Tesla Model 3 បានគូប្រកួតថ្មី បន្ទាប់ពី Mercedes ប្រកាសចេញ concept ឡានអគ្គិសនីថ្មី Mercedes Benz CLA Class EV 2025 ជាមួយការរចនាម៉ូដ high class ភ្ជាប់បច្ចេកវិទ្យាខ្ពស់ ជិះបានឆ្ងាយ និងជាពិសេសនឹងចេញលក់ជាមួយតម្លៃសមរម្យសម្រាប់ប្រកួតប្រជែងទីផ្សារ។

MB CLA 2025 ជារថយន្ដអគ្គិសនីសុទ្ធ ដែលរចនារូបរាង ប្រើប្រាស់ platform MMA (Mercedes’ next gen Modular Architecture) ដំបូងគេ ដែល Mercedes គ្រោងប្រើសម្រាប់រថយន្ដអគ្គិសនីក្រោយៗរបស់ខ្លួន។ ផ្នែកខាងក្រៅមានចង្កៀង LED រំលេចតួរថយន្ដ ពិសេសដំបូលខាងលើត្រូវបានពាសដោយកញ្ចក់សុទ្ធយ៉ាងស្រស់ស្អាត។ 

MB CLA នឹងភ្ជាប់ជាមួយថ្មអគ្គិសនី Ultra-efficient ប្រើ sillicon-oxide របស់ EQXX ជាមួយថាមពល ៨០០V ដែលសាកពេញម្ដងអាចឲ្យវារត់បាន ៧៥០ គម និងអាចសាកថាមពលបានលឿន តែ ១៥នាទី អាចឲ្យវារត់បាន ៤០០គម ជាពិសេសវាមានភ្ជាប់ប្រព័ន្ធ bidirectional charging ដែលផ្ទុកថាមពលសម្រាប់ផ្គត់ផ្គង់រថយន្ដជាបណ្ដោះអាសន្នផងដែរ។ 

ផ្នែកខាងក្នុងមានអេក្រង់យក្ស MBUX Superscreen លាតសន្ធឹងពេញមួយ dashboard តែម្ដង ដើរដោយប្រព័ន្ធ Mercedes Benz Operating System (MB.OS) ដែលមានភ្ជាប់បច្ចេកវិទ្យាទំនើបផ្សេងៗទៀត រួមមាន ប្រព័ន្ធជំនួយការបើកបរកម្រិត ៣ (SAE Level 3 autonomy system), ប្រព័ន្ឌការពារក្មេង (Child Presence Detection: CPD), និងប្រព័ន្ធឆ្លាតវៃផ្សេងទៀតផងដែរ។ 

តាមការឲ្យដឹងពី Carwow ថា MB CLA 2025 នឹងសម្រេចការផលិតជារូបរាងនៅ ២០២៤ នេះ និងចេញក្នុងទីផ្សារអាមេរិកមុនគេ ជាមួយនឹងតម្លៃប៉ាន់ស្មានប្រមាណខ្ទង់ ៥៥ ៧៥០ ដុល្លារ ដែលក្នុងនោះ Mercedes ក៏មានគម្រោងបង្ហាញមុខ concept រថយន្ដ ៣ ម៉ូដែលបន្ថែមទៀតផងដែរ ដោយមួយម៉ូដបែកចេញពី Wagon និងពីរទៀតជាប្រភេទ SUV ដែលមកជំនួសម៉ូដែល GLA និង GLB ផងដែរ។ 

ប្រភព៖ Electrek

អត្ថបទ៖ Andra 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!