Kia K4 ស្ថិតក្នុងអម្បូររថយន្ដពពួក K Series របស់ Kia ដែលមាន K4, K5, K6 ជាដើម។ K4 ជាឈ្មោះថ្មីដែលចូលមកជំនួសម៉ូឌែលស៊េរីចាស់ Forte ប្រភេទ Sedan ដែល Kia ឈប់ផលិតតទៅទៀតហើយ។ 

បច្ចុប្បន្នចូលដល់ស៊េរីឆ្នាំ2025 នេះ Kia បំលែង K4 ដែលជាចំណូលថ្មី មកជំនួស Forte ជាមួយទម្រង់ឌីស្សាញបែបប្លែកទាក់ភ្នែក ស្លីម Luxury មិនធម្មតាឡើយ។ 

ក្រុមហ៊ុន Kia បាន​ប្រកាស​ពី​តម្លៃ​រថយន្ត​ថោក​បំផុត​ក្នុង​ត្រកូល​របស់​ខ្លួន​គឺ K4 sedan។ Kia K4 ស៊េរីឆ្នាំ 2025 នឹងចាប់ផ្តើមពី 23,145ដុល្លារ ដល់ 29,245ដុល្លារ អមជាមួយ Trim/Option ដូចជា៖ LX, LXS, EX, GTLine នឹង GTLine-Turbo ជាដើម។ សម្រាប់តម្លៃចាប់ផ្ដើងនេះដែរ Kia K4 កំពុងស្ថិតក្នុងចំណោមរថយន្ដដែលមានតម្លៃធូរបំផុតមួយនៅអាមេរិកផងដែរនាពេលបច្ចុប្បន្ននេះ។

សម្រាប់តម្លៃ 2ម៉ឺនដុល្លារស្ដើងនេះដែរ LX, LXS នឹង EX ទទួលបានម៉ាស៊ីនចំណុះ 2.0 លីត្រ 4 ស៊ីឡាំង ដែលមានកម្លាំង 147 សេះ និងកម្លាំងរមួល 132 ផោនហ្វីត រត់ដោយប្រអប់លេខ CVT បង្វិលកង់ដោយប៉ុងមុខ។

ខណៈ Option GT-Line ឡើងទៅមានការរចនាប័ទ្មប្លែកពីពពួក Option ធម្មតាដោយមានការផ្លាស់ប្ដូរផ្នែកខាងមុង រួមជាមួយកង់យ៉ាន់ស្ព័រទំហំ 18 អ៊ីញធំជាងមុន ជាដើម។

ក្រៅពីនោះ ពពួក GT ត្រូវបាន Kia បំពាក់ម៉ាស៊ីន  turbocharged 4-cylinder ចំណុះ 1.6 លីត្រដែលបង្កើតកម្លាំងបានដល់ទៅ 190 សេះ និងកម្លាំងរមួល 195 ផោនហ្វីត ធ្វើឲ្យការបើកបរកាន់តែមានជាតិជាងមុនផងដែរ។ 

គួរបញ្ជាក់ដែរថា៖ Kia K4 គ្រោងនឹងមកដល់ទីផ្សារអាមេរិក ក្នុងខែ កញ្ញា ឆ្នាំ 2024 ខាងមុខនេះ បន្ទាប់មកពពួក GT-Line គ្រោងនឹងមកដល់ក្នុងខែ តុលា ខណៈម៉ូឌែល GT-Line Turbo ទាល់តែដើមឆ្នាំ 2025 ទើបបានជិះ៕

ដោយ៖ Bunsak 

ប្រភព៖ Motor1.Com

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!