ថ្មីៗនេះ រថយន្ដស្ព័រកូនកាត់ Toyota/Lexus ត្រូវបានគេប្រទះឃើញធ្វើតេស្ដសាកល្បងនៅក្នុងទីលានរត់ Circuit de Spa-Francorchamps នៅ ប៉េលហ្សីក កាលពីដើមខែនេះ ត្រៀមប្រជែងនឹងដៃគូប្រកួតស្វិតស្វាញរបស់ខ្លួនដូចជា Aston Martin និង Mercedes ក្នុងសង្វៀនប្រណាំងរថយន្ដ ២៤ម៉ោង Daytona ឆ្នាំ ២០២៦ ខាងមុខនេះ។
តាមការឲ្យដឹងពី Carscoops ថា បើសង្កេតមើលទៅតាមទម្រង់រូបរាងរបស់វា គេសន្និដ្ឋានថា ការរចនារថយន្ដស្ព័រកូនកាត់ មួយនេះ ត្រូវធ្វើឡើងបំបែកជាគម្រូពី Toyota GR GT3 2022 ដែលនឹងក្លាយជាតួជំនួសឲ្យ Lexus RC F GT3 ដែលជាឡានស្ព័រមុន។
សម្រាប់ spec របស់វា ក្រុមហ៊ុនមិនទាន់បានឲ្យដឹងច្បាស់នៅឡើយទេ តែយោងតាមសមត្ថភាពពេលវាធ្វើតេស្ដ វាអាចភ្ជាប់ជាមួយនឹងម៉ាស៊ីន twin-turbocharged V8 មួយវិញទៀត ដើម្បីឲ្យកូនកាត់ Toyota/Lexus GR GT3 2026 នេះ មានសមត្ថភាពគ្រប់គ្រាន់ក្នុងការប្រកួតប្រជែងជាមួយនឹងរថយន្ដដូចជា Aston Martin Vantage 2025 និង Mercedes-AMG GT 63 E Performance គឺវាគួរតែអាចផលិតកម្លាំងឲ្យបានចន្លោះពី ៦៥០ សេះទៅ ៨០៥ សេះ (ឬលើស)នេះ។
សម្រាប់រូបរាងខាងក្រៅរបស់វា ថ្វីត្បិតតែត្រូវបានស្រោបជិត តែអាចមើលឃើញពីទ្រង់ទ្រាយច្បាស់មួយចំនួន ដូចជា អំពូលភ្លើងមុខបែប (agressive) LED headlight សមនឹងឡានស្ព័រ, បាណាមុខធំ (អត្ថសញ្ញាណ lexus), ផ្នែកក្រោយរាងសិចស៊ី, មាន sharp lip spoiler និង អំពូលក្រោយបញ្ជាំងភ្លើងច្បាស់ល្អ ជាដើម រីឯផ្នែកខាងក្នុង Lexus អាចនឹងរចនាយកគម្រូតាមកាប៊ីនរបស់ម៉ូដែល LC។
គួរបញ្ជាក់ថា Toyota/Lexus GR GT3 នេះនឹងបង្ហាញមុខជាផ្លូវការនៅក្នុងកម្មវិធីប្រកួតប្រណាំងរថយន្ដ ២៤ម៉ោង Daytona ឆ្នាំ ២០២៦ ខាងមុខនេះ ហើយបើតាមការឲ្យដឹងពី Autocar ថា ប្រភេទសម្រាប់ជិះលើដងផ្លូវធម្មតាក៏នឹងអាចចេញ ក្នុងឆ្នាំ ២០២៦ ជាមួយគ្នានេះដែរ។
អត្ថបទ៖ Andra
ប្រភព៖ Carscoops
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
Subaru Impreza 2025 តម្លៃខ្ទង់ 2ម៉ឺនដុល្លារជាង Subaru ឆ្លៀតប្រាប់ថា មិនមែនឲ្យតែឡានថ្មីហើយស្អាត សុទ្ធតែថ្លៃទាំងអស់នោះទេ
The new Hyundai TUCSON ឆ្នាំ២០២៥ បានបង្ហាញរូបរាងជាលើកដំបូងនៅព្រះរាជាណាចក្រកម្ពុជា
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត