Kia K4 ស្ថិតក្នុងអម្បូររថយន្ដពពួក K Series របស់ Kia ដែលមាន K4, K5, K6 ជាដើម។ K4 ជាឈ្មោះថ្មីដែលចូលមកជំនួសម៉ូឌែលស៊េរីចាស់ Forte ប្រភេទ Sedan ដែល Kia ឈប់ផលិតតទៅទៀតហើយ។ 

បច្ចុប្បន្នចូលដល់ស៊េរីឆ្នាំ២០២៥ នេះ Kia បំលែង K4 ដែលជាចំណូលថ្មី មកជំនួស Forte ជាមួយទម្រង់ឌីស្សាញបែបប្លែកទាក់ភ្នែក ស្លីម Luxury មិនធម្មតាឡើយ។ 

ពេលនេះ K4 កំពុងបង្ហាញខ្លួនកាលពីម្សិលមិញ លើទឹកដីសម្បូរដុល្លារ នៅកម្មវិញ New York Auto Show ដើម្បីបង្អួតសម្រស់របស់ខ្លួន។

ចំពោះកម្លាំង Performance សម្រាប់ម៉ូឌែល  Forte ពីមុន ប្រើជាមួយម៉ាស៊ីនសាំង ៤ស៊ីឡាំង ២.០លីត្រ ផលិតកម្លាំងបាន ១៤៧សេះ កម្លាំងរមួល ១៣២ផោនហ្វីត។ ប៉ុន្ដែ Kia ក៏បានត្រៀមម៉ាស៊ីនថ្មីសម្រាប់ K4 ដែរដែលមាន ទំហំ ៤ស៊ីឡាំង ១.៦លីត្រ ផលិតកម្លាំងបាន ១៩០សេះ កម្លាងរមួល ១៩៥ផោនហ្វីត ។

ចំពោះផ្ទៃខាងក្នុងវិញ Kia រំលេចថា K4 ទទួលបានអេងក្រង់លាតកាត់តាបឡូខាងមុខដល់ទៅ ៣០អ៉ីង ដែលរួមបញ្ចូលគ្នារវៀង កុងទ័រឌីជិថល មើលទៅ Luxury មិនធម្មតាឡើយ។

ទាក់ទង នឹងព័ត៍មានទូទៅ កម្លាំង Performance ភាពទំនើប ក៏ដូចជាតម្លៃចេញលក់ជាផ្លូវការនៅពេលណានោះ Kia មិនទាន់បញ្ចាក់នៅឡើយទេ៕

ដោយ៖ Bunsak 

ប្រភព៖ Motor1

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!