អាចថាជាការកម្រមួយដែលក្រុមហ៊ុន Mazda ដាក់លក់ម៉ូឌែលចុងក្រោយ Mazda 2 ស៊េរីឆ្នាំ 2025 ថ្មីខ្លាញ់គោក្នុងតម្លៃ ១៩,៩៩៩ដុល្លារប៉ុណ្ណោះ ខណៈខ្ទង់ ២ខែមុនឃើញដាក់លក់ ២១,៩៩៩ដុល្លារឯណោះ។

នេះអាចថាជាតម្លៃប្រម៉ូសិនពិសេសមួយដែលស្ទើមិនធ្លាប់មានឡើយសម្រាប់ឡានជប៉ុនស៊េរីចុងក្រោយបែបនេះ ហើយក៏ជាម៉ូឌែលឡានដែលលក់ដាច់ នឹងពេញនិយមក្នុងការប្រើប្រាស់ផងដែរ។

បច្ចុប្បន្នឡានថ្មីប្រភេទ Sedan ស៊េរីឆ្នាំ ២០២៥ នឹងប្រេនល្បីមិនងាយមានតម្លៃក្រោម ២ម៉ឺនដុល្លារនោះទេ អាចថាមិនងាយរកឡើយ។ ហើយនេះក៏ជាឪកាសពិសេសសម្រាប់បងប្អូនដែលមានតម្រូវការប្រើប្រាស់រថយន្ដ ហើយកាន់ខ្ទង់ ២ម៉ឺនដុល្លារអាចពិចារណាឡានថ្មីគាស់កេស ដែលធានាស្ទើតែគ្រប់យ៉ាងចេញពីក្រុមហ៊ុនក្នុងរយៈពេលវែងផងដែរ។

គួរបញ្ចាក់ថា៖ Mazda 2 2025 មានពីរជម្រើស Option ដូចជាប្រភេទធម្មតា តម្លៃ ១៩,៩៩៩ដុល្លារ នឹងប្រភេទ Sport Edtion តម្លៃ ២៦,៩៩៩ដុល្លារ ដែលប្រើម៉ាស៊ីន ៤ស៊ីឡាំង ១.៥លីត្រ ផលិតកម្លាំងសេះបាន ១០៧សេះ កម្លាំងរមួល ១៣៩ញូតុនម៉ែត្រ រត់ដោយប្រអប់លេខ ៦វគ្គអូតូ បង្វិលកង់ដោយប៉ុង១ FWD ដែលមានជំនួយដោយ Sport Mode អាចរត់ល្បឿនជាអតិបរិមាក្បែរ ២០០គីឡូម៉ែត្រ/ម៉ោង។ ជាមួយកម្រិតស៊ីសាំងត្រឹមតែ ៥លីត្រ ទៅ ៦លីត្រជាងប៉ុណ្ណោះក្នុង១០០គីឡូម៉ែត្រ។ 

សម្រាប់បងប្អូនវិញយល់យ៉ាងណាដែរចំពោះ Mazda 2 2025 មួយនេះ? តម្លៃក្រោម ២ម៉ឺនអាចថាមិនងាយរកឡើយសម្រាប់ឡានថ្មីខ្លាញ់គោ Sedan បែបស្ព័រ ចាយរាងបែបនេះ? ដើម្បីកាន់តែច្បាស់បន្ថែមរឿងតម្លៃមានការប្រែប្រួល ឬយ៉ាងណានោះ បងប្អូនអាចទាក់ទងសួរនាំព័ត៍មានបន្ថែមទៅកាន់ក្រុមហ៊ុនផ្ទាល់បាន៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!