Kia K4 2025 ត្រូវបានគេវាយតម្លៃថា ជាឡានថ្មីដែលមានភាពសមរម្យបំផុតមួយរបស់ Kia ស្ថិតក្នុងប្រភេទឡាន Sedan ទ្វា៤ កៅអី ២ជួរ ជាមួយប្រណិតភាព នឹងរូបរាងអំណាចបែបស្ព័រស៊ីវិល័យ បើទោះបីជាកម្លាំង Performance នៅមានកម្រិត ប៉ុន្ដែស័ក្ដិសមបំផុតសម្រាប់តម្លៃខ្ទង់ ២ម៉ឺនដុល្លារជាងបែបនេះ។

Kia K4 ស៊េរីឆ្នាំ 2025 មានតម្លៃចាប់ផ្តើម ២៣,១៤៥ដុល្លារ ដល់ ២៦,៣៤៥ដុល្លារ អមជាមួយ Trim/Option ដូចជា៖ LX, LXS, EX នឹង GT Line ជាដើម។ 
សម្រាប់តម្លៃទីផ្សារនេះដែរ Kia K4 កំពុងស្ថិតក្នុងចំណោមរថយន្ដដែលមានតម្លៃធូរបំផុតមួយនៅអាមេរិកផងដែរនាពេលបច្ចុប្បន្ននេះ។

ចំពោះម៉ាស៊ីន K4 ទទួលបានម៉ាស៊ីន ២.០ លីត្រ ៤ ស៊ីឡាំង ដែលមានកម្លាំង ១៤៧ សេះ និងកម្លាំងរមួល ១៣២ ផោនហ្វីត រត់ដោយប្រអប់លេខ CVT បង្វិលកង់ដោយប៉ុងមុខ FWD ។ ខណៈម៉ាស៊ីនមួយនេះត្រូវបាន Kia ធ្វើការកែសម្រួលបានល្អ ដោយបានតេស្ដល្បឿន ១០០គីឡូម៉ែត្រ/ម៉ោង ហាក់កាត់បន្ថយសម្លេងរំខាន រំញ័របានល្អប្រសើរ បន្ទាប់ពីកែសម្រួលម៉ាស៊ីនឲ្យនៅដាច់ឆ្ងាយពីកាប៊ីន។

បើក្រឡេកមើលពីរូបរាងខាងក្រៅ ជាមួយទម្រង់ឌីស្សាញបែបប្លែកទាក់ភ្នែក ស្លីម Luxury នឹងស្ព័រមិនធម្មតាឡើយ។ 

ផ្ទៃខាងក្នុង Kia K4 2025 បំពាក់កៅពីស្បែក ២ជួរ អាចជិះបាន ៥នាក់ បើជា Trim/Option ខ្ពស់ៗបន្ដិច ឃើញបន្ថែមបរិក្ខាកម្រិតខ្ពស់ថ្មីប្លែកជាមុនដូចជា កៅអីស្បែកអេឡិចត្រនិច Memory Seat មានមុខងារកម្ដៅ នឹងរន្ធខ្យល់ ដំបូលបើកធំទូលាយ អេក្រង់កុងទ័រឌីជិថល ភ្ជាប់ជាមួយអេក្រង់ថាច់ លាយសន្ធឹងផ្ទៃខាងមុខទំហំទាំងពីរនេះដល់ទៅ ១២.៣អ៉ីញ ជាមួយប្រព័ន្ធសំឡេង Harman/Kardon ប្រព័ន្ធ Wireless Charge នឹងមុខងារពិសេសៗជាច្រើនមួយចំនួនទៀតផងដែរ៕

ដោយ៖ Bunsak

ប្រភព៖ Caranddriver

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!