បន្ទាប់ពីបង្ហាញខ្លួនអង្រួនកម្មវិធី តាំងពិពរណ៌រថយន្ដ Los Angeles Auto Show ឆ្នាំ ២០២២​ ថ្មីៗនេះ មានការលេចឮដំំណឹងមកថា Hyundai នឹងនាំយករថយន្ដប្រើអ៊ីដ្រូសែន-អគ្គិសនីរបស់ខ្លួន ដែលស្ថិតនៅជា concept ជាង ២ ឆ្នាំ មកក្នុងទីផ្សារមែនទែនហើយនៅរង្វង់ឆ្នាំ ២០២៦ នេះ។ 

Concept រថយន្ដនេះ មានឈ្មោះថា Hyundai N Vision 74 ឬហៅកាត់ថា N74 ត្រូវបានយកស្ដាយរចនាតាមគម្រូរថយន្ដ Hyundai Pony Coupe ឆ្នាំ ១៩៧៤ ពីអ្នក design រថយន្ដល្បីឈ្មោះ លោក Giorgetto Giugiaro គ្រាន់តែលើម៉ូដែលថ្មីនេះ ត្រូវបានកែលម្អ ជាបែប ស្ព័រ និង កាត់ម៉ូដសម័យទំនើប ជាពិសេស គឺមិនដំណើរការដោយម៉ាស៊ីនសាំង ឬ ថ្មអគ្គិសនី ធម្មតានោះទេ តែប្រើប្រាស់ប្រព័ន្ធ Hybrid អគ្គិសនី និង អ៊ីដ្រូសែន។ 

តាមការឲ្យដឹងពី Carscoops ថា​ N Vision 74 មានធុងអ៊ីដ្រូសែនចំណុះ ៤.២ គក ដែលអាចបំពេញបានឡើងវិញប្រើពេល ៥ នាទី ហើយ អ៊ីដ្រូសែន អាចដុតចំហេះម៉ាស៊ីនចំហេះក្នុងបាន ជាមួយនឹងថាមពល ៨៥kW និងសាកថ្មថាមពល ៦២kWh របស់រថយន្ដ ជាមួយនឹង e-GMP Platform។ ថ្មនេះក៏អាចបញ្ជូលថាមពលធម្មតាតាម DC Charger ៨០០V technology របស់ Hyundai ផងដែរ។ 

ជាមួយគ្នានេះ វាមានម៉ូទ័រអគ្គិសនី ដំណើរការ ដាច់ដោយឡែកលើកង់ក្រោយនីមួយៗ ដែលអាចផលិតថាមពលសរុប បាន ៥០០kW និងកម្លាំងបានជិត ៦៧១ សេះ បន្ថែមពីលើកម្លាំងម៉ាស៊ីន ដែលគេរំពឹងថាអាចឡើងដល់ ៧៦៥ សេះពេលវាផលិតមែនទែន និងអាចរត់បានធចម្ងាយ ៥៩៨ គម និងជាន់បានល្បឿនអតិបរមា ២៥០គម/ម៉។

តាមការឲ្យដឹងពី Motor 1 ថា Hyundai គ្រោងផលិត N74 នេះ តែ ២០០ គ្រឿងប៉ុណ្ណោះ ក្នុងរយៈពេល ២ ឆ្នាំពី ២០២៦ ទៅ ២០២៨ ដោយ prototype របស់វានឹងត្រូវផលិត និងធ្វើតេស្ដសាកល្បងសមត្ថភាព ក្នុងរង្វង់ខែ សីហានេះ។ ចំណែកឯតម្លៃវិញ ក៏រាងខ្ពស់បន្ដិចដែរ គឺខ្ទង់ ៣៦៦ ០០០ ដុល្លារទៅ។

អត្ថបទ៖ Andra 

ប្រភព៖ Motor 1

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!