Stargazer ជាប្រភេទឡាន MPV ៧កៅអីរបស់ Hyundai ជាមួយភាពទំនើបដ៏សម្បូរបែប រូបរាងការឌីស្សាញមើលទៅទាន់សម័យ ប្លែកភ្នែក ហើយអ្វីដែលគួរឲ្យចាប់អារម្មណ៌នោះគឺ Hyundai បានធ្វើការបញ្ចុះតម្លៃពិសេសមកត្រឹម ២,៩៩៩០ដុល្លារប៉ុណ្ណោះ ខណៈចេញដំបូង ៣៦,០០០ដុល្លារឯណោះ។ 

បើក្រឡេកមើលពីផ្នែកខាងមុខវិញ MPV មួយនេះបំពាក់ចង្កៀងប្រភេទ Full LED ក្រៅពីមុខងារបិទបើកអូតូ វាមានប្រពន្ធ Auto High Beam ចេះតម្លើងទម្លាក់ហ្វាកូតដោយស្វ័យប្រវត្តិពេលមានឡានមកខាងមុខ ចំណែកស្ដុបក្រោយក៏ប្រើជា Full LED ដែរ។ 

Stargazer មានប្រវែងតួរខ្លួនសរុប ៤៤៦០ម.ម ទទឹង ១៧៨០ម.ម កម្ពស់ ១៦៩០ម.ម ពីដីមកបាត ១៨៥ម.ម ជាមួយទម្ងន់ ១.២តោន។

ជាប្រភេទ MPV បំពាក់កៅអីស្បែក ៣ជួរ ឬ៧កៅអី អាចជិះបាន ៧នាក់ទូលាយល្មម នឹងសល់ផ្នែកខាងក្រោយអាចដាក់ឥវ៉ាន់បានមួយចំនួនទៀត។

ក្រៅពីនឹងក៏មានប្រព័ន្ធ Smart Key ជាមួយមុខងារបញ្ជាឆេះពីចម្ងាយ កុងទ័រឌីជិថលអាចសារ៉េ Mode បាន៤របៀប អេក្រង់កណ្ដាល ៨អ៉ីងភ្ជាប់ Apple Carplay & Android Auto ប្រភេទ Wireless មានការម៉េរាក្រោយជំនួយដោយ សេនស័រចូលចត កញ្ចក់ក្ដោបអូតូ Speaker ប្រភេទ Bose Premium ពោងសុវត្ថិភាព ៦គ្រាប់ Wireless Charge សាក់ថ្មទូរសព្ទ័ឥខ្សែ ផ្នែកជាច្រើនស្រោបដោយស្បែក រំលេចដោយភ្លើង Ambient lighting នឹងកន្លែងដាក់អីវ៉ានក៏ដូចជាដបទឹកជិត២០កន្លែងឯណោះ។ 

បើនិយាយពីភាពទំនើបក៏ដូចជាប្រព័ន្ធសុវត្ថិភាពជំនួយពេលបើកបរវិញ ទំនើបមិនធម្មតាឡើយ ខណៈដែលរថយន្ដថ្មី MPV តម្លៃប្រហាក់ប្រហែលគ្នាមិនទាន់មានផងដូចជា៖

១/ មុខងារផ្ដល់សញ្ញាពេលវ៉ាជែង និងជួយទាញចង្កូតពេលឡានប្ដូរគន្លងប្រសិនមានឧបសគ្គ Blind Spot Collision Avoidance Assist ។

២/ ប្រព័ន្ធរក្សាឡានមិនឲ្យបើកបរចាក់គន្លងផ្លូវ Lane Keeping Assist ។

៣/ ប្រព័ន្ធផ្ដល់សញ្ញាពេលមានឧបសគ្គនៅខាងក្រោយ Distant Warning ។

៤/ ប្រព័ន្ធផ្ដល់សញ្ញាពេលបើកទ្វារឡាន ហើយមានឧបសគ្គមកពីខាងក្រោយ ជាមួយមុខងារសុវត្ថិភាពសំខាន់ៗមួយចំនួនទៀតផងដែរ។

ទំនើបប៉ុណ្ណឹង ចុះកម្លាំង នឹងភាពសន្សំសំចៃវិញយ៉ាងមិចដែរ? ជាក់ស្ដែង Stargazer ប្រើម៉ាស៊ីនសាំងជំនាន់ថ្មីទំហំ ៤ស៊ីឡាំង ១.៥លីត្រ ផលិតកម្លាំងបាន ១១៥សេះ កម្លាំងរមួល ១៤៤ញូតុនម៉ែត្រ បង្វិកង់ដោយប៉ុង១ FWD។

ប្រើយាន់កង់ទំហំ ១៧អ៉ីង Alloy Wheel រត់ដោយប្រអប់លេខប្រភេទ IVT មានជំនួយដោយ Drive Mode ដូចជា៖ Eco, Normal, Sport, Smart Mode ជាមួយកម្រិតស៊ីសាំងចន្លោះពី ៦លីត្រ ទៅ ៧លីត្រក្នុង១០០គីឡូម៉ែត្រ អាចនិយាយបានថាសន្សំសំចៃគ្រាន់បើ។

សម្រាប់បងប្អូនវិញយល់យ៉ាងណាដែរចំពោះ Hyundia Stargazer ប្រភេទ MPV ៧កៅអីតម្លៃក្បែរ ៣ម៉ឺនដុល្លារមួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែមអាចចែករំលែកបាន៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!