបៃតង

- The Vespa Sprint Tech 150 ផ្ដល់នូវការបើកបរដ៏រលូន ដោយសារបំពាក់ដោយម៉ាស៊ីន 155cc អនុលោមតាម  Euro 4 ហើយភ្ជាប់មកជាមួយប្រព័ន្ធសោរឆ្លាតវៃ ,double channel ABS, អេក្រង់ TFT ទំហំ 5 អ៊ីញដែលអាចតភ្ជាប់ស្មាតហ្វូនតាមរយៈ Vespa MIA ។ ទន្ទឹមនឹងនេះដែរ ធុងដាក់ឥវ៉ាន់មានទំហំសមល្មម តែធុងសាំងមានចំណុះដល់ទៅ 7 លីត្រ និងអាចផ្ទុកទម្ងន់ 130គីឡូក្រាម ដែលធ្វើឱ្យការបើកបររលូន ហើយរួមជាមួយរូបរាងដ៏ស្រស់ស្អាតទៀត ធ្វើឱ្យ The Vespa Sprint Tech 150 ក្លាយជាម៉ូតូដ៏ល្អប្រណិតសម្រាប់ជិះកម្សាន្តក្នុងទីក្រុងដ៏ស៊ីវិល័យ។

- Lambretta V200 ផ្ដល់នូវការបើកបរក្នុងទីក្រុងដ៏អស្ចារ្យជាមួយ ជាមួយនឹងម៉ាស៊ីន 168.9cc , air cooling, និងប្រព័ន្ធ Electronic Fuel Injection។ លើសពីនេះ ប្រព័ន្ធហ្វ្រាំងរួមបញ្ចូលគ្នា និងភ្លើង LED កាន់តែធានាបាននូវសុវត្ថិភាព និងបង្កើនសោភ័ណភាព ខណៈដែលការឌីហ្សាញរបស់ម៉ូតូនេះ ធ្វើឱ្យម៉ូតូកាន់តែមានអំណាច។ ម៉ូតូនេះ ស័ក្តិសមបំផុតសម្រាប់អ្នកជិះដែលផ្តល់តម្លៃដល់ការបញ្ចូលគ្នានៃសោភ័ណ្ឌភាពបែបអតីតកាល និងបច្ចេកវិទ្យាទំនើប ជាមួយនឹងធុងសាំង 6.5 លីត្រ និងទម្ងន់ 145 គីឡូក្រាម ។

- Django Café Racer 150 ផ្ដល់នូវតុល្យភាពដ៏ល្អ នៃផាកសុកភាព និងដំណើរការក្នុងពេលបើកបរ។ ម៉ូតូនេះ បំពាក់នូវម៉ាស៊ីន 150cc Euro 5 រួមជាមួយនឹងនិងប្រអប់លេខ CVT ដ៏រលូន ហើយមកជាមួយភ្លើង​ LED  និង USB សាកថ្ម ,អេក្រង់ semi-digital និងប្រព័ន្ធហ្រ្វាំងកម្រិតខ្ពស់ រួមទាំង ABS នៅក្នុង Version ជាច្រើន និងអាចផ្ទុកទម្ងន់បាន 140 គីឡូក្រាម។ លើសពីនេះ នៅមានលក្ខណៈពិសេសមួយចំនួនទៀត ដូចជា ធុងសាំងទំហំធំ 8.5លីត្រ និងឃ្លុបដាក់ឥវ៉ាន់ក្រោមកែបដ៏ធំទូលាយ ដែលធ្វើឱ្យម៉ូតូនេះកាន់តែល្អឥតខ្ចោះសម្រាប់ការធ្វើដំណើរប្រចាំថ្ងៃ និងដំណើរកម្សាន្តចុងសប្តាហ៍។

សរុបជារួម Django លេចធ្លោខ្លាំង ជាមួយនឹងកម្លាំង, ផាសុកភាពក្នុងពេលធ្វើដំណើររយៈពេលវែង និងបច្ចេកវិទ្យាទំនើបៗដែលធ្វើឱ្យបទពិសោធន៍ក្នុងការធ្វើដំណើររបស់អ្នកកាន់តែអស្ចារ្យ ចំណេញទាំងពេលវេលា និងថវិកាផងដែរ។

3. សេវាកម្ម និងការគាំទ្រ៖ មិនបាច់ភ័យព្រួយច្រើន

• Vespa គាំទ្រដោយ HGB Group បន្តសាងសង់មជ្ឈមណ្ឌលសេវាកម្មរបស់ខ្លួនជាមួយនឹងការធានាស្តង់ដាររយៈពេល 2 ឆ្នាំ។

• Lambretta ផ្តល់ជូននូវការធានារយៈពេល 2 ឆ្នាំ ឬ 20,000 គីឡូម៉ែត្រ និងប្រព័ន្ធថែទាំដែលអាចទុកចិត្តបានសម្រាប់អតិថិជន។

• ម៉ូតូ Peugeot Django លេចធ្លោជាមួយនឹងការធានារយៈពេល 2 ឆ្នាំ ឬ 20,000 គីឡូម៉ែត្រ — ជាមួយនឹងក្រុមសេវាកម្មជំនាញខ្ពស់ និងគ្រឿងបន្លាស់ដែលអាចរកបានតាមរយៈ Peugeot Motocycles Cambodia ។ អ្នកបើកបរ អាចទុកចិត្តបានដោយសារតែមានការថែទាំពិតប្រាកដ និងសេវាកម្មបន្ទាប់ពីការលក់ដែលឆ្លុះបញ្ចាំងពីកេរ្តិ៍ដំណែលនៃឧត្តមភាពរបស់ Peugeot ។

4. តម្លៃ ៖ គុណភាព គុណតម្លៃ លើសពីតម្លៃដែលអ្នកបានឃើញ

នៅពេលដែលវាមកដល់អ្វីដែលអ្នកទទួលបានសម្រាប់ប្រាក់របស់អ្នក:

• Vespa Sprint Tech 150 តម្លៃខ្ពស់បំផុតចាប់ពីជាង $5,xxx ។ វា​ជា​ម៉ាក​យីហោ​លំដាប់​ខ្ពស់​ដែល​មាន​លក្ខណៈ​ពិសេស​សម្បូរ​បែប​ ហើយបច្ចេកវិទ្យាទំនើប និង​កិត្យានុភាព​ខ្ពស់។

• Lambretta V200 Special ស្ថិតក្នុងកម្រិតមធ្យម តម្លៃចាប់ពី $4,xxx+ ផ្តល់នូវការបញ្ចូលគ្នានៃការរចនាដ៏រឹងមាំ និងដំណើរការម៉ាស៊ីនដ៏ខ្លាំងក្លា។

• Peugeot Django 150 គឺជាម៉ូតូស្កូតឺដែលមានតម្លៃសមរម្យបំផុតក្នុងចំណោមម៉ូតូស្កូតឺទាំងបី ដែលមានតម្លៃចាប់ពី $3,xxx ប៉ុន្តែផ្តល់ជូននូវទំហំផ្ទុកដ៏ប្រសើរ ដំណើរការប្រកបដោយតុល្យភាព និងជម្រើសរចនាប័ទ្មចម្រុះ ជាមួយនឹងយីហោ Peugeot ដ៏ល្បីល្បាញ។

សម្រាប់អ្នកដែលចង់បានការរចនាពិសេស ទាំងលើមុខងារ និងសេវាកម្ម ដែលអាចទុកចិត្តបាន និងមានតម្លៃសមរម្យ - Django នាំមុខជាមួយនឹងតម្លៃដែលមិនអាចកាត់ថ្លៃបាន។

5. សរុបសេចក្ដី៖ តើម៉ូតូស្កូតឺមួយណាសមនឹងស្ទីលរបស់អ្នក?

ដូច្នេះមកដឹងពីរភងព្រេងនៅពីក្រោយម៉ូតូស្កូតឺនីមួយៗ៖

• Vespa គឺសម្រាប់អ្នកដែលឱ្យតម្លៃប្រណីតភាពបែបអ៊ីតាលីបុរាណ និងរបៀបរស់តាមសម័យកាល។

• Lambretta សម្រាប់អ្នករស់នៅក្នុងទីក្រុង ដែលមើលទៅចូលចិត្តភាពអង់អាច និងអ្នកចូលចិត្តបង្ហាញបុគ្គលិកលក្ខណៈជាខ្លួនឯង។

• Peugeot Django  សម្រាប់អ្នកដែលចង់បានកាន់តែច្រើន—ទំហំកាន់តែធំ ភាពបន់បែនកាន់តែច្រើន គុណតម្លៃកាន់តែច្រើន និងរសនិយមបែបបារាំងដ៏ពិសេសមួយដែលបានចាក់ឫសក្នុងមរតករយៈពេល 125 ឆ្នាំ។

សរុបសេចក្ដីមក វាគឺជាជម្រើសរបស់អ្នក ប៉ុន្តែប្រសិនបើអ្នកកំពុងស្វែងរកការជិះដែលដូចមហិច្ឆតារបស់អ្នក ទាន់សម័យដូចជាបុគ្គលិកលក្ខណៈរបស់អ្នក និងពិតប្រាកដដូចជីវិតប្រចាំថ្ងៃរបស់អ្នក — Peugeot Django គឺស័ក្កិសម និងអាចបត់បែនបានគ្រប់ទម្រង់ទាំងអស់៕

អត្ថបទពាណិជកម្ម