Stargazer ជាឡានចំណូលថ្មីស្រឡាង របស់ Hyundai ដែលមានវត្តមាននៅស្រុកខ្មែរ ក្នុងឆ្នាំ២០២៣ កំពុងទទួលការចាប់អារម្មណ៍ខ្លាំង សម្រាប់បងប្អូនដែលមានតម្រូវការរថយន្ដ MPV កៅអី ៣ជួរ ឬ ៧កៅអី។
ក្រៅពីរូបរាងប្លែក ស្រដៀងទៅនឹងបងធំ Staria តែរាងតូចជាងបន្ដិច ជាមួយ ប្រវែងតួរខ្លួនសរុប ៤៤៦០ម.ម ទទឹង ១៧៨០ម.ម កម្ពស់ ១៦៩០ម.ម ពីដីមកបាត ១៨៥ម.ម ជាមួយទម្ងន់ ១.២តោន។
ផ្នែកខាងមុខប្រើចង្កៀងប្រភេទ Full LED ក្រៅពីមុខងារបិទបើកអូតូ វាមានប្រពន្ធ Auto High Beam ចេះតម្លើងទម្លាក់ហ្វាកូតដោយស្វ័យប្រវត្តិពេលមានឡានមកខាងមុខ ចំណែកស្ដុបក្រោយក៏ប្រើជា Full LED ដែរ។
តម្លៃ ៣ម៉ឺនជាងមែន ប៉ុន្ដែដូចជាមិនសាមញ្ញពេកទេ ផ្នែកខាងក្នុងជាច្រើនស្រោបដោយស្បែក ជាមួយកៅអី ៣ជួរ អាចជិះបាន ៧ ទៅ ៨នាក់ នឹងសល់ឃ្លុបក្រោយ អាចដាក់អីវ៉ានបានគួរសមទៀត។
Stargazer បំពាក់បន្ថែមកុងទ័រឌីជិថល អាចប្ដូរបាន ៤របៀប និងមានមុខងារវាស់សម្ពាធកង់ ហើយក៏បំពាក់ភ្លើង beam ផងដែរ។
ក្រៅពីនឹងក៏មានប្រព័ន្ធ Smart Key ជាមួយមុខងារបញ្ជាឆេះពីចម្ងាយ អេក្រង់កណ្ដាល ៨អ៉ីងភ្ជាប់ Apple Carplay & Android Auto ប្រភេទ Wireless មានការម៉េរាក្រោយជំនួយដោយ សេនស័រចូលចត កញ្ចក់ក្ដោបអូតូ Speaker ប្រភេទ Bose Premium ពោងសុវត្ថិភាព ៦គ្រាប់ មុខងារសាក់ថ្មទូរសព្ទ័ឥខ្សែ ហើយផ្ទៃខាងក្នុងក៏មានកន្លែងដាក់អីវ៉ានក៏ដូចជាដបទឹកជិត២០កន្លែងឯណោះ។
សម្រាប់រថយន្ដ MPV តម្លៃ ៣ម៉ឺនដុល្លារជាង បើនិយាយពីប្រព័ន្ធសុវត្ថិភាពចំពោះ Stargazer វិញត្រូវបាន Hyundai ដាក់មកមួយឈុតតែម្ដង ដែលរួមមាន៖
១/ មុខងារផ្ដល់សញ្ញាពេលវ៉ាជែង និងជួយទាញចង្កូតពេលឡានប្ដូរគន្លងប្រសិនមានឧបសគ្គ Blind Spot Collision Avoidance Assist ។
២/ ប្រព័ន្ធរក្សាឡានមិនឲ្យបើកបរចាក់គន្លងផ្លូវ Lane Keeping Assist ។
៣/ ប្រព័ន្ធផ្ដល់សញ្ញាពេលមានឧបសគ្គនៅខាងក្រោយ Distant Warning ។
៤/ ប្រព័ន្ធផ្ដល់សញ្ញាពេលបើកទ្វារឡាន ហើយមានឧបសគ្គមកពីខាងក្រោយ ជាមួយមុខងារសុវត្ថិភាពសំខាន់ៗមួយចំនួនទៀតផងដែរ។
គួរបញ្ជាក់ដែរថា៖ Stargazer ម៉ាស៊ីនសាំងជំនាន់ថ្មីទំហំ ៤ស៊ីឡាំង ចំណុះ ១.៥លីត្រ ផលិតកម្លាំងបាន ១១៥សេះ កម្លាំងរមួល ១៤៤ញូតុនម៉ែត្រ បង្វិកង់ដោយប៉ុង១ បំពាក់យាន់កង់ទំហំ ១៧អ៉ីង រត់ដោយប្រអប់លេខប្រភេទ IVT។
មានជំនួយដោយ Drive Mode ដូចជា៖ Eco, Normal, Sport, Smart Mode ជាដើមជាមួយកម្រិតស៊ីសាំងចន្លោះពី ៦លីត្រ ទៅ ៧លីត្រក្នុង១០០គីឡូម៉ែត្រ សន្សំសំចៃគ្រាន់បើ។
ចំពោះតម្លៃវិញហាក់ធូរថ្លៃគ្រាន់បើ បច្ចុប្បន្នខាងក្រុមហ៊ុនបញ្ចុះតម្លៃពិសេសមកត្រឹម ៣១,០០០ដុល្លារប៉ុណ្ណោះ ខណៈចេញដំបូង ៣៦,០០០ដុល្លារ។
សម្រាប់បងប្អូនវិញយល់យ៉ាងណាដែរចំពោះ មាន់ថ្មីពីកូរ៉េ Hyundai Stargazer MPV ៧កៅអីមួយនេះ? សម្រាប់មតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន។
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Nissan Sentra 2025 ចេញលក់នៅទីផ្សារអាមេរិក ក្នុងតម្លៃខ្ទង់ 2ម៉ឺនដុល្លារជាងប៉ុណ្ណោះ
Hyundai Elantra 2025 តម្លៃត្រឹម 2ម៉ឺនដុល្លារស្ដើង កំពុងស្ថិតក្នុងប្រភេទឡានថ្មី ដែលមានតម្លៃធូរ
រោងចក្រដំឡើងរថយន្ត Ford ទទួលបានវិញ្ញាបនបត្រស្តង់ដារអន្តរជាតិកម្រិត ISO 9001:2015 និង ISO 14001:2015 ដំបូងគេបង្អស់នៅប្រទេសកម្ពុជា!
ក្រុមហ៊ុន 𝐑𝐌𝐀 𝐂𝐚𝐦𝐛𝐨𝐝𝐢𝐚 បានសម្ពោធរថយន្តអគ្គិសនី𝐂𝐇𝐀𝐍𝐆𝐀𝐍ពីរម៉ូដែលគឺ𝐃𝐄𝐄𝐏𝐀𝐋 𝐋𝟎𝟕 និង 𝐒𝟎𝟕បានដោយជោគជ័យ
កត្តាអ្វីដែលធ្វើអោយរថយន្ត MG RX5 ជាជម្រើសដ៏ល្អសម្រាប់ការធ្វើដំណើរនារដូវភ្លៀង?
ក្រុមហ៊ុនតាន់ចុង ម៉ូធ័រ ខេមបូឌា កម្មវិធីសម្ពោធ រថយន្តនីសាន់ ណាវ៉ារ៉ាស៊េរីថ្មី (THE NEW NISSAN NAVARA)
Hyundai បោះលុយ ២៨ លានដុល្លារ ធ្វើរោងចក្រផ្គុំ និងដំឡើងរថយន្ដនៅថៃ គ្រោងដំណើរការឆ្នាំ ២០២៦ នេះ