ក្រុមហ៊ុន Jeep បន្ទាប់ពីឈប់ផលិតរថយន្ត Gladiator Pickup ប្រើម៉ាស៊ូតកាលពីឆ្នាំមុន ដែលបំពាក់ម៉ាស៊ីន V-6 ចំណុះ 3.6 លីត្រ ដែលបង្កើតកម្លាំងបាន 285 សេះ និងកម្លាំងបង្វិល 260 ផោនហ្វីតមក ពេលនេះគឺមានរបស់ថ្មីមួយជំនួសគឺ Gladiator 4xe PHVE នៅឆ្នាំ 2025 ។

បើយោងតាមនាយកប្រតិបត្តិ Jeep លោក Antonio Filosa ដែលបានបង្ហោះព័ត៌មាននៅលើគណនី LinkedIn របស់គាត់ថា Gladiator 4xe PHEV នឹងចូលរួមជាមួយ Wrangler 4xe និង Grand Cherokee 4xe ដែលជា Plug-In លក់ដាច់បំផុតនៅសហរដ្ឋអាមេរិកកាលពីឆ្នាំមុន សម្រាប់ Gladiator PHEV នឹងចាប់ផ្តើមនៅឆ្នាំ 2025  ។ 

ចំពោះកម្លាំង Performance សម្រាប់ Gladiator Plug-In ស៊េរីឆ្នាំ 2025 វិញទំនងជាបំពាក់ម៉ាស៊ីនដូចគ្នាទៅនឹង Wrangler PHEV ដែរ។ 

នោះគឺជាម៉ាស៊ីន 2.0-liter inline-four ដែលដំណើរការរួមគ្នាជាមួយម៉ាស៊ីន និងម៉ូទ័រអេឡិចត្រិច បង្កើតកម្លាំងបាន 375 hp និង 470 lb-ft ។ ម៉ាស៊ីនតូចមែន តែខ្លាំងជាងម៉ាស៊ីន V-6 ដែលធ្លាប់ប្រើគន្លងមកទៀត ។

បន្ថែមពីនោះម៉ាស៊ីន Wrangler 4xe ប្រភេទ Plug-in hybrid ដែលអាចនឹងប្រើនៅលើ Gladiator សម្រាប់ម៉ូឌែលឆ្នាំ 2025 បំពាក់ជាមួយអាគុយ លីចូម-អ៊ីយ៉ុង ទំហំ 17 គីឡូវ៉ាត់ រាល់ការសាកថ្មមួយពេញអាចជិះបានដោយប្រើថាមពលអគ្គិសនីសុទ្ធចម្ងាយ 22 ម៉ាយ ឬប្រមាណជា 35គីឡូម៉ែត្រ។

ចំពោះព័ត៍មានលម្អិត ក៏ដូចជាកម្លាំង Performenced ភាពទំនើប ជាមួយតម្លៃចេញលក់នៅពេលណានោះ Jeep នៅមិនទាន់បញ្ជាក់ច្បាស់នៅឡើយទេ៕

ដោយ៖ Bunsak 

ប្រភព៖​ MotorTrend

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!