ក្រោយពីក្លាយជាក្រុមហ៊ុនផលិតរថយន្ដឈានមុខគេលំដាប់ថ្នាក់ទី ៣ បន្ទាប់ពីក្រុមហ៊ុនយក្ស Volkswagen និង Toyota ក្រុមហ៊ុនផលិតរថយន្ដល្បីឈ្មោះរបស់កូរ៉េខាងត្បូង Hyundai បានផ្ដោតលើការ ផ្សព្វផ្សាយលក់ឡានអគ្គិសនីរបស់ខ្លួនទ្វេដង ទៅកាន់ទីផ្សារគ្រប់ច្រកល្ហក់ ដោយថ្មីៗនេះ រថយន្ដអគ្គិសនីបច្ចេកវិទ្យាខ្ពស់របស់ខ្លួន Hyundai ioniq 6 បានបោះជំហានមកដល់ទីផ្សារអាស៊ាន ជាមួយសមត្ថភាព សាកមួយពេញជិះបានលើស ៦១៥ គម​។

តាមការចុះផ្សាយពី MalayMail.com បានឲ្យដឹងថា ក្រុមហ៊ុន Hyundai Malaysia (Hyundai Sime Darby Motors) ធ្លាប់បាននាំយករថយន្ដអគ្គិសនីដូចជា Kona និង Ioniq 5 មកម្ដងហើយ ដោយលើកនេះនឹងស្វាគមន៍ Ioniq 6 វិញម្ដង ក្នុងពេលឆាប់ៗខាងមុខនេះ ជាមួយនឹងការរចនា sleek ជាងមុន និងស្ព័រ ទាន់សម័យជាងមុន។​

Hyundai ioniq 6 ត្រូវបានរចនារូបរាងលក្ខណៈ Aerodynamics ដែលមើលទៅស្រដៀងនឹង 911 របស់ Porsche ប្រភេទ coupe ទ្វារ ៤​ និងបែបបទទាន់សម័យជាងមុន ជាមួយ pixel​ design លើ daytime running light ចង្កៀងមុខ , ចង្កៀងក្រោយអូសមួយល្វែងពេញ ជាដើម។ 

Ioniq 6 ប្រើប្រាស់ Hyundai/Kia e-GMP platform មាន ៣ trim model ដូចជា SE, SEL, និង Limited ដែលមានជម្រើសប៉ុង​ ១ (real-wheel drive single motor) ផលិតកម្លាំងបាន ២២៥ សេះ និងប៉ុង ២ (All-wheel-drive dual motor) កម្លាំង ៣២០ សេះ ជាន់ស្ទុះពី 0 ទៅ 100 km/h ប្រើពេល ៥វិនាទី និងល្បឿនអតិបរមា 185 km/h។ 

ខាងក្នុង មានអេក្រង់ Digital ២ ទំហំ ១២.៣ អិង អាចភ្ជាប់ Apple CarPlay និង Android Auto បាន និងប្រព័ន្ធជំនួយការបើកបរពិសេសដូចជា automated emergency braking, standard lane departure warning, adaptive cruise control ជាដើម។

សម្រាប់តម្លៃ ក្នុងទីផ្សារមាឡ៉េស៊ីអាចចល្លោះពី ៤៧២០០ ដុល្លារឡើងទៅ ៦១៤០០ ដុល្លារ។  

អត្ថបទ៖ Andra