LX700h ទោះបីជាមិនមានការផ្លាស់ប្ដូររូបរាងថ្មីទាំងស្រុងក៏ដោយ ប៉ុន្ដែ Lexus មិនដាក់របស់ដដែលៗនោះទេ សម្រាប់ SUV ខ្នាតធំមួយនេះ នៅតែមានលក្ខណៈពិសេសប្លែកមួយចំនួន ដើម្បីបន្ថែមរស់ជាតិឲ្យកាន់តែប្លែកជាងមុន។ 

ផ្នែកខាងក្នុងកំពូល SUV Hybrid មួយនេះទទួលបាននៅកញ្ចប់អេក្រង់ ឌីជីថលថ្មី ១២.៣អ៉ីញ កៅអីជួរមុខ Lexus បានបំពាក់ថ្មី ព្រមទាំងចង្កឹះលេខប្រភេទថ្មីដំបូងគេមិនធ្លាប់មានដែលគេហៅថា Electro-Shiftmatic System ជាមួយប្រព័ន្ធ Wireless Charge ល្បឿនលឿនផងដែរ។

LX700h ជំនាន់ទី៤ ដំណើរការដោយម៉ាស៊ីនកូនកាត់ជំនាន់ថ្មី Paraller Hybrid ជាមួយម៉ាស៊ីនសាំង ៦ស៊ីឡាំង ៣.៤លីត្រ Twin-Turbo រត់ដោយប្រអប់លេខ ១០វគ្គអូតូ ហើយក៏ទទួលបាននៅដុំ Alternator ផងដែរ។

LX700h នៅតែមានសមត្ថភាព Off-Road បានល្អបើទោះបីជាប្រើប្រព័​ន្ធ Hybrid ក៏ដោយដែល Lexus បានបំពាក់មុខងារមិនជ្រាបទឹក Waterproof ផ្នែកប្លុកអាគុយ Hybrid ដើម្បីងាយស្រួលក្នុងការបើកបរបែបស្ថានភាពផ្លូវលំបាក Off-Road ជាមួយសមត្ថភាពចុះទឹកបានដល់ទៅ ៧០ សង់ទីម៉ែត្រ ហើយក៏ភ្ជាប់នៅមុខងារ លើកកម្ពស់រថយន្ដដោស្វ័យប្រវត្តិ Active Height Control ផងដែរ។

ចំពោះតម្លៃ នឹងព័ត៍មានទូទៅទាក់ទង នឹង Specs Performance មួយចំនួនធំ Lexus មិនទាន់បង្ហាញនៅឡើយទេ។ ប៉ុន្ដែ Lexus បញ្ជាក់ថា LX700h ដំបូងរបស់ខ្លួន នឹងចេញលក់ជាបណ្ដើរៗសម្រាប់ទីផ្សារអាមេរិក នៅចុងឆ្នាំ២០២៤ នេះហើយ៕ 

ដោយ៖ Bunsak 

ប្រភព៖ Motor.1

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!