ថ្មីៗនេះ ស្ថាប័នសុវត្ថិភាពផ្លូវថ្នល់អាមេរិក (Insurance Institute for Highway Safety: IIHS) ទើបតែបានប្រកាសជ័យលាភីរថយន្ដបែប Passenger car ឬឡានអ្នកដំណើរធម្មតា ដែលទទួលបានចំណាត់ថ្នាក់ល្អជាងគេលើសុវត្ថិភាពប្រចាំឆ្នាំ ២០២៤ (Top Safety Pick Award 2024) ដោយស្ដង់ដារសុវត្ថិភាពសម្រាប់ឆ្នាំនេះ ផ្ដោតទៅលើភាពធន់នឹងការប៉ះទង្គិចនៃរថយន្ដទៅលើអ្នកដំណើរផ្នែកខាងក្រោយ និងទៅកាន់អ្នកធ្វើដំណើរថ្មើរជើង។ 

ពានរង្វាន់នេះត្រូវបានបែងចែកជា ២ ដោយមាន Top Safety Pick Award សម្រាប់ពានរង្វាន់លើសុវត្ថិភាពបើកបរពេលថ្ងៃ និង Top Safety Pick+ Award ដែលផ្ដល់ដល់រថយន្ដដែលមានប្រៀបលើការបើកបរពេលយប់។ រីឯចំណាត់ថ្នាក់ត្រូវបានបែងចែកទៅតាមប្រភេទរថយន្ដនីមួយៗ ដូចជា​រថយន្ដខ្នាតតូច (Small cars), ខ្នាតកណ្ដាល (Midsize Cars), ខ្នាតធំ (Large Cars), ប្រណិតខ្នាតកណ្ដាល (Midsize Luxury Cars), ប្រណិតខ្នាតធំ (Large Luxury Cars), SUV ខ្នាតតូច (Small SUVs), SUV ខ្នាតកណ្ដាល (Midsize SUVs), SUV ខ្នាតធំ​ (Large SUVs), និង SUV ប្រណិតខ្នាតកណ្ដាល (Midsize Luxury SUVs)។ 

សម្រាប់ពានរង្វាន់ Top Safety Pick Award ​លើ Small cars បានទៅលើ Hyundai Elantra, Subaru Impreza, និង Toyota Prius Prime; Midsize Cars បានទៅ Subaru Outback, និង Toyota Camry; Large Cars បានទៅ Toyota Crown; Midsize Luxury Cars បានទៅ BMW 5 series និង Mercedes Benz C-Class; Large Luxury Cars បានទៅ Genesis G80 និង Genesis G90; Small SUVs បានទៅ BMW X1, Honda CR-V, Hyundai Ioniq 5, Hyundai Tucson, Kia Sportage, Lexus UX, Lexus RZ, និង Subaru Soltera; Midsize SUVs បានទៅ Honda Pilot, Hyundai Palisade, Jeep Grand Cherokee, Jeep Grand Cherokee L, Mazda CX-90 PHEV, Nissan Ariya, Toyota Highlander, Volkswagen Atlas, និង Volkswagen Atlas Cross Sport; Large SUVs បានទៅ Audi Q7, Audi Q8 e-tron, Audi Sportback e-tron និង Rivian R1S; និង Midsize Luxury SUVs មាន Acura RDX, Audi Q4 e-tron, Audi Sportback e-tron, Genesis Electrified GV70; Genesis GV70, Infiniti QX60, LExus NX, Lexus NX PHEV, Lexus RX, Mercedes Benz GLC, Volvo XC90, និង​ Volvo XC90 recharge។ 

សម្រាប់ពានរង្វាន់ Top Safety Pick+ Award លើ Small cars បានទៅ Acura Integra, Mazda 3 hatchback, Mazda 3 sedan, និង​ Toyota Prius; Midsize Cars បានទៅ Honda Accord និង Hyundai Ioniq 6; Large Cars បានទៅ Genesis Electrified G80; Small SUVs បានទៅ​ Genesis GV60; Midsize SUVs បានទៅ Ford Explorer, Kia Telluride, Mazda CX-90, Nissan Pathfinder និង Subaru Ascent; ចុងក្រោយ Midsize Luxury SUVs បានទៅ Acura MDX, BMW X3, Genesis GV80, Mercedes Benz GLE Class, Tesla Model Y, Honda HR-V, Hyundai Kona, Mazda CX-30, និង Mazda CX50។ 

យោងតាមបញ្ចីនេះបានឲ្យឃើញថា​ រថយន្ដដែលមកពី Hyundai Motor Group នាំមុខគេដោយទទួលបានពានរង្វាន់សរុប ១៦ ដែលមានប្រេនរថយន្ដ ៣ ជាបុត្រសម្ព័ន្ធដូចជា Genesis, Hyundai និង Kia ខណៈ រថយន្ដមកពី Mazda មានប្រៀបលើពានរង្វាន់ Top Safety Pick+។  

គួរបញ្ជាក់ផងដែរថា បញ្ហាបុកប៉ះតែងតែកើតមានឡើងជៀសមិនផុត ពេលធ្វើដំណើរតាមដងផ្លូវ ដូច្នេះហើយសុវត្ថិភាពនៃការបើកបរ និងយានជំនិះផ្ទាល់ គឺជារឿងចម្បងដែលអ្នកធ្វើដំណើរមិនគួរមើលរំលងហេតុនេះហើយ​គ្រប់យានជំនិះ ជាពិសេសរថយន្ដតែងតែមានការធ្វើតេស្ដពីសមត្ថភាពទ្រទ្រង់ការប៉ះទង្គិច ពេលអ្នកបើកបរជួបប្រទះហេតុការណ៍អស់នេះ ដោយចៃដន្យនៅពេលធ្វើដំណើរ។ ហេតុនេះហើយ​បានជា ក្រុមហ៊ុនផលិតរថយន្ដនីមួយៗ បានខិតខំយកចិត្តទុកដាក់ ពង្រឹងសមត្ថភាព និងគុណភាព ភាពធន់នៃរថយន្ដរបស់ខ្លួនលើការប៉ះទង្គិចទាំងនេះ ដើម្បីផ្ដល់សុវត្ថិភាពដល់អតិថិជនរបស់ខ្លួន និងជាការប្រកួតប្រជែងទីផ្សារទល់នឹងក្រុមហ៊ុនផលិតរថយន្ដដែលជាគូរប្រកួតរបស់ខ្លួនផងដែរ។  

អត្ថបទ៖ Andra 

ប្រភព៖ USA Today 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!