Seltos ជាឡានស៊េរីថ្មីប្រភេទ Crossover SUV មួយម៉ូឌែលរបស់ KIA ផិតដំបូងនៅឆ្នាំ២០១៩ សម្រាប់នាំចូលទៅកាន់ទីផ្សារប្រទេសចិន និងបណ្ដាប្រទេសមួយចំនួនទៀត ដល់ឆ្នាំ២០២០ ទើបបង្ហាញខ្លួនជាផ្លូវការនៅកម្ពុជាយើង។ រហូតដល់ឆ្នាំ២០២៣នេះ Seltos ហាក់ទទួលបានការគាំទ្រគួរសមពីសំណាក់ អតិថិជន ជាឡានថ្មីមានតិចគ្រឿងមែន តែនៅក្នុងក្រុងធ្វើដំណើរតាមដងផ្លូវក៏ប្រទះភ្នែកគួរសមដែរ។

បើយោងតាមប្រភពពី Kia Motors Cambodia ដែលជា Specs សម្រាប់ទីផ្សារស្រុកខ្មែរ Seltos ជាប្រភេទឡានដែលប្រើម៉ាស៊ីនសាំងជំនាន់ថ្មី GT-Lind ១.៦លីត្រ ទំហំ ៤ស៊ីឡាំង (ឡាបកាម ២ DOHC-CVVT) ផលិតកម្លាំងបាន ១៣០សេះ កម្លាំងរមួល ២៦៥ញូតុនម៉ែត្រ រត់ដោយប្រអប់លេខ ៧វគ្គអូតូ បង្វិលកង់ដោយប៉ុង១ FWD មានជំនួយដោយ Drive Mode ដូចជា Normal, Eco និង Spot សម្រាប់បើកបរតាមស្ថានភាពផ្លូវជាដើម។

គួមផ្សំយាន់កង់ទំហំ ១៨អ៉ីង បំពាក់ហ្វ្រាំងឌីសគៀបទាំងមុខាក្រោយជំនួយដោយ ABS ជាមួយនឹង EBD និងប្រព័ន្ធទប់លំនឹងជាច្រើនទៀតផងដែរ។ ចំពោះកម្រិតស៊ីសាំងវិញជាមធ្យម ៧លីត្រ ក្នុង១០០គីឡូម៉ែត្រ។

Seltos មានប្រវែង ៤៣៧០ម.ម ទទឹង ១៨០០ម.ម កម្ពស់១៦១៥ម.ម ពីដីមកបាត ១៧៧ម.ម ទម្ងន់ ១តោនជាងឯណោះ។

ផ្នែកខាងរូបរាងខាងក្រៅរចនាថ្មី បំពាក់ជាមួយសំណាញ់បាណាលាតភ្ជាប់ជាមួយចង្កៀងមុខរំលេខដោយឡូហ្គូ Kia ថ្មីនៅចំពីមុខផងដែរ។ បើនិយាយពីចង្កៀងវិញប្រើ LED ទាំងអស់ មិនថាភ្លើង ពិលកាង Daytime ឬភ្លើងស៊េញូឡើយ ចំណែកស្ដុបក្រោយវិញក៏ប្រើជា LED អមដោយក្រូមបំពុងស៊ីមាំងភ្លោះ ដែលមើលទៅស្អាតប្លែក បែបស្ព័រផងដែរ។

Seltos ជាប្រភេទឡានទ្វា៥ កៅអី ស្បែក២ជួរធំទូលាយគួរសម ដែលអាចជិះគ្នា៥ ទៅ ៦នាក់បាន សម្រាប់ជួរមុខមានជំនួយដោយអេឡិចត្រនិច ជាមួយនឹងរន្ធម៉ាស៊ីនត្រជាក់ក្រោយ និងសល់ឃ្លុបក្រោយដាក់អីវ៉ានបានគួរសម ហើយផ្នែកជាច្រើននៅខាងក្នុងត្រូវបានបំពាក់ និងស្រោបដោយស្បែករំលិចដោយថ្នេរ មើលទៅកាន់តែស្អាតបែប Luxury តែម្ដង។

ចំពោះគ្រឿបច្ចេកវិទ្យា ឬបរិក្ខាតុបតែង Seltos ឆ្នាំ២០២៣ មានភ្ជាប់មកជាមួយ Smart Key មុខងារបញ្ជាឆេះពីចម្ងាយ, ពោងសុវត្ថិភាព ៦គ្រាប់ កញ្ចក់មើលក្រោយកាត់ចំណាំងផ្លាត់, កញ្ចក់សងខាងក្ដោបអូតូ, កៅអីក្ដៅត្រជាក់, មុខងារបញ្ជាលើដៃចង្កូត និងរាងជាអក្សរ D បែបស្ព័រ។

ក្រៅពីនឹងក៏មាន កន្លែងសាក់ថ្មឥតខ្សែ Wireless Charger, អេក្រង់តាបឡូ ៨អ៉ីង ភ្ជាប់ជាមួយ Apple Carplay & Android Auto ជាមួយនឹង កាម៉េរាក្រោយ ជំនួយដោយសេនស័រមុខក្រោយចូលចត ជាដើម។ 

គួរបញ្ជាក់ផងដែរថា៖ Seltos ឆ្នាំ២០២០ ដល់២០២២ ហាក់មិនទាន់មានការបំពាក់បន្ថែមអ្វីឡើយ ចូលដល់ឆ្នាំ២០២៣ ទើបមានការបន្ថែមផ្នែកខ្លះមួយចំនួនដូចជា Wireless Charger ជាដើម។

ចំពោះតម្លៃសម្រាប់ឆ្នាំ២០២០ ដល់២០២២ ស្លាក់លេខដែលមានដាក់លក់នៅលើទីផ្សារចន្លោះពី ៣ម៉ឺនដុល្លារ ទៅ ៣ម៉ឺនដុល្លារជាង។

សម្រាប់ស៊េរីឆ្នាំ២០២៣ ខ្លាញ់គោវិញខាងក្រុបហ៊ុនដាក់លក់កាលចេញដំបូងតម្លៃ ៤៥,៩៩៩ដុល្លារ តែសម្រាប់កញ្ចប់ពិសេសបញ្ចុះមកត្រឹមតែ ៣៧៩០០ដុល្លារ ចំពោះតម្លៃប្រែប្រួលជាក់ស្ដែងយ៉ាងណានោះ បងប្អូនអាចទាក់ទង់សួរនាំក្រុមហ៊ុនបន្ថែមបាន។

ចំពោះឡានចំណូលថ្មី Seltos មួយម៉ូឌែលនេះ បងប្អូនយល់យ៉ាងណា? សម្រាប់មតិយោបល់ និងបទពិសោធន៍ អាចចែករំលែកបាន៕

ដោយ៖ Bunsak