ថ្មីៗ ក្រុមហ៊ុនរថយន្ដល្បីពីកូរ៉េខាងត្បូង Hyundai បានបង្ហាញមុខរថយន្ដអគ្គិសនីតូចម៉ូដែលថ្មី ជាមួយរូបរាងគួរឲ្យស្រឡាញ់ សម្រាប់អតិថិជនប្រើប្រាស់ក្នុងក្រុង និងត្រៀមបង្ហាញខ្លួនជាផ្លូវការនៅក្នុងកម្មវិធី Busan International Mobility Show នៅ Busan ប្រទេសកូរ៉េខាងត្បូង ចុងខែមិថុនានេះ។  

រថយន្ដអគ្គិសនីតូចច្រឡឹងមួយនេះមានឈ្មោះពីរដែលថា​ Hyundai Inster ដែលចេញមកពីពាក្យ “intimate” ណិង “innovative” ជាប្រភេទ subcompact EV ដែលតាមការអះអាងពីក្រុមហ៊ុនថា Inster អាចរត់បានចម្ងាយ ៣១៥ ទៅ ៣៥៥គម រាល់ពេលសាកពេញម្ដង ដោយប្រើថ្មប្រភេទ លីចូមអ៊ីយ៉ុងផូស្វាត (lithium iron phospate) ថាមពល ៤៨.៦kWh។ 

វាត្រូវបានរចនារូបរាង យកគម្រូតាម​ Hyundai Casper SUV ប្រើសាំងនៅកូរ៉េ បែបជា “Bulldog” design ជាមួយនឹងចង្កៀងមូលៗ ដែលមើលទៅឆ្នាស់ឆ្នើមតែគួរឲ្យស្រឡាញ់ ជាពិសេស ដោយសារតែវាជាឡានអគ្គិសនីម៉ូដែលថ្មី វាអាចនឹងប្រើប្រាស់ theme បែប Degital Pixel ពីគ្រួសារ Ioniq ដែរ។ 

ថ្វីត្បិតតែូបរាងតូច តែផ្នែកខាងក្នុងរបស់វាត្រូវបានរចនាឲ្យមានលក្ខណៈទូលាយ ផាសុខភាពសម្រាប់អ្នកជិះ មានបំពាក់កុងទ័រ digital ជាមួយប្រព័ន្ធបច្ចេកវិទ្យា និងមុខងារបញ្ជា​ទំនើបជាង Casper ដែលប្រើប្រាស់ប្រព័ន្ធ Software របស់ Hyundai ដែលបំពាក់លើ Kona ជំនាន់ទី ១ ដោយគេរំពឹងថា Inster នឹងត្រូវបំពាក់ជាមួយប្រព័ន្ធ software “ccNC” ជំនាន់ថ្មីរបស់ Hyundai។

Hyundai បានឲ្យដឹងដែរថា Inster នឹងចាប់ផ្ដើមការផលិតនៅរង្វង់ខែ កក្កដា ឆ្នាំនេះ មានវត្តមាននៅទីផ្សារអឺរ៉ុបដំបូងគេនៅរង្វង់ចុងឆ្នាំ ២០២៤ នេះ ជាមួយនឹងតម្លៃទាបជាង ២២០០០ ដុល្លារ ហើយនិងចេញក្នុងទីផ្សារកំណើត (កូរ៉េខាងត្បូង) ជាមួយនឹងឈ្មោះ Casper Electric នៅកំឡុងពេលដំណាលគ្នានេះ ព្រមទាំងមានគម្រោងនាំចេញទៅកាន់ទីផ្សររថយន្ដអគ្គិសនីច្រើនជាង ៥០ ប្រទេសបន្ថែមទៀត ព្រមទាំងមាន version ចង្កូតស្ដាំទៅកាន់ប្រទេសដែលបើកបរប្រកាន់ឆ្វេងដូចជា ទីផ្សារជប៉ុនជាដើម។ 

អត្ថបទ៖ Andra 

ប្រភព៖ Electrive 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!