ក្រុមហ៊ុនផលិតឡានល្បីរបស់កូរ៉េខាងត្បូង Hyundai អង្រួនកម្មវិធី តាំងពិពរណ៌រថយន្ដ Los Angeles Auto show កាលពីពេលថ្មីៗនេះ ជាមួយ concept រថយន្ដថ្មី រូបរាងប្លែក ពិសេស មិនមែនអគ្គិសនីធម្មតា ដូចឡានដទៃទេ តែប្រើប្រាស់ប្រព័ន្ធ Hybrid អ៊ីដ្រូសែន-អគ្គិសនី បំណងជាការត្រួសត្រាយផ្លូវ សម្រាប់រថយន្ដម៉ូដែលបន្ដបន្ទាប់ទៀតរបស់ខ្លួន។ 

Concept រថយន្ដថ្មីនេះ មានឈ្មោះថា Hyundai N Vision 74 ត្រូវបានយកស្ដាយរចនាតាមគម្រូរថយន្ដ Hyundai Pony Coupe ឆ្នាំ ១៩៧៤ ពីអ្នក design រថយន្ដល្បីឈ្មោះ លោក Giorgetto Giugiaro គ្រាន់តែលើម៉ូដែលថ្មីនេះ ត្រូវបានកែលម្អ ជាបែប ស្ព័រ និង កាត់ម៉ូដសម័យទំនើប ជាពិសេស គឺមិនដំណើរការដោយម៉ាស៊ីនសាំង ឬ ថ្មអគ្គិសនី ធម្មតានោះទេ តែប្រើប្រាស់ប្រព័ន្ធ Hybrid អគ្គិសនី និង អ៊ីដ្រូសែន។ 

តាមការចុះផ្សាយពី Carscoops បានឲ្យដឹងថា​ Hyundai N Vision 74 មានធុងអ៊ីដ្រូសែនចំណុះ ៤.២ គក ដែលអាចបំពេញបានឡើងវិញប្រើពេល ៥ នាទី ហើយ អ៊ីដ្រូសែន អាចដុតចំហេះម៉ាស៊ីនចំហេះក្នុងបាន ជាមួយនឹងថាមពល ៨៥kW (ប្រហែល ១១៣សេះ) និងសាកអាគុយថាមពល ៦២kWh របស់រថយន្ដ ជាមួយនឹង e-GMP Platform អាគុយក៏អាចបញ្ជូលថាមពលធម្មតាតាម DC Charger ៨០០V technology របស់ Hyundai ផងដែរ

ជាមួយគ្នានេះ វាមានម៉ូទ័រអគ្គិសនី ដំណើរការ ដាច់ដោយឡែកលើកង់ក្រោយនីមួយៗ ដែលអាចផលិតថាមពលសរុប បាន ៥០០kW និងកម្លាំងបានជិត ៦៧០ សេះ បន្ថែមពីលើកម្លាំងម៉ាស៊ីន ព្រមទាំងអាចវាអាចរត់បានធចម្ងាយ ៥៩៨ គម និងជាន់បានល្បឿនអតិបរមា ២៥០គម/ម៉។

តាមសម្ដីលោក Sang Yup Lee ប្រធានមជ្ឍមណ្ឌល Design (Hyundai Global Design Center) និងអនុប្រធានប្រតិបត្តិ ប្រចាំក្រុមហ៊ុន Hyundai Motor Company បានមានប្រសាសន៍ថា៖ 

Concept រថយន្ដ Hyundai N Vision 74 នេះ ត្រូវបានធ្វើឡើងដោយប្រើប្រាស់ Hyundai DNA ស្ដង់ដារ ដែលនឹងដើរតួជាគម្រូការរចនា និង អភិវឌ្ឍទៅរថយន្ដ Hyundai សេរីថ្មីៗ តទៀតនៅថ្ងៃអនាគត។

អត្ថបទ៖ Andra