ចាប់តាំងពីការមកដល់នៃរថយន្ត Mitsubishi Xpander Cross ស៊េរីថ្មី 2023 នៅក្នុងទីផ្សារប្រទេសកម្ពុជា យើងសង្កេតឃើញថា សន្ទុះនៃការគាំទ្រពីអតិថិជនមានការកើនឡើងយ៉ាងច្រើនគួរជាទីកត់សម្គាល់ នេះបើតាមការបញ្ជាក់ពីក្រុមហ៊ុន Mitsu (Cambodia) ដែលជាក្រុមហ៊ុននាំចូលជាផ្លូវការនូវរថយន្ត Mitsubishi នៅក្នុងប្រទេសកម្ពុជា។

តំណាងក្រុមហ៊ុនបានបញ្ជាក់ថា៖

ចំណុចលេចធ្លោ ដែលទាក់ទាញចំណាប់អារម្នណ៍នៃរថយន្តនេះ គឺរូបរាងដ៏ស្រស់ស្អាត ម៉ាស៊ីនធន់ និងតម្លៃសមរម្យ។ 

រថយន្ត Xpander Cross 2023 នេះមកជាមួយនូវការរចនាផ្នែកខាងក្រៅថ្មីទាំងស្រុង ដែលមើលទៅស្អាត មុខកាច ទាក់ភ្នែក រួមជាមួយនិងបច្ចេកវិទ្យាទំនើបៗផងដែរ។

ចំណែកផ្នែកខាងក្នុងក៏ផ្តល់នូវផាសុកភាពដ៏សម្បូរបែប ជាពិសេស​សំរាប់អ្នកដែលមានសមាជិកគ្រួសារច្រើន។

តំណាងក្រុមហ៊ុន​ Mitsubishi ក៏បានបញ្ជាក់ទៀតថា បើនិយាយពីម៉ាស៊ីនរថយន្ត Mitsubishi វិញ គឺថាប្រជាជនកម្ពុជាបានទទួលស្គាល់គុណភាពរួចទៅហើយពីភាពធន់ រឹងមាំនៃម៉ាស៊ីន ព្រមទាំងពូកែសន្សំសំចៃផងដែរ។

ទាក់ទងនឹងប្រព័ន្ធគ្រឿងក្រោមវិញ សូមបញ្ជាក់ថា រថយន្ត Xpander Cross 2023 នេះបាន​​ update បន្ថែមដោយប្រើប្រាស់ DNA របស់រៀមច្បងរបស់ខ្លួនគឺ រថយន្ត Pajero Sport ដូចនេះ វាកាន់តែធ្វើអោយមានផាសុកភាពក្នុងការបើកបរ និងអាចបត់បែននៅគ្រប់កាលៈទេសៈ។

ជាមួយនឹង Specification រថយន្តដូចរៀបរាប់ខាងលើ ហើយនឹងតម្លៃដ៏សមរម្យទៀត ត្រឹមតែ $35,500 ក្រុមហ៊ុន Mitsubishi កំពុងរំពឹងថា រថយន្ត Xpander Cross 2023 នេះនឹងក្លាយជារថយន្ត​ MPV ដែលឈានមុខគេក្នុងឆ្នាំ 2023 នេះ។